¹ Bihain Job i bekim tok, ² "Hamaspela taim yupela bai mekim mi pilim pein na brukim mi kamap liklik long ol toktok bilong yupela? ³ Dispela tenpela taim yupela bin tokim mi, yupela i no pilim sem olsem yupela i mekim nogut long mi. ⁴ Sapos dispela em i tru olsem mi mekim ron, olrait ron bilong mi i ken istap olsem long mi yet tasol. ⁵ Em tru yupela bai apim yupela yet i go antap long mi na bai mi luksave long daunim pasin bilong mekim birua long mi, ⁶ nau bai yupela save olsem God Yawe i mekim nogut long mi na i putim mi long umben bilong en. ⁷ Lukim, mi singaut , "Bikpela bagarap i kamap!" tasol mi no kisim wanpela bekim. Mi singaut long helpim, tasol i nogat stretpela pasin. ⁸ God Yawe i pasim rot bilong mi na mi no inap long kamap long hapsait na em i putim bikpela tudak long rot mi wokabaut long en. ⁹ Em i rausim bik nem bilong mi na rausim hat bilong king long het bilong mi. ¹⁰ Em i putim mi i go daun long olgeta kona na mi kisim bagarap, em i pulim strongpela driman bilong mi olsem diwai. ¹¹ Em i kamapim bel hat long mekim birua wantaim mi na i lukim mi olsem wanpela birua bilong em. ¹² Ol ami bilong en i kam bum wantaim long rausim stone i haitim mi na raunim haus sel bilong mi. ¹³ Em i putim ol brata bilong mi i stap long we long mi na ol arapela lain i stap klostu tru long mi. ¹⁴ Ol famili bilong mi i luk daun long mi na ol pren bilong mi i lus tingting long mi. ¹⁵ Husait ol lain i stap olsem ol wantok long haus bilong mi na ol wok meri bilong mi i lukim mi olsem narapela man olgeta. Mi kamap olsem narapela man olgeta long ai bilong ol. ¹⁶ Long maus bilong mi, hamaspela taim mi tokim wok man bilong mi tasol em i no bekim tok bilong mi. ¹⁷ Win bilong mi i smel nogut long meri bilong mi, mi i bagarap tru namel long ol pikinini i kamap long bel bilong mama bilong mi. ¹⁸ Na tu ol liklik piknini i no aninit long mi, long taim mi kirap na toktok, ol i tok bek long mi. ¹⁹ Olgeta pren bilong mi husat mi save long en,ol i lusim mi na husait mi laikim long en i givim baksait long mi. ²⁰ Bun bilong mi i stap ples klia long skin bilong mi na mi stap laip antap long skin bilong tit bilong mi. ²¹ Sore long mi, sore long mi ol pren bilong mi, bilong wanem han bilong God i holim mi. ²² Bilong wanem na yupela mekim olsem long mi olsem God i save mekim? Bai yupela inap wanbel wantaim bodi bilong mi a? ²³ O, ol i raitim tok bilong mi i go daun pinis! o, em i stap insait long buk pinis! ²⁴ O, dispela ol i raitim long ain pen antap long ston bai em i stap oltaim. ²⁵ Tasol long mi yet, mi save olsem man i bin baim bek mi i stap laip na long bihain em bai i sanap antap long dispela graun, ²⁶ taim dispela skin bilong mi i bagarap nau bai mi lukim God insait long bodi bilong mi. ²⁷ Mi bai lukim em long ai bilong mi yet. Mi tasol na nogat narapela lain. Bel bilong mi i stap long mi yet. ²⁸ Sapos yupela tok, 'Bai yumi i bagarapim em olsem wanem! Dispela as bilong ron bilong em i stap wantaim em yet,' ²⁹ nau yupela mas pret long dispela bainat, long wanem belat i save kamapim kot i mekim save wantaim bainat, olsem na yupela bai i save olsem i gat bikpela kot bilong God."