¹ Man, husat meri i karim, i stap liklik taim tasol na em i pulap long hevi. ² Em i olsem plaua isave kam aut long graun na pundaun gen, na em i olsem seido i no save i stap oltaim. ³ Yu save lukim ol dispela samting a? Bai yu ken kisim mi i kam long kot wantaim yu? ⁴ Husat i ken kisim samting i klin i kam aut long samting i doti. Nogat wanpela man. ⁵ Dei bilong man yu save pinis. Namba bilong mun em bai i stap em tu yu save, wanem taim yu makim man i no inap abrusim. ⁶ Yu no ken lukluk long em na yu larim em i ken malolo, olsem wanpela wok boi i save wok hat na em i ken kisim win. ⁷ Diwai yumi katim daun i gat sans long kamapim nupela kru gen, na bai ino inap pinis. ⁸ Maski rop bilong diwai i kamap lapun insait long graun, na as i stap antap na dai. ⁹ tasol taim em i smelim wara em bai kirap gen na kuru bilong em bai i kamapim nupela han olsem diwai. ¹⁰ Tasol man isave dai, na em i kamap samting nating, em i no pulim win,na nau em istap we? ¹¹ Olsem wara i drai long raun wara na bikpela wara i save ron em i lusim olgeta wara bilong em na i drai, ¹² olsem na ol man i slip ol i no inap kirap gen. Inap haven i no moa i stap. Ol i no i nap kirap, maski ol man i kirapim ol long slip bilong ol. ¹³ Olsem, na yu haitim mi long ples bilong dai man we i nogat hevi,na yu larim mi hait istap inap olgeta belhat bilong yu i pinis, na larim mi i stap sampela taim na behain singautim mi. ¹⁴ Sapos man i dai pinis, em bai kirap gen? Sapos em tru olsem em bai kirap gen, mi laik wet i stap na wan kain pasin i ken kamap long mi. ¹⁵ Yu bai singaut na mi bai bekim yu. Yu bai i gat laik long man yu yet wokim long tupela han bilong yu. ¹⁶ Yu bai save long olgeta wokabaut bilong mi na bai yu i no tingim ol sin bilong mi. ¹⁷ Olgeta bik het pasin bilong mi yu pulamapim long bilum, na bai yu karamapim ol nogut bilong mi. ¹⁸ Tasol ol maunten tu i pundaun na kamap samting nating, maski ol bikpela ston tu i save lusim hap bilong ol, ¹⁹ ol wara i save stretim na sapim ol ston gut na wara tait tu i save wasim olgeta das bilong graun. Olsem na yu save bagarapim hait tingting bilong man. ²⁰ Olgeta taim yu save win, na em i save lus. Yu senisim pes bilong em na salim em i go dai. ²¹ Sapos ol i givim namba long pikinini man bilong em, em i no save long dispela pasin; na sapos ol i mekim nogut long ol pikinini man em tu em i no lukim. ²² Em i kisim taim na pilim pen wantaim bikpela sore long em yet.