1
Olsem na nau, Jop, mi askim yu long harim ol tok mi mekim long yu.
2
Lukim, nau mi opim maus bilong mi na tang bilong mi i toktok long yu.
3
Ol tok bilong mi i kamap insait long bel bilong mi na maus bilong mi i autim stretpela save.
4
Spirit bilong God Yawe i bin wokim mi na Bikpela i gat olgeta strong i bin givim laip long mi.
5
Sapos yu ken bekim tok bilong mi, orait stretim ol tok bilong yu na sanap long pes bilong mi.
6
Lukim, mi tu mi wankain olsem yu long ai bilong God Yawe na em i bin wokim mi long graun.
7
Lukim, yu noken pret long mi, gutpela bilong mi bai stap antap long yu.
8
Yu bin toktok pinis long taim mi harim na mi harim pinis ol tok bilong yu olsem,
9
Mi klin na mi no save mekim pasin nogut, mi nogat asua na sin insait long mi.
10
Nau God Yawe i painim sampela rot long bagarapim mi na em i lukim mi olsem birua bilong em.
11
Em i kaunim olgeta wokabaut bilong mi na was long olgeta rot bilong mi.
12
Long dispela yu giaman, mi bai bekim long yu olsem God Yawe em i bikpela long man.
13
Bilong wanem yu birua long em,em i no save kauntim ol nogut bilong yu.
14
God Yawe i save toktok 1-pela na 2-pela taim maski ol man i no save lukim dispela.
15
Long driman bilong nait i kamap long ol man taim ol i slip dai insait long bet.
16
bihain God Yawe i opim yau bilong olgeta man na pretim ol wantaim ol pret toktok.
17
em long pulim man i kam bek long ol sin pasin bilong em na apim nem bilong em.
18
God Yawe i save lukautim laip bilong man long go long hul na abrusim dai.
19
Man i kisim pei long pasin em i save mekim antap long bet wantaim bikpela pen long ol bun bilong em.
20
na bodi bilong em bai i no inap laikim kaikai na spirit bilong em bai dai.
21
Ol mit bilong em i go pinis na i no inap long lukim na ol bun bilong em i stap hait, nau i kamap ples kilia.
22
Na sol bilong em i go klostu long hul bai husait man i laik bagarapim laip bilong em i ken bagarapim.
23
Sapos i gat wanpela ensel olsem namel man insait long ol tausen ensel husait i ken soim em long bihainim stretpela pasin.
24
na sapos dispela ensel i wanbel na tokim God Yawe olsem noken larim dispela man i go long hul, mi bai larim em i go fri.
25
bihain bodi bilong em bai i kamap olsem bodi bilong nupela pikinini na strong bilong em bai i kamap olsem ol yangpela.
26
Bai em I prei long God Yawe na God Yawe bai i mekim gut long em na em bai i lukim pes bilong God Yawe wantaim amamas, na God Yawe bai i mekim em i amamas.
27
Na dispela man bai singsing long pes bilong ol arapela manmeri na tok,mi mekim sin na tok dispela em i stret tasol mi no kisim hevi long sin bilong mi.
28
God Yawe i kisim bek mi long maus bilong hul, laip bilong mi bai i stap yet na lukim lait.
29
Lukim, God Yawe i mekim dispela olgeta samting wantaim wanpela man, 2-pela na 3-pela taim.
30
long kisim sol bilong em i kam bek long hul,olsem bai em i ken kisim strong long lait bilong laip.
31
Jop,'' stap isi na harim mi bai toktok.''
32
Sapos yu gat sampela samting long tokim mi, orait yu tok long wanem mi laik save olsem yu stap stret.
33
Sapos nogat orait stap isi na harim mi toktok na bai mi skulim yu long ol gutpela tingting.