¹ Keta emma itaúnátae, tibaaq awaáuta, ketaamo Itu-teta aíkuyúnatama. Itu-mo ketatiq kaaraama kumin-nitaba. ² Imma ketamo taaróq ona aikowabio, ammo tena aikowabio, aubaa akaama yimen yatakoma kerawaqa kayaq kayaq yuyanakaq yikena-uma yaaqma yikaino Ituma awaraq yupa kuminiye tero. ³ Mate tatapimma imma mora waigoma yuwaiyana yena ureqa timma awaabaq yiyuwaino. Ima mi kaana yiniye paa mainata netuqya kayuka monoqa yuweta koeqe-wiyana aro araatena uma mame yi-naqa yinana ⁴ minnaqa Itogo timma taiq-uyakena, wenau mame uyaawena Ito-goni awiqa yaama taiq-ena tai monoqa tena. Min aitabaq, Ito-goni nauopa maena tena kéi-Ito-go maune. ⁵ Íya ákaq makaano, kemo kerawate maeqo mamirai-tatataba timaq yimikaune? ⁶ Weni kana imma iraaitana-boana, nowai-tatako wema yaatoqrakaraiyo. Emma ite aone uraane. ⁷ Wakáábaq aro araati mayaikoma aupaq mayaimma keemayaiye, ki-mora waigoma maena weni amaa auyaqma yaatoq maakiyeki-waako pabaaq yawinana weni amma-paq iniye. ⁸ ami aro araatiq naqa paaqumma abaarokaq yiniye. Itumma weni aanapoke ikaminiye. Ano karakoma kumena weni mayaima abaarokaq mama-paa-tata autuwaniye. ⁹ Mi aro araatinaqa yinima Satanni mayai mayai mayairaq yiniye, Satanni mate immamura awaameqname enna kaaqari aikaq-aikaq aimma taroq-ena ¹⁰ abo wayuka kaqari aimma tima wayuka imma aapu-ina aika yikena miraitata umma puqma panaane ino kayuka yaatoraniye. Noitababio, kayone yaataqa araitata koma yiwaqna yaataqa mamena yimma ima matae. ¹¹ Min aitabaqa Itogo taawiq mayai komma tiyakaitana yeti yirukaq maena karaaqa ayiqkaraae-tata kaqari aimma itaama araine teta kewaraae. ¹² Min aikoni atoraqa Itogoma koti umma yikaaniye. Mi kayukammo imma itaama amaanaitaba araaine tiraabo tawiq aipimo yimuraamuqo marema. ¹³ Keta mate taoqa etabae teta Itogokaq nunamumma tima, tugio, ketunataae. Ano karako, marapaq, imma yikena weni kayone napoke unaakato umma yikaraiye. Itogo aokaq tiwiqma tikatuwenata weni aokaq anapoke yawaaq-umma tikenata weni arai aimma tirukaq marena are matikaraitaae. ¹⁴ Ituni watarake wema (Itogo) emma ayaama mamikaq akaraiye. Itunopake yi taagaama aimma mayai-ikaae tena. ¹⁵ Mira-uraibo, ketiba awaao, itoumma akoqna-uma maeya yaatoqma akoqna uwo. Ituni aimmo uma aitaiq-unnata, tuyoupike-nabio, aubaqpike-nabio araatunatama. ¹⁶ Ituma ketati ano karane wenamarika, Itogo ketibotamma akaai akaai itana ato i-wai kokoq-umatikenata ato iwai kateko kamuqa, ¹⁷ weni kayone aikake kokoq-umatikenata weni kateko mayai-kara weni kateko amman-aimma tiruka aitu-makaiye