Pasal 3
Petrus menyembuhkan orang lumpuh
1
Wahe to tes, Petrus rilat Yohanis riunar cocilbait Arpames samo mat fro aelami ofrak peri afei mesou, sae sop fro aelami ofiak faulim.
2
Saet tamtor tomtu mat ae dobri tot samo en timan moli warilon riki enon. Waheto-wahetohe fendu ritop ribon ramtandwahe limu Arpames saet omrak aha rer ram tan dwahe mat fla saet ehim ri pana ritan tormal rewenecil Arpames be limu.
3
Samo et Eromi Petrus mat Yohanes renecil Arpames, be limu ehim rilat edues.
4
Samo Petrus, omnak aha rilat Yohanes lei lal tan e sop esrae," arom yau.
5
Tamtu aedobri tot esrae of nawe eco mau ri Petrus rilat Yohanes, rirome safem e urfrima endues ren tendu mat.
6
Sop sae, Petrus esrake,"yau enduhaet tapse perak fe emas sop saet yabema tafum yaur fiyam warilon ha Kristus Yesus tomtu Nasaret be, etiak aha sop sailok."
7
Samo mat Petrus tapul ma maun tomtu mal sop sorok e etiak aha etu sae sop ebe ae mal omase ofarma reme sop dalu fei.
8
Saet sop, om flanar et etu sop et saul sop et ehilok warilon Arpames be limu erome Petrus rilat Yohanes erome salil sop fom flanar sop snanyak e Arpames .
9
Penyek tamtori rirome salil sop snanyak e Arpames.
10
Saet fendumat daen sop ommas aehes awi sop etopan endu mal sop delyak yat se endu amal erira hes wis enom delyak yatse mal haet sop dalyak ofei eno.
Khotbah Petrus di Serambi Salomo
11
Samo mat sae tamtor mal ratapul e Petrus rilat Yohanes, penyek tamtormal roflof rim man tamtormal rimi limuhya ride te timurya Salomo, omnas tani.
12
Samo mat Petrus erom ri, esrak ri tamtor mal sefa et. Hoi tamtori Israel, endu enohofa yam leilaltan mim saet tam ebe awahe sop mel mal mim mi farok mim sop mifei tamtormal ri rahene.
13
Arpames Abraham rulat Ishak, rulat, rilat Yakub, Arpames tapun laba ribe laba mim be sop snanyak e tamtormal Yesus, sop yam murfre dik sop mihak pare en Pilatus samo et sop ekispar delafokpare.
14
Set sop yam, ahak pare etfia mal so melmal-melmal sat yam mihian me tomtu tetut pare pelafok pare e,
15
sop yam mifun pare sat iferer menon mat delyak Arpames etiak aha menon mati fe rerperwar saet fetit rer tenon mas nyake.
16
Sae ebon mihi fango mu warrilon hamat saet Yesus, sae bilu tamtori sae yam aro me sop eilaletit. Sop omnase et eilate sop amrakaha eta ane sop urfrima omrak aha saet fia fe toamtu sop itoe yam penuek sehe.
17
Arahap lafukri yau yafas tane sop yam atite warilon, Saelahap omnase feyam menon mifei saet ribe dobry ureni.
18
Saet sop, yam Arpames esrak yam tafun olfare warifnou penyek sehe nabi tafum Kristus sop omnase mori, tafum esrak ihi.
19
Saet enohofa saet, afar ahi sop esrispar sop sohus ehla mifei,
20
saet aitama samo derdinar Arpames, saet tafum akispar Kristus samo mat erispar rima, eryak fehaet Yesus,
21
Saet tafum ao surga urfri tafum ao samo mattafun ama endu penye sehe enau mnai ofei ofa saet delyak Arpanes heswis eta oe nabi-nabi mal fia samo matan se.
22
Musa esrak e," Tuhan Arpames sop ait etiak ahae feyam tamtori nabi fe yau memihi molmal se lafuk ri-lafum is yaena. Yam sop ofla penyeksehe endu saet yau sop yama.
23
Saet sop ofei ini memon tedir netu yat par yi fla yam nabi mat sae aop etrok aem nofe fendu fenduhe.
24
Sop penyek sehe nabi mal matan esrak, tafei aen semuel rit fendu ma rifei enom esrak ripe waheto-waheto ne.
25
Yam menon ihi tapun laba ren nofe nabi sop enes pak ini saet sop Arpames ofei ri tapun laba hiri sop esnake Abraham, tit taoe ai pati, penyek sehe toprimse ren fendu it sop aur fiam.
26
Arpames, samo tatiak ri fendu mat riatak aou sefo matan sop aur fri sop afeiri tes-tes tamtori renon resispar ren pele ehla.