1
Nau Bildad, dispela man bilong Suhait i bekim na i tok,
2
"Wanem taim bai yu pasim maus bilong yu long toktok? Tingting pastaim na bihain yupela i ken toktok.
3
Bilong wanem na mipela kamap olsem ol wel animol na stap olsem man nogat save long ai bilong yu?
4
Yupela husat i save bruk long yupela yet, long taim yu belhat, ating bai ol samting bilong graun i guria long yu o ating bai ol bikpela ston i surik long ples bilong ol?
5
Yes, lait bilong ol man nogut bai ol i putim autsait na lait bilong paia bilong em bai i no moa lait strong.
6
Na lait bilong em bai i kamap tudak insat long haus sel bilong em na lam stap antap long em bai i no lait.
7
Olgeta strong bilong em bai I stap sotpela taim tasol, plen na tingting bilong em bai mekim em yet i go daun.
8
Bai ol i tromoi em i go insait long umben bilong em na em bai wokabaut i go insait na pundaun.
9
Wanpela trep bai i holim pasim lek bilong em na bai i holim em strong.
10
Wanpela rop i hait i stap long graun long holim em na trep i stap tu long rot em bai i wokabaut.
11
Bikpela hevi bai mekim em i pret long olgeta hap na ol man bai i ran bihainim em .
12
Ol gutpela samting bilong em, bai tanim kamap olsem man i hangre long kaikai na ol hevi i sambai pinis long bungim em.
13
Na sampela hap bodi bilong em i bagarap tru, olsem namba wan pikinini i dai na olgeta bodi bilong em i bagarap pinis.
14
Gutpela sindaun bilong em long haus sel i bagarap na em i wokabaut stret i go long king bilong bagarapim ol man.
15
Ol manmeri bai i no inap i stap long hausel bilong ol taim ol i lukim olsem salfa paia i kukim olgeta hap ol i stap long en.
16
Daunbilo long as bilong em bai i drai na antap long han bilong diwai bai ol i katim.
17
Gutpela tingting bilong em bai i lus long graun na em bai i no gat nem long olgeta hap kona bilong biktaun.
18
Em bai rausim ol long ples lait i go long ples tudak na i go aut long dispela graun.
19
Em bai nogat ol pikinini man bilong em na tumbuna pikinini man bilong em namel long ol manmeri bilong em na tu em bai i nogat wantok lain bilong em i stap.
20
Long wanpela dei bai ol man i stap long hap san i go daun bai i kirap nogut long wanem samting i kamap long em na ol lain i stap long san kamap bai pret long em.
21
Ol kain bagarap bai i kamap long haus bilong ol manmeri nogut na tu long ples bilong ol lain manmeri i no save long God."