1
Jop i surukim tok moa olsem,
2
"O, mi laikim tumas bai mi stap gut olsem bipo long dispela taim God i lukautim mi gut,
3
long taim lam bilong em i sain antap long het bilong mi na taim mi wokabaut long ples tudak wantaim lait bilong em.
4
O, tru mi laikim tumas taim mi stap gut olsem bipo, taim mi bin stap strongpela man yet. God i bin i stap gutpela pren bilong mi,
5
taim Bikpela i gat olgeta strong i stap yet wantaim mi, ol pikinini bilong mi ol i bin i stap klostu long mi,
6
taim mi bin kisim susu long bulmakau na meme na ston i kapsaitim oil olsem ol liklik wara i ron!
7
Taim mi i go klostu long bikpela dua bilong biktaun na sindaun long ples bilong bung,
8
ol yanpela man i lukim mi wokabaut i kam na ol i soim gutpela pasin na surik i go longwe long rot mi kam long en na ol lapun manmeri i kirap na sanap taim ol i lukim mi.
9
Na ol pikinini meri bilong king i no save toktok taim mi kam, ol i save pasim han long maus bilong ol.
10
Na ol bikman i toktok isi tru long wanem tang bilong ol i pas insait long maus bilong ol.
11
Taim ol manmeri i harim toktok bilong mi, ol i save litimapim nem bilong mi na taim ol i lukim ol samting mi i mekim, ol i save autim nem bilong mi long ol arapela,
12
long wanem mi bin helpim ol rabisman taim ol i singaut na ol man i no gat papa taim em i no gat wanpela long helpim em.
13
Na ol blesin bilong ol manmeri i laik bagarap i kam long mi, ol i bin tok tenkyu tru na askim God. Na mi helpim ol meri man bilong ol i dai pinis long singim song wantaim amamas.
14
Oltaim mi save bihainim gutpela na stretpela pasin. Na dispela pasin i bin i stap olsem gutpela bilas mi putim long bodi bilong mi.
15
Mi i bin stap olsem ai bilong soim rot long ol ai pas na mi olsem lek bilong helpim ol lek nogut long wokabaut.
16
Mi bin i stap papa bilong ol rabisman na mi bin lukautim ol. Mi bin helpim tok bilong ol taim ol man i laik daunim ol. Maski mi no save long ol mi stap klostu long helpim ol long tok bilong kot .
17
Mi bin brukim maus bilong ol man bilong mekim pasin nogut na mi rausim tit bilong dispela man nogut.
18
Bihain mi tok olsem, ' Bai mi dai insait long haus bilong mi na bai mi stap planti moa dei wankain olsem gren na wesan long graun.
19
Mi bai i stap strong olsem wanpela diwai i stap klostu long wara na ren i pundaun antap long ol han bilong diwai.
20
Na bai mi amamas oltaim strong bilong mi i stap yet na mi go yet long mekim strongpela wok.
21
Ol man harim gut, yupela i stap isi tru na weit long harim ol tok stia mi autim.
22
Tok bilong mi i go insait tru long bel bilong ol olsem ren i wasim ol na ol i no gat tingting moa long skulim tingting mi bin autim.
23
Ol i weit long mi olsem ol i weit long ren, ol i opim maus i go bikpela long drinkim tok bilong mi wankain tasol long bihain taim bilong ren.
24
Mi lap long ol taim ol i no tingim long en, ol i no les long lait long pes bilong mi.
25
Mi bin i stap olsem hetman na mi stiaim tingting bilong ol. Mi bin i stap olsem king namel long ol lain soldia olsem man bilong strongim ol man i stap long sori.