¹ God Yawe i tok olsem. Lukim, bai mi salim bikpela win bilong bagarapim Babilon na long ol lain i stap long Leb Kamai. ² Bai mi salim ol man bilong narapela ples i go long Babilon. Ol bai i raunin na bagarapim ol long graun bilong ol, ol bai i kam long olgeta hap long taim bilong bagarap. ³ Noken larim ol man bilong pait long bunara i redi na putim klos pait bilong ol. Noken bagarapim laip bilong ol yangpela man na meri. Larim ol ami bilong ol i stap longwe long dispela bikpela hevi. ⁴ Long ol lain i gat sua bai i go long graun bilong ol saveman bilong pait na husait ol i dai, bai ol i putim ol long liklik han rot bilong ol. ⁵ Maski graun bilong ol Israel na ol Juda i pulap long kainkain pasin nogut ol i mekim long em, tasol God Yawe i gat olgeta strong em i no givim baksait long ol na i lusim ol. ⁶ Ranawe long pes bilong ol Babilon, larim wanwan man i helpim em yet. Noken ranawe long pasin nogut bilong em. Nau em i taim bilong belaht bilong God Yawe.Em bai bekim bek pasin nogut bilong em. ⁷ Babilon i olsem kap i gat gol i stap long han bilong God Yawe, em i bin mekin olgeta ples graun i spak, ol kantri i dring dispela wain bilong em na ol i faul na longlong. ⁸ Babilon bai i pundaun hariap na bagarap. Em bai i krai wantaim bikpela pen. Givim em marisin bilong dispela pen, ating em bai i orait gen. ⁹ Mipela i laik tru long oraitim Babilon, tasol em i no orait. Bai yumi olgeta lusim em na i go nabaut long graun bilong yumi yet. Bilong wanem, ol asua bilong em i go long heven na i pulap long skai. ¹⁰ God Yawe i tokaut klia olsem mipela i no gat rong, kam yumi go long Saion na tokaut long gutpela pasin bilong God Yawe em i God bilong yumi.' ¹¹ Sapim ol spia na kisim ol hap palang bilong pait. God Yawe bai i stiaim spirit bilong king bilong Medes i kam bilong bagarapim Babilon. God Yawe i laik bekim pei nogut long ol, we ol i bin bagarapim haus lotu bilong em. ¹² Putim wanpela hap laplap long banis bilong Babilon na larim ol man bilong lukluk i was strong long ol ples hait. Bikpela bai i mekim wanem samting em i bin tokim ol manmeri i stap long Babilon. ¹³ Ol manmeri bilong yu i stap long planti wara i save ran i go, em yupela ol lain i pulap tru long ol gutpela samting, nau bai yupela i pinis long hia. Wokabaut bilong laip bilong yupela bai i pinis nau. ¹⁴ God Yawe i gat olgeta strong i promis antap long nem bilong em olsem, ' Bai mi givim planti man long yu olsem bikpela namba bilong ol grasopa na bai ol i kirapim krai bilong pait wantaim yu.' ¹⁵ Em i bin wokim dispela graun long pawa bilong em yet, gutpela tingting bilong em i kamapim dispela graun na long gutpela save bilong em, em i kamapim heven. ¹⁶ Taim tanda i pairap, wara i mekim bikpela nois long heven na i bringim sno long arere bilong graun i kam. Em i mekim laitning bilong ren na salim win long haus stua bilong em tu i kam. ¹⁷ Olgeta man i les na i nogat gutpela save. Olgeta man i save wok wantaim ol lain i kisim sem long giaman god bilong ol. Ol giaman piksa i giamanim ol na i nogat laip i stap long ol. ¹⁸ Ol i luk nogut long ai bilong ol man, em i wok bilong ol lain i save long bilas, em ol bai i bagarap na pinis olgeta taim em i mekim save bilong ol. ¹⁹ Tasol God Yawe em i God bilong Jekop em i no save brukim daun olgeta samting. Ol Israel em ol lain tru bilong em, God Yawe i gat olgeta strong long nem bilong em tasol. ²⁰ Yupela i stap olsem hama bilong pait na ol samting bilong pait. Long yupela bai mi brukim ol kantri na bagarapim ol kingdom bilong ol. ²¹ Wantaim yu bai mi bagarapim ol hos wantaim ol man i ronim hos, wantaim yu bai mi bagarapim ol karis na ol man i go pas long stiarim karis bilong ol. ²² Wantaim yu bai mi bagarapim ol man na ol meri, wantaim yu bai mi bagarapim ol lapun na ol yangpela. Wantaim yu bai mi bagarapim ol yangpela man na ol meri i no bin slip wantaim wanpela man. ²³ Wantaim yu bai mi bagarapim ol wasman na sipsip bilong ol, wantaim yu bai mi bagarapim ol man i save brukim graun wantaim ol lain bilong ol. Wantaim yu bai mi bagarapim ol bikman na ol wokman bilong ol. ²⁴ Taim yu lukluk yet, bai mi bekim pei nogut long Babilon na ol lain bilong kaldia na ol save man bilong pait long olgeta pasin nogut bilong ol, we ol i bin mekim long Saion, mi God Yawe i tok olsem. ²⁵ Lukim, nau mi birua long yu, maunten bilong bagarap, God Yawe i tokaut, bai mi bagarapim dispela graun. Bai mi apim han bilong mi na birua long yu na bai mi tromoi yu go daun long ples nogut na kukim yu olgeta. ²⁶ Olsem na ol bai i no inap kisim wanpela ston long yupela bilong wokim sait o as bilong haus, bai yu stat long bagarap na i no inap i stap moa. Dispela em God Yawe i tok olsem. ²⁷ Sanapim wanpela pilak antap long graun. Winim bigul long olgeta hap bilong kantri na singautim ol kantri i kam redi long pait wantaim em. Ararat, Mini na Askenas, ol i makim wanpela het man long i go pait wantaim em, kisim ol hos wantaim bikpela namba olsem ol grasopa i kam. ²⁸ Redim kantri bilong yu long pait wantaim em. King bilong ol Medes na ol bikman na olgeta wokman, olgeta graun i stap aninit long lukaut bilong em. ²⁹ Graun bai i guria na bai i stap long bikpela pein, olsem God Yawe i wok long birua long Babilon, long mekim graun bilong Babilon i kamap graun nogut na bai i nogat ol man i stap long em. ³⁰ Ol soldia long Babilon i no moa pait na ol i stap long strongpela banis bilong ol. Strong bilong ol i pinis olgeta na ol i kamap olsem ol meri, haus bilong ol i paia na ain bilong dua i bruk. ³¹ Man bilong bringim tok i ron i go tokim arapela man na narapela man i ran i go tokim narapela man bilong kisim tok i go tokim king bilong Babilon olsem, biktaun bilong em i kam long arere bilong em. ³² Olsem na ol i pasim rot bilong wara we ol i save brukim na ol birua i kukim ol gras i stap long rot na ol ami bilong Babilon i paul nabaut. ³³ God Yawe i gat olgeta strong, em God bilong ol Israel i tok olsem, ''Ol pikinini meri bilong Babilon i olsem graun bilong rausim ol pikinini kaikai. Nau em i taim bilong daunim ol i go daun liklik taim tasol na taim bilong kamautim kaikai bai i kamap long em.'' ³⁴ 'Nebukadnesar king bilong Babilon i bin bagarapim mi, em i bin mekim mi longlong na mekim mi olsem sospen i nogat kaikai i stap insait long en. Em i daunim mi olsem bikpela snek na i pulapim bel bilong em wantaim ol gutpela kaikai bilong em na nau em i spetim mi i kam aut.' ³⁵ Man husat i stap long Saion bai i tok, 'Yu ken mekim nogut long mi na larim mit bilong mi i stap long Babilon.' Na Jerusalem bai i tok, 'Larim blut bilong mi i stap long ol lain i stap wantaim ol saveman bilong pait.' ³⁶ Olsem na God Yawe i tok olsem. Lukim, liklik taim bai mi kamapim ples klia hevi bilong yupela na mekim save long yupela. Bai mi mekim drai olgeta bikpela na liklik wara bilong Babilon. ³⁷ Babilon bai i stap olsem matmat bilong ol samting i bagarap pinis long ples bilong ol weldok i nogut na i mekim nois na i nogat ples bilong ol long stap. ³⁸ Ol manmeri bilong Babilon bai i singaut olsem ol yangpela laion. Ol bai i singaut liklik olsem ol pikinini lion. ³⁹ Taim ol i pilim hot na laikim planti samting, bai mi mekim bikpela kaikai bilong ol, 'Bai mi mekim ol i spak na ol bai i amamas na bai mi mekim ol slip olgeta na i no inap kirap gen. Dispela em God Yawe i tok olsem. ⁴⁰ Mi bai salim ol i go daun olsem ol sipsip bilong kilim na kaikai, ol man sipsip wantaim ol man meme. ⁴¹ Ol i holimpas Babilon olsem wanem, olsem na amamas bilong olgeta graun i pinis. Olsem wanem na Babilon i bagarap olgeta namel long ol kantri. ⁴² Solwara i kam na karamapim Babilon. Em i karamapim em wantaim nois bilong en. ⁴³ Biktaun bilong em i bagarap na i pinis olgeta, graun nating na bikpela bus i stap na i nogat man i save i go long em. ⁴⁴ Olsem na mi mekim save long giaman god bilong Babilon, bai mi rausim ol samting em i daunim i stap long maus bilong em na ol kantri bai i no inap moa kisim ol ofa bilong ol i go long em. Banis bilong Babilon bai i pundaun. ⁴⁵ Go aut namel long ol manmeri bilong mi. Yupela wanwan i mas lukautim laip bilong yupela long belhat bilong mi. ⁴⁶ Bel bilong yupela i no ken i go daun o pret long toksave taim yupela i harim long graun, olsem dispela toksave bai i kam wanpela yia. Bihain long dispela, long narapela yia, bai i gat toksave gen na kainkain bagarap bai i stap long graun. Ol king bai i birua namel long ol yet. ⁴⁷ Olsem na lukim, ol dei i kamap na bai mi mekim save long ol giaman god bilong ol Babilon we ol i wokim long han bilong ol. Olgeta graun bilong ol bai i sem na ol lain ol i katim ol, ol bai pundaun long ai bilong em. ⁴⁸ Orait long heven na long graun, olgeta samting i stap long ol bai i amamas long Babilon. Ol lain bilong bagarapim em bai i kam long hap not, Dispela em God Yawe i tok olsem. ⁴⁹ Babilon i bin kilim ol Israel na ol i bin lus, olsem na long wankain pasin tasol bai mi mekim long graun bilong ol na ol bai pundaun long Babilon. ⁵⁰ Ol Jerusalem husat yupela i no kisim bagarap long bainat bilong ol Babilon, yupela i mas go. Noken tingting strong long stap. Singaut long God Yawe long helpim yupela na larim Jerusalem i stap long tingting bilong em. ⁵¹ Mipela i sem taim mipela i harim ol pasin nogut i kamap, kainkain tok bilas i karamapim pes bilong mipela long wanem, ol man bilong narapela ples i kam insait long ples holi long haus bilong God Yawe.. ⁵² Olsem na Lukim ol dei i kam, Dispela em God Yawe i tok, taim mi mekim save long ol giaman god bilong ol, ol manmeri i gat sua bai i singaut long olgeta hap long graun. ⁵³ Sapos i olsem Babilon i go antap long heven o kamapim strong bilong em i go moa antap, bai mi salim ol lain bilong bagarapim em i kam long em, dispela em God Yawe i tok. ⁵⁴ Bikpela singaut wantaim pen i kamap long Babilon na long graun bilong Kaldia na ol i kisim bikpela bagarap. ⁵⁵ God Yawe bai i bagarapim Babilon. Em bai i pinisim bikpela singaut bilong em. Ol birua bilong ol bai i bikmaus olsem nois bilong planti wara na nois bilong ol bai i kamap bikpela moa. ⁵⁶ Nau ol lain bilong bagarapim em i kamap birua bilong em na ol i holim pas ol soldia bilong em, ol i brukim ol bunara bilong ol olsem God Yawe i Tok, em i God bilong bekim ron na em bai bekim pasin nogut bilong ol. ⁵⁷ Bai mi mekim em i kamap olsem pikinini meri bilong kwin o saveman bilong ofisa na ol soldia bilong em ol bai i spak. Ol bai i slip olgeta na ol i no inap kirap gen, dispela em mi king i tok, God Yawe i gat olgeta strong em i nem bilong mi. ⁵⁸ God i gat olgeta strong i tok olsem. Strongpela banis bilong Babilon bai i bruk na i bagarap olgeta na ol longpela dua bilong em bai i paia. Na ol man i kam long helpim em bai ol i hatwok nating na ol narapela kantri i laik helpim em, olgeta samting bilong ol bai i paia.'' ⁵⁹ Dispela em i tok bilong Jeremaia i tokim Seria pikinini bilong Neria na pikinini bilong Masea, taim em i go wantaim Zedekia king bilong Juda bilong Babilon long namba 4 yia bilong em olsem king. Nau Seria em i namba wan ofisa. ⁶⁰ Em Jeremaia i bin raitim long skrol buk bilong olgeta bikpela bagarap bai i kamap long Babilon, em olgeta dispela toktok ol i raitim long Babilon tasol. ⁶¹ Jeremaia i tokim Seria olsem. ''Taim yu go long Babilon, em bai yu lukim na ridim ol dispela strong tok. ⁶² Na bai yu tok, God Yawe, yu yet i bin tokaut olsem, bai yu bagarapim dispela ples na i nogat wanpela man o animol bai i stap long en na i nogat wanpela haus samting bai i stap oltaim.' ⁶³ Na taim yu pinis ritim dispela skrol buk, pasim wanpela ston long en na tromoi i go namel long wara Yupratis. ⁶⁴ Na tok, 'Babilon bai i go daun wankain olsem. Em bai i no inap kirap long wanem bai mi salim ol bikpela hevi i kam long em na ol bai i pundaun. Tok bilong Jeremaia i pinis olsem.