¹ Dispela em i toktok bilong Agar pikinini man bilong Jake i bin tokim Itel. Em i tok long Itel na Ukal. ² Tru tumas mi kamap olsem wel animol na i no olsem man na mi no gat gutpela tingting olsem bilong ol man. ³ Mi no lainim yet long kisim gutpela tingting na mi no bin kisim save long God Yawe. ⁴ Husat i go antap long heven na i kam daun? Husat i bin holim win long han bilong en? Husat i bin pulmapim wara long laplap bilong en? Husat i bin kamapim ol arere bilong dispela graun? Nem bilong em i husat na nem bilong pikinini man bilong emi husat? Tru tumas yu save! ⁵ Ol i traim olgeta tok bilong God pinis na em i olsem hap palang bilong husat ol lain i hait long em. ⁶ No ken putim toktok bilong yu yet antap long tok bilong God, nogut toktok bilong yu bai i soim olsem yu giaman. ⁷ Tupela samting mi askim yu, noken pasim ol long mi taim mi i no dai yet. ⁸ Rausim pasin bilong hatwok nating na giaman i go longwe long mi. No ken larim mi i kamap rabis man o moni man, givim mi tasol kaikai mi laikim tru. ⁹ Sapos mi gat planti samting orait bai mi lusim tinting long yu na tok, "Husat em God Yawe?" O sapos mi kamap rabis man nogut bai mi stil na bagarapim nem bilong God. ¹⁰ Noken mekim giaman toktok na bagarapim wokboi long ai bilong bosman bilong em na nogut bai em i mekim tok nogut long yu na ol i painim asua bilong yu. ¹¹ I gat ol lain manmeri husat i bagarapim papa bilong ol na i no save wokim gutpela pasin na amamas long mama bilong ol. ¹² I gat narapela lain manmeri i stap klin long ai bilong ol yet tasol ol i stap doti yet long pasin nogut bilong ol. ¹³ I gat narapela lain manmeri husat ai bilong ol i lukluk i go antap na ai bilong ol i save lukluk i go antap moa! ¹⁴ I gat ol lain manmeri tit bilong ol i olsem ol bainat na wisket bun bilong ol i olsem naip, long kilim man i no gat kago long graun na ol man husat ol i save sot long ol samting. ¹⁵ Binatang bilong pulim blut bilong man i gat tupela pikinini meri; Ol i save krai na tok; "Givim na Givim." I gat tripela samting ol i no save pulap, 4-pla i no save tok, "Inap." ¹⁶ Sheol; meri i no bel; graun, wara i no save pulap long en; na paia ino save tok, "Inap!" ¹⁷ Ol man husat i save tok bilas long papa na sakim tok bilong mama na ol pisin bilong ples daun bai kamautim tupela ai bilong en na ol kotkot bai kaikaim bodi bilong ol. ¹⁸ I gat tripela samting i naispela tumas long mi tasol 4-pela bai mi i no inap save, ¹⁹ rot bilong tarangau antap long skai na rot bilong snek antap long ston na rot bilong sip i stap namel long solwara na pasin bilong man wantaim yangpela meri. ²⁰ Dispela em pasin bilong pamuk meri: em i kaikai na em i klinim maus na i tok, "Mi no mekim wanpela rong." ²¹ Aninit long tripela samting graun i save guria na aninit long 4-pela samting em i no inap kamap gen, ²² taim wok boi nating i kamap king, les man i pulap wantaim kaikai, ²³ taim meri ol i no save laikim em i marit na wok meri taim em i kisim ples bilong bos meri. ²⁴ Fopela samting long graun i liklik tasol save bilong ol i moa yet. ²⁵ ol anis em olsem ol man tasol i nogat strong bilong ol, ol i save redim kaikai bilong ol long taim bilong san. ²⁶ ol mumut bilong bikpela ston i nogat strong olsem arapela animol, tasol ol i save wokim haus bilong ol insat long bikpela ston. ²⁷ Grasopa i nogat king, tasol olgeta i save wokabaut aninit long wanpela bosman tasol. ²⁸ Geko, yu ken holim long tupela han bilong yu tasol yu ken painim ol long haus bilong king. ²⁹ I gat tripela samting i save wokabaut gut tru na 4-pela i save luk gut tumas long we ol i wokabaut, ³⁰ lion i wanpela strongpela wel animol namel long ol narapela na em i no save pret na ranawe, ³¹ kakaruk man i save apim het na meme man na strongpela soldia bilong king em stap long sait bilong em, ³² Sapos yu bin longlong na apim nem bilong yu yet o yu bin tingting long wokim pasin nogut na pasim maus wantaim han bilong yu. ³³ Olsem susu bilong milk i tanim i kamap bata na wanpela nus bai i kamapim blut sapos ol i tanim, olsem na long dispela pasin tasol belhat i kamap na pait i stap.