¹ Man bilong bagarapim yu i kam long pait wantaim yu. Putim ol man long banis bilong biktaun na was long rot, olgeta ami i mas stap strong na bung wantaim. ² God Yawe em i putim bek ol gutpela samting bilong Jekop, olsem ol gutpela samting bilong ol Israel. Maski ol birua bilong ol i pait wantaim ol na bagarapim ol han bilong diwai wain. ³ Na hap kapa bilong ol strongpela man i ret, na ol soldia i werim ol klos i gat kala i stap, na ol ain bilong karis i gat lait i kamap long ol taim ol i redi long pait, na ol i apim diwai spia i go antap. ⁴ Ol karis i spit i go namel long ol rot, hariap tasol ol i go bek na sanap long bikpela rot. OI i luk olsem lait bilong tos na ol i ran olsem lait bilong klaut i pairap. ⁵ Man husait bai bagarapim yu i singautim ol hetman bilong em na ol surik i go i kam long ol yet na wokabaut long lain, ol i hariap long brukim banis bilong biktaun. Ol bikpela hap kapa i redi long banisim ol man bilong pait. ⁶ Ol i strong na opim geit long wara, na haus bilong king i pundaun na bagarap. ⁷ Ol i brukim ol klos bilong Usap na ol i kisim em i go, na ol wokmeri bilong en i stap wantaim bel sore na paitim bros bilong ol. ⁸ Ninive em i olsem wara we pulap na go aut. wantaim ol lain bilong en i ranawe olsem wara i tait. Ol arapela i singaut ''Stap Stap'', tasol wanpela i no tanim na lukluk i kam bek. ⁹ Kisim ol silva na ol gutpela samting, kisim ol gol na ol gutpela samting, long dispela hap i nogat arere bilong en na long gutpela na naispela ol samting bilong Ninive. ¹⁰ Ninive em nogat wanpela samting na i bagarap. bel bilong olgeta manmeri i hevi, skru bilong ol i bagarap na ol i kisim bikpela pen na pes bilong ol i nogut. ¹¹ Long ples ol yangpela pikinini laion i save kisim kaikai, long ples laion man na meri i save raun wantaim ol pikinini bilong ol i nogat pret long wanpela samting. ¹² Ol laion i kilim ol wel abus long maus na givim long ol pikinini laion wantaim ol meri laion bilong em i pulmapim haus bilong em wantaim ol. ¹³ ''Lukim, mi birua long yu, dispela em tok klia i kam long Bikpela God Yawe. Mi bai kukim ol karis insait long smuk, na bainat bai mi kilim ol yangpela laion. Mi bai katim ol strongpela man long ples bilong yu, na nek bilong toktok bilong yu ol i no inap harim ken.