E alí entrarei en xuízo contra elas polo meu pobo e da miña herdanza, Israel, a quen espallaron entre as nacións e repartiron a miña terra.
3 Tamén botaron sortes polo meu pobo, cambiaron un neno por una rameira e venderon unha nena por viño para que puidesen beber. 4 Ademais, que tedes que ver comigo, Tiro, Sidón e todas as rexións de Filistea? Queredes vingarvos de min? Se vos vingades de min deste xeito, axiña volverei a vosa vinganza sobre a vosa cabeza.
5 Porque levastes a miña prata e o meu ouro, e levastes os meus valiosos tesouros aos vosos templos.
6 E vendestes os fillos de Xudá e de Xerusalén aos gregos para afastalos do seu territorio. 7 Velaquí levantareinos do lugar onde os vendestes, e devolverei a vosa vinganza sobre a vosa cabeza.
8 Tamén venderei os teus fillos e as túas fillas aos fillos de Xudá e eles venderanos aos sabeos, a unha nación afastada porque así o dixo IaVHeH. 9 Proclamade isto entre as nacións: preparádevos para a guerra, espertade aos valentes; achéguense, suban todos os soldados.
10 Forxade espadas da vosas reixas de arado e lanzas das vosas podadeiras; diga o débil: Forte son. 11 Apresurádevos e vide, todas as nacións do teu derredor e reunídevos alí. Fai descender, oh IaVHeH, os teus valentes 12 Esperten e érganse as nacións ao val de Iosafat, porque alí sentarei a xulgar a todas as nacións ao derredor.
13 Metede a fouce, que a colleita xa está madura, vide, pisade, que o lagar xa está cheo; os cántaros desbordan, porque a súa maldade é grande. 14 Multitudes, multitudes no val da decisión porque preto está o día de IaVHeH no val da decisión.
15 O sol e a lúa escurecen e as estrelas perden o seu brillo. 16 IaVHeH ruxe dende Sión, e dende Xerusalén dá a súa voz, e tremen os ceos e a terra. Pero IaVHeH é refuxio para o seu pobo e fortaleza para os fillos de Israel.
17 Entón saberedes que eu son IaVHeH o voso Deus, que vivo en Sión, o meu monte santo. E Xerusalén será santa, e os estranxeiros non pasarán mais por ela. 18 E ocorrerá naquel día que os montes destilarán viño doce, os outeiros manarán leite, e as augas correrán por todos os regatos de Xudá, brotará un manancial da casa de IaVHeH e regará o val de Sitim.
19 Exipto será unha desolación, e Edon será un deserto desolado, pola violencia ocorrida aso fillos de Xudá, en cuxa terra derramouse sangue inocente. 20 Pero Xudá será habitada para sempre e Xerusalén por todas as xeracións.
21 E vingarei o seu sangue, que aínda non vinguei porque IaVHeH habita en Sión.