¹ Ol lida bilong ol manmeri i stap long Jerusalem na ol arapela manmeri ol i pilai satu bilong kisim wanpela wanpela bilong ol 10- pela femili i kam stap long Jerusalem, holi taun na ol arapela 9-pela bai i stap long ol liklik taun. ² Tasol ol manmeri i amamas long ol sampela manmeri husait i bihainim laik bilong ol yet na i laik stap long Jerusalem. ³ Dispela em ol ofisa bilong gavaman i stap long Jerusalem. Olsem wanem long taun bilong ol Juda, olgeta manmeri i stap long graun bilong ol yet, sampela tumbuna lain bilong ol Israel, ol pris, ol Livai na ol wokman long haus bilong God wantaim ol tumbuna lain bilong wokman bilong Solomon. ⁴ Long Jerusalem i gat sampela tumbuna lain bilong ol Juda na bilong Benjamin. Ol tumbuna lain bilong Juda i olsem Ataia pikinini man bilong Usia na Usia em pikinini man bilong Sekaraia na Sekaraia em i pikinini man bilong Amaria na Amaria em i pikinini man bilong Sefatia na Sefatia em i pikinin man bilong Mahalalei na long tumbuna lain pikinini bilong Peres. ⁵ Masea em i pikinini man bilong Baruk na Baruk em i pikinini man bilong Kolhose na Kolhose em i pikinini man bilong Hasaia na Hasaia em i pikinini man bilong Adaia na Adaia em i pikininin man bilong Joiarip na Joiarip em i pikinini man bilong Sekaraia na Sekaraia em i pikiinini man bilong Sela. ⁶ Olgeta pikinini man bilong Peres namba bilong ol i olsem 468 i stap long Jerusalem. Ol i stap namba wanman tru. ⁷ Dispela em ol tumbuna lain bilong Benjamin. Salu pikinini man bilong Mesulam na Mesulam em i pikinini man bilong Joet na Joet em i pikinini man bilong Pedaia na Pedaia em i pikinini man bilong Kolaia na Kolaia em i pikinini man bilong Masea na Masea em i pikinini man bilong Itiel na Itiel em i pikinini man bilong Jesaia, ⁸ ol lain i bihainim Gabai na Salai namba bilong ol i olsem 928 man. ⁹ Na Joel pikinini man bilong Sikri i bos man bilong ol na Juda pikinini man bilong Hasenua i kamap namba tu long bosim bigtaun. ¹⁰ Na long ol lain pri, Jedaia pikinini man bilong Joiarip na Jakin. ¹¹ Seraia pikinini man bilong Hilkia na Hilkia em i pikininin man bilong Mesulam na Mesulam em i pikinini man bilong Sadok na Sadok em i pikinini man bilong Meraiot na Meraiot em i pikinini man bilong Ahitup, em bikpris insait long haus bilong God ¹² na ol sampela man i save wok insait long haus bilong God namba bilong ol i olsem 822 wantaim Adaia pikinini man bilong Jeroham na Jeroham em i pikinini man bilong Pelalia na Pelalia em i pikinini man bilong Amsi na Amsi em i pikinini man bilong Sekaraia na Sekaraia em i pikinini man bilong Pasur na Pasur em i pikinini man bilong Malsisa. ¹³ Na ol brata bilong em i hetman bilong 242 man na Amasai em i pikinini man bilong Asarel na Asarel em i pikinini man bilong Asai na Asai em i pikinini man bilong Mesilemot na Mesilemot em i pikinini man bilong Imer, ¹⁴ ol brata bilong em, ol i gat 128 strongpela man bilong pait na bos man bilong ol em Zapdiel pikinini man bilong Hagedolim. ¹⁵ Ol lain Livai, Semaia pikinini man bilong Hasup na Hasup em i pikinini man bilong Asrikam na Asrikam em i pikinini man bilong Hasabia na Hasabia em i pikinini man bilong Buni, ¹⁶ Sebetai na Josabat tupela hetman bilong ol lain Livai husait i save bosim wok autsait long haus bilong God. ¹⁷ Matania pikinini man bilong Mika na Mika em i pikinini man bilong Sapdi long tumbuna lain bilong Asap na em lida bilong ol lain i save beten na givim tenkyu na Bakbukia em i namba tu namel long ol brata bilong em, Apda pikinini man bilong Samua na Samua em i pikininin man bilong Galal na Galal em i pikinini man bilong Jedutun. ¹⁸ Na olgeta Livai i stap long holi taun namba bilong ol i olsem 284 man. ¹⁹ Na man i save was long bikpela dua bilong taun em Akup. Talmon na ol narapela wan wok bilong tupela husait i save was long bikpela dua bilong taun namba bilong ol i olsem 172 man. ²⁰ Ol arapela lain Israel, ol pris na ol Livai husait i stap long arapela taun bilong Juda. Ol i stap long ol graun bilong ol yet. ²¹ Ol wokman long haus bilong God i stap long Ofel, Siha na Gispa i bosim ol. ²² Man i bosim ol Livai i stap long Jerusalem em Usi pikinini man bilong Bani na Bani em i pikinini man bilong Hasabia na Hasabia em i pikinini man bilong Matania na Matania em i pikinini man bilong Mika tumbuna bilong Asap, man husait i save singsing insait long haus bilong God. ²³ Ol i stap aninit long tok bilong king na strongpela tok em i givim long ol man i save singsing i mas singsing long olgeta dei. ²⁴ Orait na Petahia pikinini man bilong Mesesabel, tumbuna lain bilong Sera na pikinini man bilong Juda, Em i stap klostu long king long karim olgeta hevi bilong ol manmeri. ²⁵ Ol manmeri long haus lain ol i stap long graun bilong ol yet, sampela ol manmeri bilong Juda i stap long Kiriat Arba long haus lain bilong ol yet na sampela long Dibon long haus lain bilong ol yet na long Jekapsel long haus lain bilong ol yet ²⁶ na long Jesua, Molada, Betpelet, ²⁷ Hasarsual na Berseba long haus lain bilong ol yet. ²⁸ Sampela lain manmeri bilong Juda i stap long Siklak Mekona long haus lain biiong ol yet, ²⁹ Enrimon, Sora, Jarmut, ³⁰ Sanoa na Adulam na long haus lain bilong ol yet na long Lakis long graun bilong ol yet na Aseka long haus lain bilong em, olsem bai ol i stap long Berseba long ples daun bilong Hinom. ³¹ Ol manmeri long lain bilong Benjamin sampela i stap long Geba na i go olsem long Mikmas, Aija na long Betel long haus lain bilong ol, ³² Anatot, Nop, Anania, ³³ Hasor, Rama, Gitaim, ³⁴ Hadit, Seboim, Nebalat, ³⁵ Lot na Ono na long ples daun bilong ol man i save mekim gutpela samting. ³⁶ Sampela lain Livai i save stap long Juda, ol i makim ol long stap wantaim ol manmeri bilong Benjamin.