1
Orait Jop i bekim tok na i tok olsem,
2
"Mi bin harim planti kain samting olsem yupela olgeta i no gutpela man bilong strongim ol arapela.
3
Ol dispela toktok i nogat as bilong em? Wanem samting em i rong wantaim yupela long bekim tok olsem?
4
Mi tu i save toktok olsem yupela, sapos yupela i stap long ples bilong mi, mi ken kisim ol toktok bilong yupela na daunim yupela na bai mi tanim het na tok pilai long yupela.
5
Bai mi strongim yupela long ol toktok mi mekim long maus bilong mi na mekim yupela i amamas.
6
Sapos mi toktok, mi bai i no inap pilim gut, sapos mi no toktok husait bai i helpim mi?
7
Tasol nau God Yawe, yu i save mekim mi nogat strong na yu save mekim olgeta famli bilong mi i bagarap.
8
Yu mekim mi i go drai olgeta, dispela em i soim olsem yu no wanbel long mi, ol gris bilong bodi bilong mi kirap na birua long mi na tokaut olsem em i no wanbel long mi.
9
God Yawe i belhat nogut tru long mi na larim ol dispela hevi na pein i kamap long mi, em i stap olsem birua bilong mi na givim baksait long mi long karim dispela hevi.
10
Ol manmeri i birua long mi, ol i tok bilas long mi na ol i kamapim ol giaman tok long mi.
11
God i givim mi long han bilong ol man nogut long bagarapim mi.
12
Mi bin stap gut tru tasol nau em i larim mi kisim bagarap. Tru tumas, em i holim nek bilong mi na brukim mi i go long dispela mak em i makim.
13
Ol man bilong pait long bunara i raunim mi na spia bilong God Yawe i sutim lewa bilong mi na em i no mekim mi malolo.
14
Mi stap olsem wanpela banis bilong haus na long olgeta dei God i save bagarapim mi olsem wanpela soldia i pait wantaim birua bilong em.
15
Mi putim klos sori bilong mi na mi lusim olgeta biknem bilong mi i go daun long graun.
16
Pes bilong mi em i pulap wantaim ai wara na dai i karamapim ai bilong mi.
17
Maski mi no gat asua na mi mekim stretpela prea.
18
Graun, yu noken karamapim blut bilong mi, larim krai bilong mi i nogat ples malolo.
19
Long nau tu, lukim ol man i luksave long mi ol i stap long heven, em husait i tokaut long mi i stap antap.
20
Ol pren bilong mi i lap long mi, tasol ai bilong mi i kapsaitim ai wara i go long God Yawe.
21
Mi askim husait em i save long mi i stap long heven olsem man bilong helpim mi long tokpait wankain olsem man i helpim man i stap klostu long em.
22
Bihain long sampela yia bai mi dai na go long dispela ples ol man i no save kam bek gen.