1
Tru tumas, i gat hap ples ol i save wokim bikpela hul i go daun long graun bilong painim silva na ol i wokim ples bilong kukim gol long paia na rausim pipia bilong kisim gol.
2
Ol i painim ain long graun na kukim wanpela kain ston long paia na kamapim kopa.
3
Wanpela man i bringim lait i go long tudak insait long hul ol i wokim i go daun long graun long panim ston i stap longpela taim long bikpela tudak.
4
Em i wokim hul i go daun long graun longwe long ol manmeri, ples i no gat lekmak. Em i save hangamap long rop na suruk i go i kam.
5
Na long graun i stap antap ol man i wokim gaden bilong kisim kaikai, aninit long graun en i olsem paia i kam antap.
6
Long ol ston i stap aninit long graun ol man i painim wanpela kain blupela ston ol i kolim safaia na long das bilong graun i gat gol i stap.
7
Nogat strongpela pisin i save long rot bilong dispela hul aninit long graun na ai bilong tarangau i no inap long lukim dispela hul.
8
Ol animol i save amamas na strongpela laion i no save long rot i go long dispela ples.
9
Wanpela man i save painim strongpela ston long han bilong em, i olsem em i save tanim maunten i kam daun long as bilong maunten.
10
Em i save wokim rot namel long ston na ai bilong em i save lukim olgeta gutpela samting long dispela hap.
11
Em i save pasim wara long en i no inap ron i kam daun na em i save bringim kamap ples klia wanem samting save stap hait.
12
Bai yu panim gutpela tingting na ples bilong kisim gutpela save long we.
13
Ol man i no save long pei bilong em na ol i no inap panim long graun bilong ol.
14
Ol wara i stap aninit long graun i tok, em i no i stap insait long mi na solwara i tok, em i no stap wantaim mi.
15
Yu i no inap long putim long skel na baim long prais bilong gol na silva.
16
Em i no wankain olsem pei bilong gol long kantri Ofir wantaim ol gutpela ston i gat bikpela pei.
17
Gol na glas ston i nogat wankain skel olsem em o ol gutpela samting ol mekim long gol i no inap senisim em.
18
Ol gutpela samting ol wokim long rif o waitpela glas na moni i no inap long prais bilong gutpela tingting.
19
Ol gutpela yelopela ston bilong kantri Kus na ol samting ol mekim long gol tasol i no inap long pei bilong em.
20
Gutpela tingting na gutpela save i kam long wanem hap.
21
Gutpela tingting i hait long ai bilong olgeta samting na i stap hait long olgeta pisin long skai..
22
Bagarap na dai i tok, "mipela i harim tokwin tasol long ol dispela samting long yau bilong mipela.
23
God i gat klia tingting long rot bilong em na em i save long ples bilong em.
24
Em i save lukluk i go long pinis bilong graun na em i lukim olgeta samting i stap aninit long skai.
25
Em i save mekim strong bilong win na em i save brukim wara long mak bilong en.
26
Em i save mekim ren long pundaun long mak na em i save mekim rot bilong klaut long pairap.
27
Bihain, em i lukim gutpela tingting na i tokaut, em mekim em i stap strong na em i sekim.
28
God i tokm ol manmeri, 'Lukim, pasin bilong stap aninit long God, em i as bilong gutpela tingting na lusim pasin nogut em i gutpela save.'"