¹ Nunamummá timátikaao, tibaaq-awaao ibêqa, anó karaakoní ámaan-aikoma kaabeq-éna wínaata, anón-awiqa mûte améqta keráwápímo maiteniq ígááe. ² Nunaamummá tíyaatao, ketáámá taí-aaipikekaraq waáta wayuka-bikemmo tíwaqnaamo íní-taba. Máqtemma íma aqkonná-uma maeq. ³ Anó karaako emmá arááténa aqkonná-umá yaabíra-kaniye. Taí-aaikaraq wayuka-bikemma. ⁴ Ketaai aqkonná tuyaanamma, uyáátárai-naaqko-nopaq keráwápíta kamuqá kéitaunnataae. Ketáámô timátíménna yaataqa, keráwáqá tarôq-umaeq wînowe. ⁵ Anó karaakoma auyaanapi araatína Îtogo-ni aakai-garaq abo Îtumo puqkaimma aónainowe. ⁶ Tíbaq-awaao, Îtu-ní anón-awîqa timátimunnataae. Tinaaémma umáyikaaro, tibaq-awaa-unammo ímo mayaimo mayainômma, ketááí táíma mamá. ⁷ Keráwáqá kenemáríq ite-aone, kateko umáámo ketai-aaimmo waraima, Keráwátétaamo maunataama, ímo kaaenai aaimmo mai-wayukagaraq umáta maunataae. ⁸ Ketaa kaaqo-utí aáwaqo imo mayaniq uréta, íma mamá nánúnataae. Nói-tababiyo, nokáá-karaq wagaama, ano mayai-kémayaunnataae. Keráwáqá íma umaamá timénátaae. ⁹ Ketaama mamin-ááímmô tarôq-únnataama, yíwîqo ímo wai-kayukaraa kéunnataae. Nói-tababiyo, keráwáqá mirára-ígaae téta améqá umá yítaiq kéunnataae. ¹⁰ Ketamo kera-wate maeta timayimi-tukaaunataae, mayaimo immo mayanaae tina nakoma awaqa imma nainone. ¹¹ Ketáámo itaunna yaimma wayuka mayaima íma mayaawata, yaimma wayuka wáátiti máqté-tátááqá mamá táiq-keowe. ¹² Aqkonna aimma téta, auyaaanamma timúnnataae, Îtu-ní awîkaq. Wágáá wayukayaaba mayai matuwéraq aáwaqa paáq-uma naaro tiraiye. ¹³ Ke-wátáánónámá kateko-yááqtátábámá íma tibo-gaino. ¹⁴ Môra naaqko ketaai taámo, aubaa-bimmo maimma, ímo waarainama, mi-nááqkótéma íma yagaaroténana agaae-yáábá-íno. ¹⁵ Wemá íma aónaama naamuroráá uyaaqkena, abo íma enáábáq-awamma aqkonná aimma timákaao. ¹⁶ Áyaaqo amí-ánó káráákó wenamá ayaaqa máqte taaoqa, máqte naapaqke amíníye. Anó karaako máqtemma keráwáté maniye. ¹⁷ Kemá Pórowe, ketiyáápi-ke timuráámuq aimma timá máqten-aubaama agaayaune. ¹⁸ Anó karaagoní aru-tataako máqtemma keráwápí mániye.