¹ Em ol pris na ol Livai ol kam antap wantaim Jerubabel pikinini man bilong Sealtiel, wantaim Jesua, Seraia, Jeremaiah, Esra, ² Amaria, Maluk, Hatus, ³ Shekania, Reum na Meremot. ⁴ Name bilong ol em Ido, Gineton, Abaija ⁵ Mijamin, Moadia, Bilga, ⁶ Shemaia, Joiarip, Jedaia, ⁷ na Salu, Amok, Hilkia na Jedaia. Em ol hetman bilong ol pris na ol wan wok bilong ol long taim bilong Jeshua. ⁸ Ol Livai em Jesua, Binui, Kadmiel, Serebia, Juda na Matania ol i save i go pas long tenkyu singsing wantaim ol wan wok bilong em. ⁹ Bakbukia na Uni, wantaim ol wan wok bilong tupela i sanap long han kais bilong ol long taim bilong mekim lotu. ¹⁰ Jesua em i papa bilong Joiakim na Joiakim em i papa bilong Eliasib na Eliasib em i papa bilong Joiada ¹¹ na Joiada em i papa bilong Jonatan na Jonatan em papa bilong Jadua. ¹² Long dei bilong Joiakim em ol dispela lain i bin stap pris na ol hetman bilong ol famili, Meraia em lida bilong Seraia na Anaia em i lida bilong Jeremaia, ¹³ Na Mesulam em hetman bilong Ezra na Jehohanan em hetman bilong Amaria, ¹⁴ Jonatan em i hetman bilong Maluk na Josep em hetman bilong ol Sebania. ¹⁵ Adna em hetman bilong ol Harim na Helkai em hetman bilong ol Meremot ¹⁶ na Sekaria em hetman bilong Ido na Mesulam em hetman bilong Gineton na ¹⁷ Sikri em hetman bilong Abaija bilong Miniamin. Piltai em hetman bilong Moadia. ¹⁸ Shamua em hetman bilong Bilga na Jehonatan em hetman bilong Shemaia, ¹⁹ Matenai em hetman bilong Joiarib na Usi em hetmen bilong Jedaia, ²⁰ Kalai em hetman bilong Salu na Eber em hetman bilong ol Amok, ²¹ Hasabia em hetman bilong Hilkia na Netanel em hetman bilong Jedaia. ²² Long taim bilong Eliasib, ol Livai Eliasib, Joiada, Johanan na Jadua i bin stap olsem hetman bilong ol famili na pris tu ol i bin stap taim Darius bilong Persia em i lukautim dispela hap. ²³ Ol tumbuna pikinini bilong Livai na hetman bilong famili, ol i bin raitim nem bilong ol long buk bilong bipo, i kam long taim bilong Joanan pikinini man bilong Eliasib. ²⁴ Ol hetman bilong Livai em Hesabia, Serebia na Jesua pikinini man bilong Kadmiel wantaim wan wok bilong ol, husait i sanap long han kais bilong ol, long litimapim nem na salim tok tenkyu, ol i sanap long tupela grup long inapim tok i stap long buk bilong Devit, man bilong God. ²⁵ Matania, Bakbukia, Obadia, Mesulam, Talmon na Akub ol i save sanap na lukautim bikpela dua bilong bakstoa. ²⁶ Ol i bin wok long taim bilong Joiakim pikinini man bilong Jesua na Jeshua em i pikinini man bilong Sosadak, long taim Nehemiah i bin gavana na Esra i bin stap pris na man bilong raitim tok bilong Bikpela. ²⁷ Long taim bilong lotu na givim banis bilong Jerusalem i go long God, ol manmeri i painim ol livai long wanem hap ol i stap na kisim ol i kam long Jerusalem long mekim musik, amamas na givim banis i go bek long haus bilong God wantaim amamas, tok tenkyu na singsing wantaim plet kapa na gita na ol mambu samting bilong mekim musik. ²⁸ Ol man bilong singsing long ol distrik i raunim Jerusalem na long hauslain bilong ol lain Netopa i bung wantaim. ²⁹ Ol i kam long Bet Gilgal na long ples bilong Geba na Asmavet, ol man bilong singsing i wokim ol hauslain raunim Jerusalem. ³⁰ Ol pris na Livai i mekim ol yet i kamap klin na bihain ol i mekim wok long mekim ol manmeri i kamap klin na tu ol bikpela dua na ol banis. ³¹ Mi salim ol hetman bilong Juda i go antap long het bilong banis na mi makim tupela bikpela lain bilong singsing bai ol i givim tok tenkyu i go long God. Wanpela lain i go long han sut bilong banis long Dua bilong Rausim Pipia. ³² Hosaia na hap lain bilong hetman Juda i bihainim ol, ³³ na bihain long ol em Asaria, Esra, Mesulam, ³⁴ Juda, Benjamin, Semaia, Jeremaia, ³⁵ na sampela pikinini man bilong pris i holim bigul, Sekaria pikinini man bilong Jonatan, pikinini man bilong Semaia, pikinini man bilong Mataia, pikinini man bilong Sakur, pikinini man bilong Asaf. ³⁶ I gat ol famili lain bilong Sekaria , Semaia, Asarel, Milalai, Gilalai, Maai, Netanel, Juda, Hanani wantaim ol samting bilong mekim musik bilong Devit, wok man bilong God. Esra man bilong raitim buk i stap paslain long ol. ³⁷ Long stat bilong bikpela dua ol i go antap long leta bilong taun bilong Devit. long leta i go long banis antap long haus bilong Devit, na i go long dua bilong wara long hap san i save kam. ³⁸ Ol narapela lain man bilong singsing long givim tenkyu go insait long narapela rot. Mi bIhainim ol antap long banis wantaim hap lain manmeri, antap long Tawa bilong Oven, i go long outside long Bikpela Banis, ³⁹ na antap long bikpela dua bilong Efraim na i go long bikpela dua bilong bipo na long pis dua na Tawa bilong Hananel na Tawa bilong ol 100 i go long dua bilong sipsip na ol sanap i long dua bilong ol was man. ⁴⁰ Tupela lain bilong singsing na givim tenkyu i kisim ples bilong ol insait long haus bilong God na mi tu kisim ples bilong mi wantaim ol dispela hap lain ofisa i kam wantaim mi. ⁴¹ Na bihain ol pris i kisim ples bilong ol, Eliakim, Manase, Miniamin, Micaia, Elionai, Sekaria na Hanania wantaim ol biugel bilong toksave, ⁴² na tu Masaia, Shemaia, Eleazar, Usi ,Jeoanan, Malkija, Elam, Esa na olgeta man bilong singsing, i singsing na olgeta lain i harim nois bilong ol. Jeraia em hetman i go pas. ⁴³ Ol mekim bikpela ofa na amamas long God long dispela dei na God i mekim ol long amamas wantaim bikpela amamas. Na tu ol meri na pikinini i amamas. na nois bilong Jerusalem em igo bikpela stret na ol manmeri i harim long,longwe hap ples. ⁴⁴ Long dispela dei ol i makim ol man long was long rum bilong putim samting ol manmeri i kisim i kam long en, ol namba wan kaikai bilong garden na wanpela bilong 10 hap bilong olgeta samting ol i mas kisim i kam, olsem i stap pinis long lo na em bilong ol pris na Livai. Wanwan ol i makim long wok long ples klostu long taun. Ol Juda i save amamas long ol pris na ol Livai husait i save sanap klostu long ol. ⁴⁵ Ol i save mekim wok bilong God na wok bilong rausim asua. Em wok bilong ol man bilong singsing na ol man bilong was long bikpela dua, ol i bihainim tasol olsem wanem Devit na Solomon pikinini bilong em i tok . ⁴⁶ Long bipo tru long taim bilong Devit na Asap, i gat ol hetman i go pas long ol man bilong singsing na ol i singim song bilong litimapim na tenkyu i go long God. ⁴⁷ Long taim bilong Serubabel na long taim bilong Nehemaia, olgeta Israel long wanwan dei ol i save givim kaikai long ol man bilong singsing na ol man bilong was long bikpela dua na ol i putim sampela ol kaikai i stap long sait em i bilong ol Livai na ol Liva i save putim hap kaikai i stap long sait bilong ol tumbuna bilong Aron.