¹ ईशु डोगुलीपने अेठा उततुलो ताहा खुप टोलो तिईया पाछला जा लाग्यो. ² ताहा वेरा, एक कोडलो रोगी ईियापाही आलो आने तिईयाल पागेपोडीन आख्यो, "प्रभु, तो ईच्छा वेअरी ते माल शुध्द केओरा खातोर तु समर्थ हाय" ³ ताहा ईशुई आपो हाथ आगला कीईन तिईयाल स्पर्श केओयो आने आख्यो, "माआ ईच्छा हाय, शुध्दवी जो, " आने ताहाज तिईया कोडलो हारो वी गियो. ⁴ पाछी ईशुही तिईयाल आख्यो, केओडाल नाहा आखो; जाईन याजकाल देखाव आने तिईयान सत्या साक्ष पोटा जोजे तिईयाल तो शुध्दीकेअता, मोशेई नेमिदेदली मानतोके. शताधिपती नाैकर ⁵ ताहा ईशु कफर्णहुम गावाम आलो ताहा एक अधिकारी तिईयाई आलो आने तिईयाल विनंती कोईन आखा लाग्यो. ⁶ "मासतुऱ्या, माआ नोकर लोखवा की खूप आजारी हाय. आने कोमे पोडी रिईयो . " ⁷ ईसु तिईया आख्यो, माआयु आविन तिईयाल हारो के अहे. ⁸ ताहा अधिकाऱ्याई उत्तर देदो, "मास्तुऱ्या आपु माआ झोपडीम आवा अेहेकी योग्यताआ माअयु नाहा, पेन आपो शब्दच गोगा तेबी माआ नोकर हारो वी जाई. ⁹ काहाका माई बी एक अधिकारी हाय माआ आथा ओठा शिपाई हाय. माआयु एकाल जाे आख्यो ता तो जाहे, विहराल आव आखु ता तो आवे, आने माआ दासाल ई केओ' आख्यो की तो केहे ." ¹⁰ ई उनाईन ईशुल आश्चर्य वाटयो आपोपाडला आवनारा लोकान तिईयाय आख्यो, मायु तुमान खेरो आखु, माल इस्त्राउलाम ओडो विश्वास नाहा सापडयो." ¹¹ माआयु तुमान आखु, पुर्वईने आन पश्चिमेईने खुप लोक आवी. आने होरगा राजाम अब्राहाम, इसहाक आने याकोव ईया पागांतीम बाेही ; ¹² पेन राजाहा पोअयरे आंदाराम टाकी देवाम भावी आवी तिही रोडनु दांत किकंडावनु चाली. ¹³ ताहा ईशुही अधिकाऱ्याल आख्यो, जा, तो विश्वास जेहकी थोव्यो तेहकी तुल मितलो हाय आने तिच घेडी तिईया नोकर हारो वी गिईयो. शिमोना हावडी आन इतर बाठ्ठा बीमार मांही ¹⁴ पाछी ईशु पेत्रा कोमे गिईयो तिईया हावडी बाेराकी विमारीम पोडली हाय अेहेकी तिईयाई वेओयो. ¹⁵ ताहा तिईयाई तिईयो हाथुल स्पर्श केओयो आने तिईयो वोरो निईगी गिईयो ; पाछी ती उठीन तिईया सेवा चाकरी केओरख्झ लागी. ¹⁶ ताहा वाअतीवेल वेओईताहा माआहाई खुप दुष्ट आत्मो लागलो अेहेडे तिईयापाही लि आले. ताहा तिईयाई पुतुले आपो गोगुलाकीन काडी टाके आने होग्गी विमारी हारी केओई. ¹⁷ "तिईयाई स्वतः आमा विमाऱ्या लेद्या आने आमा रोग काडी टाके," अहकी यशया संदेष्टयाई आखला प्रमाणे पुरो वेओरा जोजे तिईयाल अेहेकी वेओयो. ¹⁸ ताहा ईशुही आपो आहीपाही लोक हाय अहकी विईन तिईयान गालीला दोऱ्यातिकानी जा आज्ञा केओई. ¹⁹ ताहा केओडो एक शास्त्री आवीन तिईया आख्यो, "मास्तुऱ्या, आपो जिही किही जा तिही मायु तो पाछला आहे." ²⁰ ईशु तिईयाल आख्यो," कोलात दोरे आने वादलामने चिडान कोरू हाय, पेन माआहा पोयराल आपो मुनको टेकुवन जागो नाहा." ²¹ पाछी तिईया चेलाही आणि एक तिईयाल आखा लाग्यो, "मास्तुऱ्या माल मा वाहका मोअनुलागु तिईया पाही रिईन, तिईयाल तिईया मोअनुपाछी वुदिन आवा दे." ²² ईसुई तियाल आख्यो, "तु माआ पाछला आव जे मोय गिहले हाय तिईयान आपो मोअला माआहान अजा दे." येशु वादलो शांत केहे ²³ पाछी तो उडयामचोडयो ताहा तिईया चेलावी तिईया पाछला चोडी गिईया. ²⁴ ताहा वेरा, दोरयाम मोडो तुफान आलो उडी पायाकी पोराया लागी; ताहा ईशु ते हुतलो आथो. ²⁵ ताहा आविन तियाल उठवीन आखा लागे " मास्तुऱ्या, आमन वाचाड, आमा बुडी जा लाग्या. ²⁶ तो तिईयान आखा लाग्यो, " ओ कमविश्वाश्या तुमाआ काहा वि गिईया ? पाछी तो उठयो आन तिईयाई वाराल आने दोरयाल धोमकाव्यो ताहा ते होग्गे ठाके रिये. ²⁷ ताहा त्या माआहान खुप आश्चर्य वाटयो तिईयाई आख्यो, " ओ केओहडो माआहु हाय वारो आने वादुलोभी ईया गोठया मानते हे. गदरेकरांहा प्रदेशामेने पुथडो तेलो ²⁸ पाछी ते ठिकाणी गदरेकरां देशाम गिईये ताहा तिईयान बेन पुतडेलागले कबरामने निगिन आवता मिले; ते खुवुच भयंकर आथे तिईयाल त्या वाटीकी केडालवी जाताना आलो. ²⁹ ताहा वेअराख ते बाेबलीत आखा लागे, "हे देवा पोयरा, तु माजमे काहा पोतहो ? नेमी देदला समया आगलाच तु आमाल पिडा दा आलो हाय का ?" ३०) तिही तिईयाहीने थोडे दुर डुकरा मोडो टोलो चोरतुलो. ³⁰ तिही तिईयाहीने थोडे दुर डुकरा मोडो टोलो चोरतुलो. ³¹ पाछी तो दुष्ट आत्मे तिईयाल विनवनी केरा लागे तु आमान काढतो वेओरी ते त्या डुकरा टोलाम मोकली दे. ³² तिईयाई तिईयान आख्यो, "जा" ताहा ते निगीन डुकराम विही गिईये, आन वेओरा तो पुरो डोगाला कोडीपने दौवडुता जाईन दोरया पायाम वुडीन मौय गिईये. ³³ ताहा ते डुकरा चारनारे गावाम नाहीपोडे आने तिईयाई जाईन पुतडालागला माआहा गोठाहीने होग्गी गोठ आखी देखावी. ³⁴ ताहावेरा, होग्गो नगर ईशुल मिलाखातोर निग्यो आने तिईयाल गावावारे जाकेता विनंती केओई.