1 Poroma, Silibanus-gara Timotima, Itogoni awika-karaq Itu-ni awikaq Tésároniya mono wayukara aubama agaatuwaana uraye. 2 Marateta agaataae, Tirono-aikoma kerawate mainana abo ketibota, Itogo-kara Ano Karamma Itu Metayae ayaaq yaugiq-yataako kerawate ma-maniye. 3 Kataama inataamo, mate tupa Itogo-noba timuq-aimaa ketiyakaunatae. Maami aimma kanaamie. Noitababio kerawati mono-amaanaiq-kao aqkai-aqkai aayakoma anoni-anoni keyiye. 4 Mira-itatama anomma kerawatini yukaumma karanatae. Itogo-ni monno-naamo maiq-maiq, ketama anomma te-ite keunatae. Kerawqo tai kanapimo kaunaumma maiqo, mono aiqkao aaraine teo tetaabamma. Ketaama te-ite keunatae kerawati yineqo tai-aimmo oaaitaba. 5 Mammi awameqo baiqma, Itogo-mo kanaumamo kotimo tini-ane. Abo weni aatoba awaqo inaa kerawaq Itogo-ni marubaa uyinowe. Kerawaqo Itogo-ni aamma naiq-kakemo ummamo maatatabapoa. 6 Minaama kanaauraye, Itogo kerawa taaimo weni awiqkake maataboanna yerawaqo taai-aimmo tarouma-yikara wayukama Itogo aaweka yimmiye. 7 Abo aamuq-marao kerawate-tamo, Itogo-ni aamma-naikakemo tutiqo mataunatama Itogo-ma mami-tataqa taroq-iniye. Mi kanaamo inana Ano Karaama Itu-mo abayakaqo weni ayakara wayukate, weni imamugaraqo kumiya yupae. 8 Aanomo kékaí-iranaaqkara kuminiye. Anibo nawamo Itogo-kao immo araine tira wayukakara imo Itu-ni ammaan-naimmo itra wayukama aweke mayainoe. 9 Imo mono aaimo itara wayukama naayoma matuq-matuq aweke mayainoe. Maami tataqo paq-inima Itogo-ni neqkakara, weni takamayatakoa imammugo nekaq-maniye. 10 Itu-ma mara-iniye, mi kanaraqo kuminimma abo mi kanaraqo wekaqo aaraine tira-wayukamma yimuramupake aanon-awiqa amikaae. Aarima kateko Itu-we tiraae, wekaqo waka-wayukama tiraae. Noinaaitababio, kaetai taamo itatuweqo araine-teqo waa-kataba. 11 Minaitaba, ketaa kerawataba mate-tupama nunamuma ketunatae. Keta Itogo-nopa nunamuma keti-mayukaunataae. Ketaama nunamuma teta Itogo-ma kerawate kateko yuyanaama mama araini-iniye. Minagara mate-yupa kateko arukake mayaimma mayaao. 12 Ketaama nunamuma keti-maayikaunataae. Mirai-nana wema kerawati tiwiqa mame u-yiniye. Noi-naaitababio, Itogo-ni arumo ami-aikogara Ano karakomo Itu Metayaa-karaq.