¹ Long 9-pela yia na 10 mun bilong Zedikia olsem king bilong ol Juda, Nebukanesa em i king bilong ol Babilon i kam wantaim ol ami bilong em na i raunim Jerusalem. ² Long 11-pela yia na 4 mun bilong Zedekia i stap, long namba 9 dei bilong mun, ol i brukim biktaun. ³ Na olgeta ofisa bilong king bilong Babilon ol i kam na sindaun long namel dua, Nebo Sasekim, Samga Nebo na Sasekim em i wanpela bikpela ofisa. Nebo Sasekim em i het ofisa na olgeta narapela em ol ofisa bilong king bilong Babilon. ⁴ Em i kamap long taim Zedekia king bilong ol Juda wantaim olgeta ol man bilong pait i lukim ol, ol i ranawe. Ol i lusim biktaun long nait na i go bihainim rot bilong gaden bilong king insait long dua bilong tupela banis. King yet em i go olsem long rot bilong ol Araba. ⁵ Tasol ol ami bilong ol saveman bilong pait i surukim ol na winim Zedekia insait long ples daun bilong wara Jodan klostu long Jeriko. Na ol i holimpasim em na kisim em i go long Nebudasnesa king bilong Babilon. Long Ribla, long graun bilong Hamat, Nebudasnesa i putim em long kalabus. ⁶ King bilong Babilon i kilim i dai ol pikinini man bilong Zedekia long ai bilong papa bilong em long Ribla. Na em i kilim i dai tu olgeta ol gutpela na strongpela man bilong Juda. ⁷ Na em i rausim ai bilong Zedekia na i pasim bodi bilong em wantaim sen ol i wokim long bras, olsem bai ol i ken kisim em i go long Babilon. ⁸ Na ol saveman bilong pait i kukim haus bilong king wantaim ol manmeri bilong em. Ol i brukim daun banis bilong Jerusalem. ⁹ Nebusaradan, kepten bilong ol wasman bilong king i kalabusim olgeta manmeri husat ol i stap bek long biktaun na ol manmeri husat ol i bin givim ol yet long ol saveman bilong pait tu i kalabus. ¹⁰ Tasol Nebusaradan kepten bilong ol wasman bilong king i givim tok orait long ol tarangu manmeri i nogat samting long i stap bek long graun bilong ol Juda. Long dispela dei yet, em i givim ol gaden wain na ol hap graun long ol. ¹¹ Nebukadnesa king bilong Babilon i salim strongpela tok bilong Jeremaia i kam long Nebusaradan kepten bilong ol wasman bilong king. Em i tok, ¹² ''Kisim em na lukautim em. Noken bagarapim em. Yupela i mas mekim olgeta samting em i tokim yupela long en.'' ¹³ Olsem na Nebusaradan kepten bilong wasman bilong king, Nebusaban, Negal Sarese em i het ofisa na olgeta ol bikpela ofisa bilong king bilong Babilon i salim ol man i go aut. ¹⁴ Ol man bilong ol i kisim Jeremaia long haus bilong ol wasman na putim em long lukaut bilong Gedalia pikinini bilong Aikam em i pikinini bilong Safan, long kisim em i go long haus. Olsem na Jeremaia i stap namel long ol manmeri. ¹⁵ Nau tok bilong God Yawe i kam long Jeremaia taim em i stap long lukaut bilong ol wasman long banis bilong ol na em i tok, ¹⁶ ''Tokim Ibed Melek man bilong Kusat olsem, 'God Yawe i gat strong, em i God bilong Israel i tok olsem. Lukim, klostu taim bai mi bihainim tok bilong mi na bagarapim dispela biktaun long ol hevi na i no bilong kamapim gutpela samting. Olgeta bai i luksave pastaim long yu long dispela dei. ¹⁷ Tasol bai mi kisim bek yu long dispela dei, God Yawe i tok olsem na bai yu i no inap i go long han bilong ol birua we yu save pret long ol. ¹⁸ Na bai mi kisim bek yu. Ol bai i no inap kilim yu long bainat. Yu bai stap laip na ranawe long wanem, yu bin putim olgeta tingting bilong yu long mi, mi God Yawe i tok.'''