¹ "Dispela em God Yawe i tokaut long graun bilong Hadrak na Damaskas, ples malolo bilong ol, long ol ai bilong olgeta manmeri na olgeta lain manmeri bilong Israel i mas lukluk i go long God Yawe. ² Dispela tok orait i makim tu ol Hamat, ol lain i skelim graun wantaim ol Damaskas na em i makim Tai na Sidon bilong wanem ol i gat gutpela save. ³ Tai i wokim em yet i kamap strongpela na bungim ol silva i go antap olsem das na kukim gen ol gol olsem graun malumalu long ol rot insait long ol liklik ples long biktaun. ⁴ Lukim,God bai bagarapim ol strong bilong em na tromoi i go long solwara na paia bai pinisim em. ⁵ Askelon bai lukim dispela na pret, Gasa bai i guria nogut tru, Ekron, em bai i no inap amamas long wanem samting em i tingim. King bai i bagarap long Gasa na Askelon bai i no inap i stap long dispela hap. ⁶ Ol man bilong narapela hap bai mekim haus bilong ol long Asdod na bai mi rausim biknem bilong ol Filistia. ⁷ Bai mi rausim blut bilong ol long maus bilong ol na nogut smel tru i stap namel long tit bilong ol. Na bai ol i kamap liklik lain manmeri bilong God olsem wanpela lain bilong Juda na ol Ekron bai i kamap olsem ol lain Sebu. ⁸ Bai mi mekim haus sel i raunim graun bilong mi long ol birua, olsem bai nogat man i ken kam insait o i go autsait na nogat wanpela man i stap antap inap bosim ol. Olsem nau mi lukim long ai bilong mi yet. ⁹ Singaut wantaim bikpela amamas, ol pikinini meri bilong Saion na ol pikinini meri bilong Jerusalem! Harim! King bilong yupela i kam long yupela wantaim stretpela pasin na em bai i helpim yupela. Em i daunim em yet tru na sindaun antap long wanpela yangpela donki. ¹⁰ Na bai mi rausim karis bilong ol Efraim na hos bilong Jerusalem na bai mi rausim bunara long pait na bringim wanbel pasin i go long ol kantri, strong bilong em bai i stap long wanpela solwara i go long arapela na long wara i ron i go inap long pinis bilong graun! ¹¹ Na long yupela, bilong wanem mi mekim kontrak wantaim yupela long blut bilong mi, bai mi mekim ol kalabus lain bilong yupela i kamap fri long hul we i nogat wara. ¹² Go bek long strongpela ples, ol kalabus man i gat bilip, Nau mi tokaut long yupela olsem, mi bai givim bek long yupela tupela taim moa. ¹³ Long wanem mi bin mekim Juda i kamap olsem bunara. Na mi bin pulapim spia bilong mi wantaim Efraim. Mi bin kirapim ol pikinini man bilong yu Saion na bai ol i pait wantaim ol pikinini man bilong yu Grik na mi mekim yu, Saion olsem bainat bilong man bilong pait. ¹⁴ God Yawe bai i kamap ples klia long ol, na ol spia bilong em bai sut i go olsem tanda! Na Bikpela bilong mi, God Yawe bai winim biugel na bai i kam wantaim bikpela ol win na ren long Teman. ¹⁵ God Yawe i gat olgeta strong bai banisim ol, na ol bai bagarapim ol na winim ol ston bilong ol katapel. Orait bihain ol bai dring na singaut olsem ol man i spak long wain na ol bai pulap wantaim wain olsem ol bikpela dis i stap klostu long ol kona bilong alta. ¹⁶ Olsem na God Yawe, God bilong ol bai i helpim ol long dispela dei olsem ol lain manmeri sipsip bilong em. Ol i olsem ol gutpela ston i dia tumas i save stap antap long kep na bai lait long graun bilong en. ¹⁷ Ol bai kamap gutpela na naispela tru. Ol yangpela man bai i kamap planti tru olsem pikinini kaikai bilong diwai na ol yangpela meri bai swit olsem wain.