¹ "Kam, yumi go bek long God Yawe. Em i bin brukim yumi i go liklik tasol em bai oraitim yumi, em i bin bagarapim yumi tasol em bai pasim ol sua bilong yumi wantaim ol hap laplap. ² Bihain long tupela de em bai kisim bek yumi, em bai i kirapim yumi long namba tri de na yumi bai i stap wantaim em. ³ Kam na yumi ken save long God Yawe, larim yumi mas strong long save long God Yawe. Kam bilong em i olsem san i kam antap long moning taim, em bai kam long mipela olsem liklik ren bilong moning taim na olsem liklik ren bilong mekim kaikai i kamap i save givim wara long graun." ⁴ Efraim, bai mi mekim wanem wantaim yu? Juda, bai mi mekim wanem wantaim yu? Pasin bilong bilip bilong yupela i olsem klaut bilong moning taim, kain olsem ol liklik wara i stap antap long ol gras long moning taim i save go pinis taim san i kam antap long en. ⁵ Olsem na mi bin katim ol i go liklik wantaim ol profet, mi bin kilim ol wantaim bainat long maus bilong mi. Ol toktok bilong yupela i olsem lait i save lait i kam aut. ⁶ Mi laikim pasin bilong bilip tru na i no pasin bilong mekim ofa, save bilong God Yawe i antap moa long pasin bilong mekim ofa. ⁷ Wankain olsem Adam ol i brukim kontrak bilong mi, ol i no bihainim tok bilong mi. ⁸ Gileat em i biktaun bilong ol man i save mekim pasin nogut wantaim lek mak bilong ol i pulap wantaim blut. ⁹ Olsem ol stilman i wetim ol sampela lain, ol pris i stap wantaim long kamapim dai long rot i go long Sekem na long dispela ol i kamapim bikpela sem pasin tru. ¹⁰ Insait long ol lain bilong Israel mi bin lukim ol samting nogut tru. Ol pamuk pasin bilong Efraim i stap long hia na ol manmeri bilong Israel i kamap doti. ¹¹ Na long yu ol lain Juda tu, taim bilong kamautim kaikai em ol i makim pinis, long taim mi bai kamapim gen ol gutpela samting long ol manmeri bilong mi.