¹ Samo waheto Pentakosta oma. Fendumat penyekse riki enon sae. ² Sop erirane swis rofia aha onafu, tani ito mu fe maro dwahe ehur o map elof ehil limu pele fenaki mat ramenos enon. ³ Sop erome malatano-malatano ofei -ofei yafu opornar sop nenito-itop etuni enyat se fendumat tes-tes. ⁴ Sop feaumat penyek samo Roh Kudus eau sop ri resrak fe fentu fentine sop sama Roh Kudus unfri sop fendumat rasna nyak. ⁵ Samo mat sop ri tamtormal Yehuda sop ren non Yerusalem, tamtormal sale ren tes-tes fedumal ren orihi onotanu. ⁶ Sop sesya heto fla ok tanitomuriki enon tamtormal sefa rimi tikiomap sop eriraheswis samotes tamtori ren roflae sop ri resrak warilon fenti ribema. ⁷ Samo enrahes wis rira popab nar rem res rak," Baem fendumat penyek pamenos risrak e enom baen tamtori Galilea. ⁸ Sop yam edu ennohofa yam fetes-tes mim mofla ribe fenti pele nbone. ⁹ Tamtorme riki enon sopo media, sop felem sop pele ren Mesopotamia Yudea sop Kapadokia, sop Asia. ¹⁰ Frigia, sop Pamfilia, Mesir sop fendu-fenduhe libia rarukse Kirene riminar-riminar se ren Roma. ¹¹ Fia tamtor mal Yahudi rireno hi proselit, tamtormal Kreta sop arab rer taflag fendumal resrak ribema fenti endu rifei nar-rifeinar dwahe Arpames. ¹² Sop fendumat rapopapar resnak epe tehe sop lus," Sampana ofei penyek sehe tit". ¹³ Saet fe tamtori lus ramel mil sop resrak fendumat moritut fe anggu fofou.

¹⁴ Samo Petrus etu pnyek sehe kesebelas rasul, redi aha rori sope esrak rifendumat Yahudi sop penye renon Yerusalem afokpar omnase saetbema sop dar-dar eres snanyak. ¹⁵ Fetamtori watit tap rira mesmus rani, sop fe yamlan angker mibum sael waheto fofou froa elami toul. ¹⁶ Samo matit sop esrak enon nabi Yoel. ¹⁷ Sop samo waheto mal rikispar sop ofei, Arpames esrakri pe yau samo yaur fiam Roh Kudus amap etiaha tamtormal sop matum ri tamtori so natum riam fendi. Sop aturi bromane sop riarom aennofe deliato. ¹⁸ Saet ri aen yatse tamtormal-tamtormal. Tamtormal amfendi samo wahe tomat sae, yat sop yaur fiamo Roh Kudus, sop fendumat sae sop ri esrak e. ¹⁹ Samo yat yait yifnau yam mujisat-mujisat enonofo, yat se, sop fare-fare of nau yam en feduwarilon, en nihi, fuhe sila, fe yafu, sop bafu metar fe. ²⁰ fromat ite ris par enofe metarmo sop mablu enofe sila, tafur wahete Arpames ebe dwahe sop fia oma. ²¹ Samo mat ofei fe tamtormal sop Ehime ha Arpames saet sop abon mok fia. ²² Wo tamtormal Isral, ofla esrak ere tit Yesus, Nasaret be tomtu-tomtu tehe sop esrak sop rerma yama sop Arpames fenti-tenti tes so mujisat-mujisat sop fare-fare bon, yan tofum-Arpames of mau yam lus rer tenon mat yaen ut uhim rehe omnas. ²³ Yesus tit sop ri fori sop fanggo ribema sat sop rikis par sop am slalaitam ahole mori tamtori fetes. Tafun sop, Arpames dedi ²⁴ ahari sop afokpar ren pele fetes rer perwar angker ait sop ebe awahemat en rerperwar. ²⁵ Sop Daud omnase erak pe Yesus yat yarome Arpames enem enom co fuar sop ut enom falwar ma maur sop yau tap yatopar. ²⁶ Saet yabe fitak afo it momlo, sop malak tano smanyake. Tanyak yabe it enon warilon sop auren emim. ²⁷ Saet ut pak tarum afei tanyak netu anon fendu wali lan tamtormal terper, fe tafum tamtori fia ti arome fetes. ²⁸ Ut sop wesrak enim rara fia. Ut sop efei em daen momlo comfu fia. ²⁹ Lafuk ri amap yisrak yam saet melmal rebe mam maan tapu Daud saet sop operem lipi, saet enlipi, saet enon fia saet enerer enom blaohe enom erer nana hap. ³⁰ Ofei e rerma tamtormal nabi sop rertomnase Arpames saet esrak ihi re pe rer ma tafel damar at sop rira menos enom lehe fe natun Daud rian yatse tahita. ³¹ Saet sop Daud erome endumat sae matan et, esrak ripe samo Kristus etiak aha sae," et tabser riredi ahae en fendu tamtor mal rer per war, sop tani mal tam tap ri arome enfetes," ³² Yesus ut sop Arpame witiak aha sop miam penyeksehe endu sop atem aha u. ³³ Ut sop neto media aha u sop mim maon Arpames sat tur fe mima esrak ihi yat mam fe Roh Kudus saet sop yaur fiam yis rak yam fenties sop yam arame yama oflae. ³⁴ Sop Daud lahap aha ao surga tafum ehak behe esrak," Arpames yisra upe tuan be," mameros maen fa war ma holi-hebe. ³⁵ Atu ahitit yau yafei bare-bare en dobri tot. ³⁶ Ut sop saet tafum penyek umu israel omnas esrak ini fe Arpames en ofeinar ere Arpames sop Kristus sop Yesus et sop yaem en ehlata. ³⁷ Sama fendumat rofla e endumal saet. Farro riafo endues ribal enon fendumat sop Petrus oi para rasul malus ma." La fum ri en sampa nenduest mim mafia.c ³⁸ Sop Petrus espak ri fendumat," Afarahisop rani riapal tuanim tan tes-tes warilon ha Kristus Yesus sop sohus fe yam be ehla mi fei, sop yam yaur fian Roh Kudus. ³⁹ Saet espak ihire pe, riabori sop ri penyek sehe tamtori lus renoto, safsefahe sop Arpames rebe ma tit sop, mortaufe temim titma sop tapum-tapum labe sop aofig. ⁴⁰ Saet sop sefa esrak ere lus Petrus smanyak e sop fe mel mal se etsop ilatepar feri fendu-fendumat, mortaufe tein titma sop tapun-tapun labe sop aofig. hidup jemaat yang pertama ⁴¹ Tam tor ma yan mure ebe fenti Petrus ranis apale aen waheto mat sop maadt fendumat riama ferum akiai non toul ribei tendir netu. ⁴² Fendumat riki enon warilon wihi bon fri rasul-rasul, warilon eriyak na are sop wanlon rifei mesou. ⁴³ Sop nenari rifei endu es saet fare-farebon sop ofei etat enri rasul. ⁴⁴ Penyek sehe ras nanyak e rikioma endumal ribema endu penyeksehe enon. ⁴⁵ Eholok fendu mal jual endu barsa ribe ma, saet sop rur rak testes. ⁴⁶ Waheto-waheto mnai renon om nase fitua fo fendu mat sop riki oma onase nihi limu Arpames sop eryak nar are ren limu sop limu. Fitu afo fia. ⁴⁷ Rit sop rasnanyae Arpames sop fendu rima rabou fe rit, fendumat sefa ren waheto-waheto ne Arpames terfri sefa, fendu mal ti sop tamtormal ri renon fia.