¹ Gol i kamap doti pinis, olsem wanem na gol trutru i bin senis! Na ol stretpela ston i stap nabaut long olgeta hap kona bilong rot. ² Ol gutpela pikinini man bilong Saion ol i dia tumas olsem skel bilong gol trutru, tasol nau ol i no moa dia tumas olsem ol sospen graun ol man i wokim long han! ³ Olsem na ol weldok i save givim susu na was long ol pikinini bilong ol, tasol ol pikinini meri bilong ol manmeri bilong mi bai i kamapim pasin nogut, wankain olsem ol muruk i save stap long ples drai. ⁴ Ol bebi i nek drai na tang bilong ol i kam autsait long maus bilong ol na ol pikinini i hangre na askim long kaikai tasol nogat kaikai bilong ol. ⁵ Ol lain husait i save kaikai gutpela kaikai, nau i stap hangre long ol liklik rot. Ol lain husait i save stap gut na putim gutpela klos i gat retpela mak long en, nau i sindaun arere long ol sit paia. ⁶ Hevi na pen i stap antap long pikinini meri bilong ol manmeri bilong mi, em i bikpela moa i no wankain olsem long Sodom, olsem na ol i bagarapim na rausim na nogat wanpela i tanim bek na lukluk long dispela ples. ⁷ Ol lida bilong ol i stretpela olsem sno na waitpela olsem wara bilong susu na bodi bilong ol i olsem retpela ston i no wankain olsem ston bilong solwara, olgeta pasin bilong ol i olsem blupela ston Safair. ⁸ Lukluk long bodi bilong ol i kamap tudak tru na ol i no luksave long ol long ol liklik rot. Ol skin bilong ol i pas antap long bun bilong ol na kamap drai olsem paia wut. ⁹ Ol lain husait ol i bin kilim ol wantaim bainat ol i amamas moa long ol lain husait i dai long hangre, ol dispela lain i bagarap nambaut na bikpela sua bai i bagarapim ol long wanem ol i nogat kaikai i redi long gaden. ¹⁰ Na ol meri i stap long bikpela pen na hevi i kukim pikinini bilong ol yet wantaim hot wara, ol bai i kamap kaikai bilong ol long dispela taim na ol pikinini meri bilong ol lain bilong mi bai i bagarap. ¹¹ God Yawe i lukim olgeta pasin nogut bilong ol, em i kapsaitim belhat bilong em long olgeta manmeri. Em bai salim bikpela paia long Saion na bagarapim olgeta na nogat wanpela samting bai i stap. ¹² King bilong graun i no bilip na olgeta manmeri bilong olgeta hap bilong graun tu i no bilip, ol birua o ol man long narapela ples bai i no inap i go insait long bikpela dua bilong Jerusalem. ¹³ Dispela samting i kamap long wanem, ol sin bilong ol profet na olgeta pasin nogut bilong ol pris, ol lain husait i bin kilim ol stretpela man insait long dispela ples. ¹⁴ Ol i tingting planti na ai pas long olgeta liklik rot ol i go long en. Ol i bagarap tru long dispela blut na ol i no larim wanpela bai holim klos bilong ol. ¹⁵ "Go longwe! Yupela ol manmeri bilong mekim sin!" Ol manmeri i krai long ol. "Go nabaut! Go nabaut! Noken holim!" Na ol i go nambaut na ol manmeri i toktok long olgeta hap bilong kantri olsem, "Ol i noken i stap long hia moa." ¹⁶ God Yawe em yet i rausim ol i go nabaut na em i no moa was long ol. Ol i no harim tok bilong ol pris na ol i no soim gutpela pasin bilong stap aninit long ol hetman bilong ol. ¹⁷ Ai bilong mipela olgeta i bagarap na mipela i lukluk nating long painim helpim, mipela i stap long was tawa bilong mipela na lukluk sapos wanpela kantri bai inap helpim mipela. ¹⁸ Ol i bihainim olgeta lek mak bilong mipela na mipela i no inap wokabaut long ol liklik han rot. Taim bilong mipela i kam klostu na olgeta dei bai ol i kaunim na taim bilong mipela i kamap pinis. ¹⁹ Ol lain husait i ronim mipela ol i kam hariap tru i no wankain olsem ol tarangau long skai. Ol i ronim mipela i go antap long maunten na putim was long mipela long ples nating. ²⁰ Na win mipela i pulim insait long nus bilong mipela, God Yawe i bin makim mipela pinis. Em wanpela tasol i bin holim mipela long ples bilong bagarap, long wanem em i tok, "Aninit long sedo bilong mi bai yupela i stap laip insait long ol kantri". ²¹ Pikinini meri bilong Idom, yupela i mas amamas, yupela husait i stap long graun bilong ol Us. Tasol long yupela, ol kap bai i kam long yupela bai i dring spak na brukim olgeta klos bilong yupela na stap bodi nating. ²² Pikinini meri bilong Saion, ol hevi na pen bilong yupela bai i pinis nau na em bai i no inap surikim taim bilong yupela long stap. Tasol pikinini meri bilong Idom, em bai mekim save long yupela na em bai putim i kam ples klia olgeta sin bilong yupela.