¹ बिहरा दोष काडा नाहा ताहाज तुमाहा वी दोष काडाम नाहा आवी. ² काहाका जेहकी तुमा बिहरा दोष काठते तेहकीच न्यायाकी तुमाहा वी दोष काडाम आवी आने ज्या मापला की तुमा की मोजी देते हे तिईयाच मापलाकी पाछी तुमाल मोजी दा आवी, ³ तु आपो डोवामाने कोचरो नाहा वेअता आपो पाऊ डोओवामने कोचरो काहा वे अतो ? ⁴ तियाल तोओ डोवामने कोचरो माल काडा दे, ऐहकी तु तो पावाआल केहेकी आखो ? वेओ, तोच डोआवम ते कोचरो हाय. ⁵ ओ ढाेंग केअनारा, पेहेले तो डोआमने कोचरो काडी टाक, ताहा तुल तो पावाआ डोआमने कोचरो काडलिओतआ हारो देखाई. ⁶ जो पवित्र हाय तो हुणाल नाहा टाका आने आपो मोती डुकराआगला नाहा टाका. टाकाहा ते ती तिया पागाथुले चुडीहीकी आने पाछी ती आविन तुमाहान फाडी आकी. प्रार्थना केरुलाम प्रोत्साहन. ... ⁷ मागा ते तुमान देवाम आवी. होदा ते तुमान सापडी कोला ते तुमाहा खातोर उगडाम आवी. ⁸ काहाका व्हीग्गाम जे मागतेहे तियान मिली जो होदे तियाल सापडी जाय आने जो ठोकेहे तियाखातोर वाआनो उगडाम आवी. ⁹ तुमाम केडो अहेडो माआहु हाय, जो आपो पोयरो माडो मागी तियाल डोगडो दी ? ¹⁰ नायते तियाई मासो माग्यो आने, तियाई वोदलाम हापडो दी ? ¹¹ तुमा हारा नाहा तेवी तुमाआ पोयरान हारी गोठया तुमाआ दा तुमाल होमजाय, ते तुमाहा होरगामने वाहका तुमाहा जो मागते, त्या गोठ्या तुमान कोत्या हाय रि तुमान पुरवी ? ¹² ईयाखातोर ज्या गोठ्या लोकाही तुमा खातोर केरा जोजे अहकी तुमान लागेहे त्या होग्ग्या गोठ्या तुमाहा तियाईके अताआ केरा, काहाका नियमशास्त्रा आने सोंदेष्टा हिकवुनु भाग ओच हाय. बेन रस्ता ¹³ हाकडा वाआनाकी माजमे जा काहाका नाशापाही जावनु वाआनो मोडो आने सोपो हाय. ¹⁴ पेन जिवनुपाही जावनु वाआनो हाकडी वाट दुःखा हाय. आने जिईयाल ती सापडे तो खुप थोडा हाय. खरे व खोटे शिक्षक ¹⁵ खोटा संदेष्टयांईने सावध रा, ते मेंढा रूपाम तुमाहा पाही आवते. पेन खेय आखतो तो ते कोला होस क्रूर हाय. ¹⁶ तिईया फोलापने तुमाहा तिईयान ओहखा. काटावाला चाडवाला द्राक्षे लागतेहे का ? आने वेंगा चाडवाल ओजिर लागतेहे का ? ¹⁷ तेहकी हारो चाडवो हारो फोलवो देहे, पेन माठो चाडवो माठोच देही. ¹⁸ हारा चाडवालो माठे फोलवे नाहा आवनारे आने माठा चाडवाल हारे फोलवे नाय आवनारे. ¹⁹ जो चाडवो हारो फोलवो देतो नाहा तो तोडाम आवी आने आगीम टाकी देवाम आवी. ²⁰ ईयाखातोर तियान तुमाहा तिया फोलवापेन ओहखा. उक्ती आने कृती ²¹ माल प्रभु,प्रभु, आखणारे होग्गे होरगाम जाई अहकी नाहा, ते माआ होरगामने वाहका इच्छाकी रिई तियान प्रवेश होगा राजाम वेओरी. ²² तिदी माल खुप लोक आखी, प्रभु, आमाही तो नावाकी संदेश देदो. तो नावाकी पुतडे काडे आने तो नावाकी खुप चोमोतकार के ओया नाहा का ? ²³ ताहा माआयु तियान आखेहे, माआयु तुमान ओहखुतो नाहा. अरे खारावगोठया केओनारे, माआ आगलाने चालते माडा. बेन पाग ²⁴ जो केडो माआ आखाला सारखो जिवेहे तो माआहु हारा माहा सारखे हाय, अहेडो हारो माआहु आपु को खोडकाप बांदेहे. ²⁵ पाछी जोरपे पाय पोडयो आने खाडी आली. जोरपे वारो आलो. वादुलाम को सापडी गीयो, तेवी तो पोडया नाहा काहाका तिईया पायो खेडकाप बांधलो आथो. ²⁶ जो केओडो माआ वोचने उनाईन तिईयाप चालतो नाहा, तो माआहु केडा एका मुर्ख माआहासारखो हाय, तिईयाई आपो को रेटाप बांद्यो. ²⁷ ताहा जोरपे पाय आलो. आने खाडी आली. जोरपे वारो सुटयो. वादलामवाराम तो को सापडी गिईयो आने खेलाय पोडो. इशुही ई होग्ग्या गोठ्या पारवाईन वेया ताहा ओहकी वेयो का, माआहा टोलो हिकवुनी उनाईन चोकीत वी गिईया. ²⁸ काहाका ईशु तिईयान तियाई नियमशास्त्रा शिकवुन नाहा ते अधिकारा वाणी हिकवुन देतलो. ²⁹ कारण येशु तीयाहा तिया नियमशास्त्र हिकवुणारांप्रमाणे नाहा ता अधिकार वाणी की हिकवुतो आथो.