⁸ Le aj bobatobo le anchajoo kaach teeno yéetel teexe le yaab uchbeen k'inoo pachíloo xáan ajchilamoo tu yóolal ya'ab muuch' kaajo yéetel tu yóok'ol nukuch ajawíloo, yook'ol ba'ateloo, wííjíl, yéetel k'ooxoloo. ⁹ Tíalak beeyoo le ajbobat ku ajchílame le té yanú a'antal jets' óolil, wau t'aan kú jaj'taalé, tuunee yanú ojeetaa letié jach tu jajilé utuul ajbobat tuxtaan tu yóolal le Yummtsilo. ¹⁰ Ba'alé Hanahíase le ajbobato tu ch'aa le kuuch tu kaal Jeremíaso le ajbobato katú jaatá. ¹¹ Tuune Hanaíasé tu t'aana taan tu laakal le makoobo katú yáala: Le Yummtsilo ku yaalik le ba'axá: bey jeexe ba'axá, íchil káap'ee jaabobe teené yaní jaatik tiu kaal tu laakal le noj lu'umo yéetel u kuuch bóolil yoolal Nabucodonosor ajau Babiloniao "Dzokole le ajbobat Jeremíasó tu Baykunaj u béel. ¹² Dzokol ka Hananías le ajbobat tu jaaté kuuch tu káal Jeremías le ajbobato, u t'aané Yummtsilo taal tí Jeremías, katú yaala: ¹³ Xeén yéetel t'aan Hananías a'al tí, le Yummtsilo kú yáalik le ba'axá: Teché ta kachá up'ee kuuch chee, ba'alé teene yani betkú laak' yéetel mascab. ¹⁴ Bey tuun le Yummtsil Molay k'atuno'ob, Diosí Israel, ku yáalik le ba'axá: Teene dzokí tsaik u p'ee kuuch mascaab tu káal tu lakalé noj lu'umo tíal u meyajkoo Nabucodonosor ajau Babilonia, letí'obé yanú meyajkoo. Téen xané dzokí tsáik tí kau ajauwil yóok'ol le ba'alcheo k'axíloboo. ¹⁵ Dzokolé Jeremíase le ajbobato tu yáala tí Hananías le ajbobato: ¡Uuy Hananías! Le Yummtsilo ma tu tuxtech teechí, ba'alé teech batsil tá beeta ka le makooba u yooxaoolol tia tusoobo. ¹⁶ Bey tuun le Yummtsilo ku yaalik le ba'axá: pakté, teene jach taitak in tuxtikech taanká te lu'umo. Teeché yana kími te' jaabá, tumen teeché dzoká tsáik oheetbil le líik'sajkaajo'ob tu yook'ol le Yummtsilo. ¹⁷ Tié septimo wíinal tie batsíl jaabo, Hananías le ajbobato kíimí.