¹ Nau olgeta man namel long ol lain Israel i kam bung na i kamap wanpela lain. Long Dan i go inap long Bieseba, wantaim graun Gileat na ol i bung long ai bilong God Yawe long Mispa. ² Ol hetman bilong ol manmeri insait long olgeta lain bilong Israel i kisim ples bilong ol taim ol bikpela lain bilong God Yawe 400,000, man i save wokabaut long lek na i pait, em i redi pinis long pait long bainat. ³ Nau ol lain bilong Bensamin i harim olsem olgeta lain bilong Israel i bung antap long Mispa na ol Israel i tok, tokim mipela dispela pasin nogut tru i kamap olsem wanem. ⁴ Livai, man bilong dispela meri ol i bin kilim i bekim, ''mi kam long Gibea long graun bilong ol Bensamin, mi na namba tu meri bilong mi, i laik slip hia long dispela nait. ⁵ Long dispela nait, ol hetman bilong Gibea i paitim mi, ol i raunim haus na ol i pasim tok bilong kilim mi. Na tu ol i mekim pasin pamuk waitaim meri bilong mi na bagarapim em i dai. ⁶ Olsem na mi kisim bodi bilong meri bilong mi na mi katim i go liklik liklik tru na mi salim i go wanwan long olgeta hap bilong Israel, long wanem ol i bin kamapim pasin nogut na nem nogut long Israel. ⁷ Nau yupela olgeta Israel, givim gutpela tingting na helpim i kam long hia. ⁸ Olgeta man bilong Israel i bung pinis na i kamap wanpela na ol i tok, ''nogat wanpela man bilong mipela bai i go bek long haus sel na nogat wanpela bilong mipela bai i go bek long haus bilong em! ⁹ Tasol em wanem bai mipela i mekim nau long ol Gibea, mipela bai i go pait long ol olsem God Yawe i stiaim mipela. ¹⁰ Mipela bai i kisim 10-pela man insait long 100 man long olgeta lain bilong Israel na 100 man long ol 1000 man na 1000 man long 10,000 man long kisim tingting bilong ol manmeri, olsem na long taim ol i kam long Gibea long Bensamin, ol i ken karim hevi long pasin nogut ol i bin mekim long Israel.'' ¹¹ Olsem na olgeta ami bilong Israel i bung pinis long pait long dispela biktaun, olgeta i bung na i kamap olsem wanpela lain tasol . ¹² Wanwan lain bilong Israel i salim ol man i go long ol lain bilong Bensamin na i tok. ''Em wanem kain pasin yupela i bin mekim long mipela? ¹³ Olsem, givim mipela ol dispela man nogut bilong Gibea na bai mipela i kilim ol i dai, mipela bai i rausim dispela pasin nogut i stap insait long Israel.'' Tasol Bensamin i no laik harim tok bilong ol brata bilong em, ol lain Israel. ¹⁴ Nau ol man bilong bensamin i lusim Gibea na ol biktaun bilong ol na i kam bung na i redi long pait long ol lain Israel. ¹⁵ Bensamin i lusim ol taun bilong ol pinis na i kam bung na i redi long pait. Ol i kam long ol biktaun bilong ol Namba bilong ol man i save gut long pait long bainat i kamap 26,000. Ol i bungim 700 man ol i makim pinis em ol Gibea. ¹⁶ Namel long ol dispela lain ami ol i bin makim 700 man i save pait long han kais. Wanwan bilong ol i save long sut long katapel na ol i no inap abrus. ¹⁷ Ol i no bin kaunim ol lain bilong bensamin, tasol ol man long Israel ol i bin kaunim i kamap olsem 400,000 man, ol man husait i lainim pinis long pait long bainat. Dispela em ol man husait i save gut long pait. ¹⁸ Ol man bilong Israel i kirap na i go antap long Betel na i askim laik bilong God. Ol i askim, ''Husait bai i go pas long dispela pait bilong yumi long ol Bensamin?'' God Yawe i tokim ol Juda, yu go pas. ¹⁹ Ol lain Israel i kirap long monin taim tru na ol i go wokim kem klostu long Gibea. ²⁰ Ol lain Israel i go bilong pait long ol Bensamin. Ol i go redim ol yet long pait wantaim ol long ples Gibea. ²¹ Ol lain bilong Bensamin i lusim Gibea na i kam na i pait long ol Israel na long dispela de tasol ol i kilim 22,000 man i dai. ²² Tasol ol lain Israel i strongim ol yet na i bung long lain long wankain hap ol i bin kisim ples long namba wan de. ²³ Nau ol lain Israel i go antap na i krai long God Yawe i go inap apinun na ol i askim God na painim tingting bilong God Yawe. ol i tok, ''Inap mipela i go bek na pait long ol brata, ol lain bilong Bensamin?'' God Yawe i tok, ''Pait long ol. ²⁴ Nau ol lain Israel i go pait long ol ami bilong ol Bensamin long de bihain. ²⁵ Namba tu de, ol lain bilong Bensamin i go na pait long Gibea na ol i kilim 18000 man bilong ol lain Israel. em ol lain i skul long pait long bainat. ²⁶ Na ol ami bilong Israel wantaim olgeta lain bilong ol i wokabaut i go long Beten na i krai long God Yawe na long ai bilong God Yawe ol Israel i tambu long kaikai inap apinun na ol i kukim ofa bilong wanbel long God Yawe. ²⁷ Ol lain Israel i askim God Yawe - long bokis kontrak bilong God Yawe i stap long hap long dispela taim. ²⁸ na Pineas Pikinini bilong Eliesa na Pikinini bilong Aron i wok olsem pris long dispela taim. Inap mipela i go pait wanpela taim moa long ol lain bilong Bensamin, ol brata bilong mipela, o bai mipela i lusim?'' God Yawe i tok olsem, tumoro bai mi helpim yupela na yupela bai daunim ol na winim pait. ²⁹ Nau ol Israel i haitim ol man bilong pait i raunim Gileat. ³⁰ Na ol Israel i pait long ol lain bilong Bensamin long namba tri de na ol kamapim ol yet longpela lain bilong pait long ol Gileat olsem ol i bin mekim bipo. ³¹ Ol lain bilong Bensamin i go na i pait wantaim ol lain manmeri na ol i rausim ol i go long we long biktaun. Na ol i stat kilim sampela manmeri. Igat 30 pela man bilong Israel i dai long ples bilong pait na long rot. Wanpela billong ol dispela rot igo antap long Betel na arapela igo olsem long Gibea. ³² Na ol lain bilong Bensamin i tok, "Ol i lus long pait na ol ranawe long mipela, olsem ol i bin ranawe namba wan taim." Tasol ol ami bilong ol Israel i tok, "Yumi go bek na bai yumi rausim ol i go bek long biktaun, long bikpela rot." ³³ Ol lain Israel i kirap na kam aut long ples na ol i sanap long mak long pait long Bal Tamar. Na ol ami bilong Israel husait i bin hait long hait ples i ron kamaut long ples bilong ol long Mare Gibea. ³⁴ Long hap ol i kam aut na pait wantim ol Gibea 10, 000 man ol i bin makim long ol lain Israel na pait i go bikpela, tasol ol lain bilong Bensamen i no save olsem bagarap i kam klostu long ol. ³⁵ God Yawe i daunim ol lain bilong Bensamin long ai bilong ol Israel . Long dispela de ol ami bilong Israel i kilim 25,100 man bilong Bensamen. Ol dispela i dai em ol lain husait i bin save pait long bainat. ³⁶ Nau ol ami bilong Bensamin i save olsem ol i lus long pait. Na ol lain Israel i bin givim graun i go long Bensamin, bilong wanem ol i bin kamautim ol man ol i bin haitim autsait long Gibea. ³⁷ Na ol man husait i bin hait i stap i kirapa harip tasol na ron igo insait long Gibea na ol i kilim olgeta manmeri long bainat. ³⁸ Ol i bin pasim ol sain namel long ol yet, long ol man i hait olsem bikpela klaut bilong smuk i ken i go antap long biktaun. ³⁹ Long dispela taim sain i kamap namel long ami bilong ol Israel ol i ken tanim kam bek long pait. Nau Bensamin i kirapim pait na ol i kilim olsem 30 man bilong Israel na ol i tok, em i klia olsem ol i lus long mipela, olsem insait long namba wan pait. ⁴⁰ Tasol taim bikpela smuk i stat long lusim taun na i go antap long biktaun ol lain bilong Bensamin i tanim na lukim smuk i go long antap long olgeta hap bilong biktaun. ⁴¹ Nau ol manmeri bilong Israe i pait bek long ol na ol lain bilong Bensamin i poret long wanem ol i lukim bagarap i kam long ol. ⁴² Tasol ol i ranawe na i lusim ol Israel na i go long ples nating tasol pait i kisim ol. Na ami i kam long olgeta biktaun na kilim olgeta long wanem hap ol i sanap long en. ⁴³ Ol i raunim ol lain bilong Bensamin na ronim ol i go daun long ples Noha i go inap long ples san kamap long ples Gibea. ⁴⁴ Long lain Bensamin, 18000 man i dai, olgeta bilong husait i bin bagarap long pait. ⁴⁵ Ol i tanim na lusim dispela hap na ranawe i go long ples naitng bilong ston bilong Rimon. Ol Israel i kilim 5000 man i bihainim bikrot. Ol i bihainim ol yet klostu tru long rot i go long Gidom, long hap ol i kilim 2000 man na planti moa. ⁴⁶ Ol ami bilong Bensamin husait i dai long dispela de i kamap olsem 25,000, husait lain i pait long bainat, olgeta bilong ol i dai long pait. ⁴⁷ Tasol 600 man i tanim na ronawe i go long ples nating, i go olsem long ston Rimon. Long 4 pela mun ol stap long dispela hap long ston Rimon. ⁴⁸ Tasol ol ami bilong Israel i givim baksait long ol Benjamin na kilim ol wantaim bainat na biktaun, wantaim ol animol olgeta samting ol painim. Na tu ol i kukim olegta taun long ai bilong ol.