¹ Taim king bilong ol manmeri kenan bilong Arat, husait i save stap long Negev, ''I harim olsem ol lain manmeri bilong Israel i kam yet long rot i go long ples Atarim, em i pait wantaim Israel na kisim sampela man i go long kalabus. ² Ol Israel i mekim stronpela tok promis long God Yawe na tok, "Sapos yu givim mipela strong long winim ol dispela manmeri orait bai mipela bagarapim bikpela siti bilong ol olgeta.'' ³ God Yawe i harim nek bilong ol manmeri bilong Israel na givim ol strong long winim pait long ol Kenan na ol i bagarapim ol gut wantaim olgeta siti bilong ol. Dispela ples ol i kolim Homa. ⁴ Ol i wokabaut long maunten Ho na i kam olsem long solwara Rid i go insait long graun bilong Idom. Ol manmeri i lusim strong bilong ol namel long rot. ⁵ Ol manmeri i toktok bek long Moses na God Yawe, ''Bilong wanem yu kisim mipela i kam aut long Isip na bai mipela i dai long ples i nogat man? Ino gat bret, nogat wara, mipela i les long ol dispela nogut kaikai.'' . ⁶ Nau God Yawe i salim posin snek namel long ol manmeri. Dispela snek i kaikaim ol manmeri na planti ol i dai. ⁷ Ol manmeri i kam long Moses na i tok,''Mipela i mekim sin long wanem mipela i toktok bek long yu na God Yawe. Prea long God Yawe na em bai rausim olgeta snek namel long mipela.''Orait Moese i prea long ol manmeri. ⁸ God Yawe i tokim Moses,''Mekim wanpela snek na pasim wantaim wanpela diwai. Husait manmeri snek i kaikaim ol bai ino dai taim ol i lukluk long dispela snek . ⁹ Nau Moses i mekim ain snek na pasim wantaim diwai.Taim snek i kaikaim wanpela man, sapos em i lukluk long dispela ain snek, em bai i stap laip. ¹⁰ Nau ol manmeri bilong Israel igo mekim kemp long Obot, ¹¹ long Obot ol i go kemp long Iye Abarim long ples ino gat man na ol i lukluk i go long Moap long san i kamap. ¹² Long dispela hap ol i go wokim kem insait long veli bilong Seret. ¹³ Long dispela hap gen ol i go kemp long narapela sait bilong wara Anon, em i ples we ino gat man igo longpela hap long mak bilong ol Amon. Wara Amon i mekim mak long Moap na Amon. ¹⁴ Olsem na em i stap insait long skrol buk bilong God Yawe. Waep long Sufa na ol veli bilong Anon. ¹⁵ Ol liklik maunten bilong veli igo long taun bilong Ar na stap klostu long mak bilong Moap. ¹⁶ Long dispela hap ol i go long bia, long hulwara we God Yawe i tokim Moses,''Bungim olgeta manmeri bilong Israel long mi bai givim ol wara. ¹⁷ Nau ol Israel i singim dispela song, kamap gut! Hul wara, singsing nambaut long em, ¹⁸ long dispela hul wara ol lida man bilong mipela i bin dikim hul wara, ol gutpela hetman bilong mipela i bin dikim wantaim ol ain na ol samting bilong ol. Orait nau long ples ino gat man ol i kam long Matana. ¹⁹ Long Matana ol i go long Nahali, long Nahali ol i go Bamot, ²⁰ long Bamot ol i go long veli insait long graun bilong Moap. Dispela em i het bilong maunten pisga na bai lukluk i go daun long ples i no gat man. ²¹ Nau ol Israel i salim man bilong kisim toksave i go long Sion king bilong ol Amon na i tok. ²² Larim mipela i wokabaut namel long graun bilong yupela, bai mipela i no inap go insait long gaden o wain garden bilong yupela, mipela bai i no inap drin wara long hul wara bilong yupela ,bai mipela wakabaut long rot bilong king inap mipela i go abrusim mak bilong graun bilong yupela. ²³ Tasol king Sion bai ino inap long larim ol lain Isreal i kam namel long graun bilong ol, Sion i kisim olgeta ami bilong em na kilim ol manmeri bilong Israel long ples i no gat man. Em i kam long Jahas na em i pait wantaim ol Israel. ²⁴ Ol Israel i kilim ol ami bilong Sion wantaim sap bilong bainat na kisim graun bilong ol long Amon igo olsem long wara Jabok na igo olsem long graun bilong Amon. Nau ol manmeri bilong Amon i stap strong. ²⁵ Nau ol Israel i kisim olgeta siti bilong ol Amon na stap long olgeta hap graun, long Esbon na long olgeta taun bilong ol. ²⁶ Hesbon em i siti bilong Siom king bilong ol Amon. Husait i bin pait wantaim olpela king bilong Moap. Sion i kisim olgeta graun long sait bilong em igo long wara Anon. ²⁷ Olsem na ol lain husait i toktok long kamapim tokait i tok kam long Hesbon. Larim siti bilong Sion i ken kamap gen na stat mekim gen ²⁸ Paia i kirap long Hesbon, paia i kirap long siti bilong Sion na bagarpim gut tru ples bilong Moap na ol gutpela ples bilong Anon. ²⁹ Bikpela sori i kam long yu Moap yu pasim ol strongpela tes long laip, ol lain manmeri bilong Chemos. Em i mekim ol pikinini man bilong yu i ranawe nabaut na ol pikinini meri bilong em i kamap kalabus bilong Sion king bilong Amon. ³⁰ Tasol mipela i winim pinis Sion. Hesbon i lusim olgeta samting long olgeta hap long Dibon. Yumi winim olgeta lain i go long Nofa na igo kamap long Medeba.'' ³¹ Nau ol Israel i stap long graun bilong ol Amon. ³² Moses i salim ol man igo long lukluk long Jasa, ''Ol i kisim ol ples bilong ol na rausim ol Amon husait i stap i stap long dispela ples. ³³ Nau ol i tanim na go antap long rot Bashan. ''Ok king bilong Basan i go na pait bek wantaim ol. Em wantaim olgeta ami bilong em igo pait wantaim ol long Edrei. ³⁴ Nau God Yawe i tokim Moses, "Noken pret long em, long wanem mi givim yu strong bilong winim pait wantaim olgeta ami bilong em, wantaim graun bilong em, mekim wankain olsem yu bin mekim long Sion King bilong Amon, husait i save stap long Hesbon. ³⁵ Nau ol i kilim em na ol pikinini man bilong em na olgeta ami bilong em igo inap olgeta ami bilong em i dai na ol i kisim olgeta graun bilong ol.