1
Orait Jop i bekim tok olsem,
2
''Yu bin helpim wanpela man i no gat biknem olsem wanem! Yu i bin helpim han i nogat strong olsem wanem!
3
Yu bin givim gutpela tingting long man i nogat gutpela save na tokim em long gutpela pasin olsem wanem!
4
Wantaim helpim bilong husait yu bin mekim ol dispela tok? Ol dispela tok i kam aut long yu em husait tru i kirapim bel na tingting bilong yu?
5
Yu bai i mekim ol daiman i guria, ol lain husat i stap aninit long ol wara na ol samting i save stap insait long em.
6
Seol i stap as nating long ai bilong God Yawe, olsem na bikpela bagarap bai i kam long em.
7
Em i opim ol skai bilong not i karamapim spes nating na em i hangamapim graun long spes nating.
8
Em i pasim ol wara antap long ol bikpela klaut bilong em, tasol ol klaut i no bruk aninit.
9
Em i pasin ai bilong mun na larim ol klaut bilong em i karamapim olgeta hap bilong en.
10
Em i mekim mak i raunim antap long ol wara olsem mak na lain namel long lait na tudak.
11
Heven antap tru i seksek na i guria nogut tru taim em i tok strong long em.
12
Wantaim biknem bilong em, em i daunim strong bilong solwara wantaim gutpela tingting em i bagarapim Rahab.
13
Wantaim win bilong em yet, em i mekim skai i kamap klia, han bilong em i sutim dispela snek nogut na em i ranawe.
14
Lukim, dispela em ol piksa bilong pasin bilong em; em i toktok isi tru long yau bilong yumi na yumi harim. Husat i ken luksave na klia long strong bilong em i pairap olsem klaut i pairap?