¹ Orait Bildat bilong Kantri Suha i bekim tok olsem, ² "God Yawe bikpela i save bosim olgeta manmeri olsem na olgeta manmeri i mas pret long God Yawe wanpela tasol. Em i mekim olgeta samting i stap stret long ol ples i stap antap long heven. ³ Ol ami namba biIong ol i bikpela tumas na i nogat wanpela man inap pinisim ol a? Antap long husat i tok na dispela lait i no kamap klia? ⁴ Olsem wanem na man inap kamap stretpela long ai bilong God Yawe? Olsem wanem long man, meri i karim inap kamap nupela na kamap klin na bai God Yawe i laikim em? ⁵ Lukim, lait bilong mun i no kamap bikpela long ai bilong God Yawe em i liklik samting tru na ol sta tu i no klin long ai bilong God Yawe. ⁶ Hamas namba bilong ol liklik grup man, husat i olsem likilik snek i save stap insait long graun, em pikinini bilong man na husat i olsem liklik snek long graun?