¹ Lebuh Petrus dan Yohanes bejaku ngau urang mayoh,datai kesidak bala imam, ketua penjaga Bait Allah, lalu ngau urang urang Saduki, ² laban sida pedih ati ngagai sedua iya ngajar urang mayuh lalu madahka dalam Yesus bisi pemangkat ari urang mati. ³ Lalu, alai sidak nangkap sedua iyak Petrus ngau Yohanes lalu nutup sedua iya dalam rumah jel ngagai kehari suti laban hari nyau lemai. ⁴ Tang mayuh urang keninga pesau sidanya.arap lalu pemayuh jumlah sida tamai ngagai kira lima ribu iku. ⁵ Hari siti, bala orang ke megai perintah, sida tuai bansa enggau sida pengajar Adat begempuru di Yerusalem ⁶ sama enggau Imam Besai hanas enggau Kayapas, yohanes, Aleksander, enggau sida ti bukai ke ari ruang bilik imam besai. ⁷ Lebuh sida udah ngasuh petrus seduai yohanes bediri di mua sida, sida lalu nanya, “Ngena kuasa apa tauka ngena nama sapa seduai ngereja utai tu?” ⁸ Petrus, ke penuh laban Roh Kudus, lalu bejaku ngagai sida, “Kita urang perintah, enggau kitai ke tuai bansa: ⁹ enti kami duai sehari tu ditanyaka pasal kereja ti manah ti udah dikereja ba orang ke enda ulih bejalai, pasal jalai urang tu udah digeraika, ¹⁰ awakka semua kita nemu, lalu awakka semua orang Israel nemu, orang ke bediri di mua kita ditu diatu, udah digeraika ulih kuasa nama Yesus Kristus orang Nasaret, ke udah diregang kita, lalu udah diangkatka Allah Taala idup baru ari mati. ¹¹ Yesus nya meh ‘batu ti ditulak kitai ke tukang rumah, tang udah nyadi batu ti pemadu beguna.’ ¹² Pengelepas semina ditemu dalam orang siku aja, laban nadai nama bukai di baruh langit ti diberi ngagai mensia ti ulih nyelamatka kitai.” ¹³ Lebuh sida meda pemerani Petrus seduai yohanes,lalu nemu seduai iya ukai urang ke bepelajar, tang urang ke sengapa-dia, sida balat alit ati. Nya baru sida nemu seduai iya udah bekaling enggau Yesus. ¹⁴ Lebuh sida meda urang ke udah digeraika bediri ngimbai seduai iya, sida nadai nemu jalai besangkalka nya. ¹⁵ Nya alai sida ngasuh seduai iya pansut ari balai nya. Sida lalu berandauka pasal pekara nya enggau pangan diri. Ku sida, “Nama utai ti patut dikereja kita ngagai urang tu? ¹⁶ Laban semua urang ke diau di Yerusalem bela udah meda kereja ajih ti udah dikereja ulih seduai iya, lalu kitai nadai jalai besangkalka nya. ¹⁷ Tang kena nagang pekara tu ngelekai ba bala urang mayuh, awakka kitai nangkan seduai iya enggau jaku, endai nyagi seduai iya bejaku ngagai sebarang urang dalam nama tu.” ¹⁸ Nya alai sida lalu ngangauka Petrus seduai yohanes tama baru, lalu endai nyagi seduai iya bejaku tauka ngajar dalam nama Yesus. ¹⁹ Lemai abis lalu pagi nyak pen datai. Nya hari ti keempat. Udah nya Allah ²⁰ Taala bejaku, “Awakka ai penuh laban semua bansa utai ti idup, lalu awakka burung terebai di langit.” ²¹ Lebuh sida udah ngemba seduai iya baru, sida lalu ngelepaska seduai iya Yohanes alai petrus, laban sida nadai nemu jalai ngukum seduai iya ketegal orang mayuh, laban semua sida bela muji Allah Taala ketegal utai ti udah nyadi. ²² Laban orang ke udah digeraika ulih kereja ajih nya lebih empat puluh taun umur. ²³ lebuh Petrus seduai Yohanes udah dilepaska, seduai iya lalu pulai ngagai raban sida empu, lalu madahka jaku ti udah disebut sida tuai imam, enggau bala tuai bansa, ngagai seduai iya. ²⁴ Lebuh sida ninga nya, semua sida lalu besampi enggau nyawa ti inggar ngagai Allah Taala. Ku sida, “Tuhan ti Pemadu Tinggi, ke ngaga langit, tanah, enggau tasik, enggau semua utai ti dalam sida, ²⁵ ke udah bejaku ngena Roh Kudus nengah mulut nembiak Nuan Daud, ‘Nama kebuah orang bansa bukai pedis ati, lalu semua bansa berundingka utai ti nadai guna? ²⁶ Bala raja dunya angkat bediri, lalu orang ke megai perintah udah begempuru ngelaban Tuhan enggau ngelaban Kristus Iya yang dah diurapi," ²⁷ Laban dalam nengeri tu, iya ti bendar, Herodes seduai Pontius Pilatus,enggau orang bansa bukai, enggau urang Israel, ²⁸ udah begempuru ngelaban Nembiak Nuan ti kudus, Yesus ke udah dipilih Nuan, ngambika sida ngereja utai ti endang udah dulu diletak Nuan deka nyadi. ²⁹ Nya alai diatu, Tuhan, peda Nuan pemalat sida ngemba kami, lalu beri pemerani ngagai nembiak nuan kena sida nusui pesan Nuan, ³⁰ lebuh Nuan ngunjurka jari Nuan lalu ngeraika urang, lalu tanda ti nyelai enggau kereja ajih dikereja dalam nama Yesus, ³¹ nembiak Nuan ti kudus.” Lebuh sida udah besampi, endur alai sida ke begempuru lalu berenyang. Semua sida lalu dipenuhka enggau Roh Kudus, lalu sida berani nusui pesan Allah Taala. ³² Semua sida ke arap sama seati, sama sepenemu, lalu nadai siku sida ngumbai utai ti dikemisi sida semina diempu sida kediri, tang semua sida bekunsika semua utai ti dikemisi sida enggau pangan diri. ³³ Enggau kuasa ti besai, sida rasul besaksika pasal pengangkat Tuhan Yesus ari mati, lalu Allah Taala merekatka semua sida. ³⁴ Nadai siku sida suntuk utai, laban sida ke bisi tanah tauka rumah, nyual utai nya, lalu mai ³⁵ lalu ngengkahka rega utai nya semak kaki sida rasul, lalu duit nya disadung ngagai bala sida nitihka guna sida siku-siku urang iyak ³⁶ Siku orang Lewi ³⁷ ke benama yusup ke asal ari Siprus, ke dikumbai bala sida rasul Barnabas (reti nya, “Anak Peransang”) nyual tanah iya, mai duit nya, lalu ngengkahka duit nya semak kaki sida rasul.