¹ Sapos wanpela man i rausim meri bilong em na i go maritim narapela man, bai em i go bek ken long em? Bikpela bagarap bai i no inap i stap long dispela graun o nogat? Yupela i lusim mipela na stap olsem ol pamuk meri husat i gat planti man na bai yu kam bek long mi o nogat? Dispela em i tok bilong God Yawe. ² Apim ai bilong yupela i go long ples nating na lukluk! I gat wanpela ples we yu no save mekim pasin pamuk? Long arere long rot yu sindaun na weit long pren bilong yu olsem ol man bilong Arab i stap long ples nating. Yupela i bagarapim dispela graun wantaim pasin pamuk na pasin doti. ³ Olsem tasol ren i no pundaun na ren bilong kamapim kaikai i no kam, yupela i gat tingting bilong pamuk meri i stap long het bilong yupela na yupela i no laik long kisim sem. ⁴ Yu lus tingting pinis, taim yu save singautim mi olsem, 'Papa bilong mi! mitupela i bin i stap pren wantaim long taim mi yangpela! ⁵ Em bai i no inap long belhat olgeta taim? Bai em inap larim belhat bilong em i stap i go inap long arere? "lukim! Dispela em wanem samting yu i tok long en, tasol yu save mekim olgeta pasin nogut em yu inap long mekim!" ⁶ Nau God Yawe i tokim mi long taim bilong king Josaia, "Yu lukim tu wanem samting ol lain Israel i mekim olsem man i nogat bilip long mi? Ol i go olsem meri i go pinis long olgeta hap mauten na aninit long ol diwai i gat planti lip na long dispela hap em i mekim dispela pasin olsem pamuk meri. ⁷ Mi tok, 'bihain long taim dispela meri i mekim ol dispela kain pasin, em bai i kam bek long mi tasol em i no kam. Orait sista bilong em Juda i olsem meri i nogat bilip bai i lukim dispela samting. ⁸ Na mi lukim dispela, long dispela wankain pasin tasol dispela ol Israel i no gat bilip long mi na mi mekim wankain pasin pamuk na mi raitim pas bilong rausim ol i go. Susa bilong em Juda i nogat bilip na em i no pret long mi taim em i go mekim pasin pamuk. ⁹ Pasin pamuk bilong em i no wanpela samting long em, em i bagarapim dispela graun na em i mekim pasin pamuk wantaim ol ston na ol diwai. ¹⁰ Bihain long susa bilong em Juda i stap olsem meri i nogat bilip i kam bek long mi, em i no kam wantaim gutpela bel, tasol wantaim giaman. Dispela em i tok bilong God Yawe. ¹¹ Na God Yawe i tokim mi, ol lain Israel i lusim bilip na bihainim planti gutpela pasin wankain olsem ol lain Juda i lusim bilip! ¹² Go na tokaut long dispela tok long not. Yupela ol Israel i pundaun pinis long bilip, kam bek long mi. Dispela em tok klia bilong God Yawe mi no inap kros long yu taim mi stap wantaim yu oltaim, em tok bilong God Yawe, Bai mi no inap kros long yu oltaim. ¹³ Yu mas save long wanem pasin yu mekim wantaim God Yawe, God bilong yu. Long wanem yu i bin abrusim tok bilong God Yawe, yu givim olgeta pasin bilong yu long ol narapela lain long aninit long diwai i gat planti lip long en! Yu no harim tok bilong mi! Dispela em tok bilong God Yawe. ¹⁴ Kam bek, ol manmeri bilong lusim bilip! dispela em tok klia bilong God Yawe, mi man bilong yupela! mi bai kisim yupela, wanpela long biktaun na tupela long famili na bai mi kisim yupela i go long Saion! ¹⁵ Bai mi yet givim yu wasman bilong bihainim bel bilong mi na em bai i lukautim yu wantaim save na olgeta gutpela tingting bilong luksave. ¹⁶ Em bai kamap olsem yu na bai kamap planti na karim kaikai long graun long dispela ol dei, dispela em tok bilong God Yawe, ol bai i no inap tok. Em kontrak bokis bilong God Yawe!" dispela toktok bai i no inap kamap long bel bilong ol o ol bai tingim bek, em bai i no inap abrusim ol narapela na bai i no inap kamap ken. ¹⁷ Long dispela taim ol bai i tokaut long Jerusalem, 'dispela em sia king bilong God Yawe na olgeta lain long narapela hap bai i kam bung long Jerusalem long nem bilong God Yawe. Ol bai i no inap wokabaut gen long olpela bel na pasin bilong ol. ¹⁸ Long dispela dei, ol lain famili bilong lain juda bai i wokabaut wantaim ol lain famili bilong lain Israel.Ol bai kam bung long graun i stap long not em dispela graun mi givim long ol lain tumbuna pikinini bilong mi bai kisim long en. ¹⁹ Long mi yet, mi tok, mi bai helpim yu olsem wanem long mekim olsem pikinini bilong mi na givim yu gutpela graun long kisim planti gutpela samting, we em i no stap long narapela kantri! Bai mi inap tok olsem, 'bai yu singautim mi "olsem papa bilong mi".Mi inap tok olsem yu ino inap go bek long bihainim mi. ²⁰ Tasol olsem meri i lusim bilip long man bilong em, yupela oI lain Israel i birua long mi, dispela em tok bilong God Yawe." ²¹ Ol i harim wanpela singaut i kam long ples i daun, ol manmeri bilong Israel i krai na singaut! Ol i senisim pasin bilong ol na lus tingting long God Yawe, God bilong ol. ²² "Kam bek gen",ol manmeri i lusim bilip! Bai mi oraitim yupela long hevi bilong yupela! "harim" mipela bai i kam long yu bilong wanem yu God Yawe,God bilong mipela! ²³ Tru olsem giaman i kam long maunten, em nois bilong paulim tingting i kam long maunten, tru God Yawe em God bilong kisim bek ol lain Israel. ²⁴ Olsem pasin bilong god giaman i kisim wanem samting ol lain tumbuna bilong yumi i bin wok long en, bulmakau bilong ol, sipsip na ol pikinini man na meri! ²⁵ Larim yumi sem na putim het i go daun, larim sem bilong yumi i karamapim yumi bilong wanem yumi sin long ai bilong God Yawe! mipela yet na ol tumbuna pikinini bilong mipela long taim mipela i stap yangpela yet i kam inap nau, mipela i no harim tok bilong God Yawe, God bilong mipela!"