¹ Bihain mi apim het bilong mi na mi lukim man i holim rop bilong mita long han bilong em. ² Mi tokim em, ''Yu go we?'' Olsem na em i tokim mi, ''Long makim na skelim Jerusalem, long painim aut bikpela na longpela bilong em''. ³ Orait ensel husat i toktok wantaim mi em i lusim mi na i go na narapela ensel i go long bungim em. ⁴ Namba tu ensel i tokim em, ''Ron i go na yu tokim dispela yangpela man, tokim em olsem, Jerusalem bai i sindaun long kantri i stap nating long wanem planti man na ol animol bai i stap insait long dispela meri. ⁵ Long mi, dispela em ol tok God Yawe i bin tokaut, bai i kam wantaim paia olsem banis i raunim dispela meri na bai mi stap olsem bikpela strong namel long em na raunim na karamapim em. ⁶ Kirap! Kirap! Lusim graun bilong hap not, dispela em tok bilong God Yawe, mi bin mekim yu i go nambaut olsem 4-pela win bilong ol skai! Dispela em tok bilong God Yawe. ⁷ Kirap! Ranawe i go long Saion, yupela ol lain i stap wantaim pikinini meri bilong Babilon!'' ⁸ Bihain long God Yawe husat i singautim mi na soim gutpela pasin long mi na i salim mi long ol kantri husat i bagarapim yu, long wanem husat i mekim nogut long yu, ol i holim ai kiau bilong God Yawe! Bihain long God Yawe i mekim olsem, em i tok, ⁹ "Mi yet mi bai seksekim han bilong mi antap long ol na ol wokboi bilong ol bai i bagarap.'' Orait bai yu save olsem God Yawe husat i kamapim dispela i salim mi. ¹⁰ Singsing na amamas, pikinini meri bilong Saion, mi yet mi laik kam na wokim haus namel long yupela! Dispela em tok God Yawe i mekim.'' ¹¹ Orait ol bikpela kantri bai i bungim ol yet wantaim God Yawe long dispela dei. Em i tok, '' Na yupela bai i kamap ol lain manmeri bilong mi na bai mi wokim haus namel long yupela, ''orait bai yupela i save olsem God Yawe husat i kamapim dispela i salim mi i kam long yupela. ¹² God Yawe bai i kisim Juda olsem stretpela samting bilong em insait long graun i holi na wanpela taim gen em bai makim Jerusalem bilong em yet. ¹³ Stap isi, olgeta manmeri, long ai bilong God Yawe, em i bin kirap i go aut long ples holi bilong em!