¹ Eliasib hetpris wantaim ol brata bilong em husait ol pris i wokim bikpela Dua Bilong Sipsip. Ol i stretim olgeta dua na tambuim. Ol i tambuim i go olsem long Handret Tawa na i go olsem long Tawa Bilong Hananil. ² Ol man bilong Jeriko i wok klostu long em na Jakur pikinini man bilong Imri i wok klostu long ol. ³ Ol pikinini man bilong Hasena i wokim bikpela Dua bilong Fis, ol i mekim lait long en na stretim ol Dua bilong ol wantaim ol lok na ol ain stik. ⁴ Meremot i wokim gen narapela hap. Em pikinini man bilong Uria na Uria em i pikinini man bilong Hakos. Mesulam i wokim narapela klostu long ol. Em i pikinini man bilong Berekaia na Berekaia em i pikinini man bilong Masesabel. Sadok em i narapela man bihain long ol, husait i wokim gen. Em i pikinini man bilong Bana. ⁵ Em wok bilong ol Tekoi long wokim gen bihain long ol, tasol ol lida man bilong ol i les long harim tok bilong ol man i go pas long ol long mekim wok. ⁶ Joiada pikinini man bilong Pasea na Mesulam pikinini man bilong Besodeia i wokim gen Olpela Dua. Ol i putim ol lait long en na stretim ol dua bilong en, ol lok bilong en na ol ain stik bilong en. ⁷ Bihain long ol em Melatia bilong Gibion na Jadon bilong Meronot, em ol man bilong Gibion na Mispa, ol i mekim wok bilong stretim gen hap bilong provins i lusim Wara na i go daun long ples gavana i save i stap. ⁸ Bihain long ol em Usiel pikinini man bilong Hahaia, em man i save mekim ol samting long gol, i wokim gen, na bihain long em Hahaia, em man bilong mekim ol smel paura. Ol i bihainim Bikpela Wol na wokim gen Jerusalem. ⁹ Bihain long ol em Repaia pikinini man bilong Ur i wokim gen. Em man i lukautim hap liklik taun bilong Jerusalem. ¹⁰ Bihain long ol Jedaia pikinini man bilong Harumap i wokim gen klostu long haus bilong em. Bihain long em Hatus pikinini man bilong Hasapneia i wokim gen. ¹¹ Malkija pikinini man bilong Harim na Hasub pikinini man bilong Pahat-Moap i wokim gen narapela hap wantaim Tawa bilong Owens. ¹² Narapela bihain long em Salum pikinini man bilong Haloes, man husait i lukautim hap liklik taun bilong Jerusalem i wokim gen wantaim ol pikinini meri bilong em. ¹³ Hanun wantaim ol lain i stap long Sanoa i wokim gen bikpela Dua bilong ples i Daun. Ol i wokim na stretim ol dua bilong en, ol lok bilong en na ol ain stik bilong en. Ol i wokim gen long mak bilong 1,000 i go long dua bilong tromoi pipia bilong ol animol. ¹⁴ Malkisa pikinini man bilong Rekab, man i lukautim distrik bilong Bet Hakerem, i stretim gen Dua bilong Tromoi Pipia bilong Ol Animol. Em i wokim ol dua bilong en, ol lok bilong en na ol ain stik bilong en. ¹⁵ Salun pikinini man bilong Kol-Hose, man i lukautim liklik taun bilong Mispa i wokim gen bikpela dua bilong wara. Em i wokim na putim karamap long en na wokim ol dua bilong en, ol lok bilong en na ol ain stik bilong en. Em i wokim tu wol bilong Wara bilong Siloam klostu long gaden bilong king, long hap biktaun Devit i save kam daun long en. ¹⁶ Nehemaia pikinini man bilong Asbuk, man husait i lukautim hap liklik taun bilong Bet-Su, em i wokim gen matmat bilong Devit i kam long hul wara ol man bin wokim na i go olsem long haus bilong ol strongpela man. ¹⁷ Bihain long em ol Livai wantaim Rehum pikinini man bilong Bani i wokim gen, bihain long em Hasabia, man i lukautim hap distrik bilong Keila, distrik bilong em. ¹⁸ Bihain long em ol man bilong biktaun bilong ol wantaim Binui pikinini man bilong Henadad i wokim gen, em man i lukautim hap distrik bilong Keila. ¹⁹ Bihain long em, Eser pikinini man bilong Jesua, em man i lukautim Mispa, i wokim gen narapela hap i go antap olsem long kona bilong wol i gat ol samting bilong pait i stap long en. ²⁰ Bihain long em Baruk pikinini man bilong Sabai, wantaim bel na tingting bilong wokim gen narapela hap, long kona bilong wol i go long dua bilong haus bilong Eliasib husait em i hetpris. ²¹ Bihain long em Meremot pikinini man bilong Uria husait em i pkinini man bilong Hakos i wokim gen narapela hap, long dua bilong haus bilong Eliasib i go daun olsem long pinis bilong haus bilong Eliasib. ²² Bihain long em ol pris, wantaim ol man i stap long Jerusalem i wokim gen. ²³ Bihain long ol, Benjamin wantaim Hasup i wokim gen long narapela sait long haus bilong ol. Bihain long ol Asaria pikinini man bilong Maseia husait em i pikinini man bilong Anania i wokim gen klostu long haus bilong ol. ²⁴ Bihain long Binui pikinini man bilong Henadad i wokim gen narapela hap bilong en, stat long haus bilong Asaria i go long kona bilong wol. ²⁵ Palal pikinini man bilong Usai i wokim gen antap long kona bilong wol na long tawa i go antap moa olsem long haus bilong king i gat banis bilong wasman i stap long en. Bihain long em Padaia pikinini man bilong Paros i wokim gen, ²⁶ Ol wok man bilong tempol i save stap long Opel i wokim gen, long narapela sait long bikpela Dua bilong Wara hap san kamap i gat tawa surik i go moa yet. ²⁷ Bihain long em ol Tekoi i wokim gen narapela hap em i stap long bikpela tawa i surik i go moa yet long wol bilong Opel. ²⁸ Ol pris i wokim gen antap long bikpela dua bilong hos, wanwan long narapela sait long haus bilong ol. ²⁹ Bihain long ol, Sadok pikinini man bilong Imer i wokim gen hap long narapela sait long haus bilong em. Bihain long Semaia pikinini man bilong Sekanaia i wokim gen, em man bilong lukautim bikpela dua i stap long hap san kamap. ³⁰ Bihain long em Hanania pikinini man bilong Selemia na Hanun namba 6 pikinini bilong Salap,i wokim gen narapela hap. Bihain long Mesulam pikinini man bilong Berekia i wokim gen narapela sait bilong haus em i save i stap long en. ³¹ Bihain long em Malkisa, em wanpela man i save mekim ol samting long gol, em stat long mekim haus bilong ol wok man bilong tempol na ol moni man husait i stap long narapela sait dua bilong sindaun na was na antap kona i gat rum i stap long en. ³² Man bilong mekim ol samting long gol na moni man i wokim gen namel rum antap long kona na long Bikpela Dua bilong Sipsip.