¹ Long 8- mun bilong namba tu krismas aninit long lukaut bilong king Darius. Tok bilong God Yawe i kam long Sekaraia pikinini man bilong Berekaia, Berekaia em i pikinini man bilong Ido, em wanpela profet, i tok, ² "God Yawe i gat bikpela belhat tru long ol papa bilong yu! ³ Tokim ol olsem,'God Yawe, papa bilong olgeta samting i tok olsem: Kam bek long mi! Dispela em i tok lukaut bilong God Yawe, papa bilong olgeta samting. Na bai mi i kam bek gen long yu, God Yawe, papa bilong olgeta samting i tok. ⁴ Noken kamap olsem ol papa bilong yu husat ol profet i bin singaut antap long ol na tok, " God Yawe, papa bilong olgeta samting i tok olsem: Lusim ol pasin nogut bilong yupela wantaim ol bikhet pasin bilong yupela!" Tasol ol i no bin harim na bihainim tok bilong mi, dispela em i tok lukaut bilong God Yawe.' ⁵ Ol papa bilong yupela i stap we? Ol profet tu i stap we, ol i stap oltaim long hia? ⁶ Na ol toktok bilong mi na ol strongpela ol skul tok mi bin givim long ol wokman bilong mi ol profet, ol i no bin tokaut long ol papa bilong yupela? na ol i bin tok sori na i tok, 'Ol samting we God Yawe, papa bilong olgeta samting i tingim long mekim long mipela antap long ol pasin nogut bilong mipela, em i mekim nau.'" ⁷ Long 24 -dei bilong 11-mun,we em i mun bilong Sebat, long namba tu krismas aninit long lukaut bilong Darius, tok bilong God Yawe i kam long Sekaraia pikinini man bilong Berekaia, Berekaia em pikinini man bilong Ido, em wanpela profet i tok, ⁸ "Mi lukim driman long nait na lukim wanpela man i sindaun antap long retpela hos na i kam na em i kam namel long ol diwai mitol we i stap long ples daun na baksait long em mi lukim retpela hos, retpela hos i gat makmak na waitpela hos." ⁹ Na mi tok, "Bikpela, em ol wanem samting ya?" Nau dispela ensel i toktok wantaim mi i tokim mi olsem, "Bai mi soim yu as tingting bilong ol dispela samting yu lukim." ¹⁰ Nau dispela man husat i sanap namel long ol diwai mitol i bekim tok olsem, "Dispela em ol lain God Yawe i bin salim ol long go raunraun long olgeta hap long ples graun." ¹¹ Ol i bekim ensel bilong God Yawe husat i sanap namel long ol diwai mitol, ol i tok olsem long em, "Mipela i bin raunraun long olgeta hap long dispela graun na lukim olsem graun i sindaun isi na malolo." ¹² Nau ensel bilong God Yawe i bekim tok olsem, "God Yawe, papa bilong olgeta samting, Yu bin bel hevi wantaim Jerusalem na ol biktaun bilong Juda i kam nau em 70 -krismas, wanem taim bai yu sori long ol?" ¹³ God Yawe i bekim tok bilong ensel i bin toktok wantaim mi, wantaim ol gutpela toktok na ol toktok bilong kamapim bel isi. ¹⁴ Nau dispela ensel i bin toktok wantaim mi na tokim mi olsem, "Singaut na tok olsem, 'God Yawe papa bilong olgeta samting i tok olsem: Mi bin bel hevi long Jerusalem na Saion antap long bikpela laikim bilong mi long yupela! ¹⁵ Mi gat bikpela belhat wantaim ol lain manmeri we i stap isi tru. Taim mi gat liklik belhat long ol, ol i save mekim liklik hevi i go bikpela tumas. ¹⁶ Olsem na God Yawe papa bilong olgeta samting i tok olsem: Nau mi kam bek gen long Jerusalem wantaim bel isi. Haus bilong mi bai i stap insait long em. Dispela em i toktok bilong Goid Yawe, papa bilong olgeta samting na bai mi pulim longpela rop bilong makim man antap long Jerusalem!' ¹⁷ Na singaut gen na i tok, 'God Yawe papa bilong olgeta samting i tok olsem: Biktaun bilong mi bai i pulap na kapsait wantaim ol gutpela pasin gen na God Yawe bai mekim gut long Saion gen na em bai makim Jerusalem olsem bilong em yet gen.'" ¹⁸ Nau mi apim het na lukim 4-pela biugel! ¹⁹ Mi tokim ensel husat i toktok wantaim mi, "Dispela em ol wanem samting?" Em i tokim mi olsem, "Dispela em ol biugel we i brukim Juda, Israel na Jerusalem i stap nabaut." ²⁰ Nau God Yawe i soim mi 4-pela bikpela saveman bilong wokim haus na ol samting. ²¹ Na mi tok, " Ol dispela lain i kam long mekim wanem wok?" Em i bekim mi na tok olsem, "Em ol dispela biugel i bin brukim Juda i go kam nambaut long mak we nogat man inap long apim het na lukluk. Tasol ol man bilong mekim ol ain samting i kam long mekim ol i poret na putim biugel bilong ol arapela manmeri i go daun, husat i apim biugel long brukim ol lain Juda i go i kam nambaut."