¹ Moses i go antap long bikples bilong Moap long maunten Nebo, antap long Piska, em baksait bilong Jeriko. God Yawe bin soim em olgeta graun bilong Gilet i go moa long hap bilong Dan ² na ol Naptali na graun bilong Efreim na Manase na olgeta graun bilong Juda, long bikpela solwara long hap san i go daun ³ na Negev na bikpela ples bilong stretpela ples daun bilong Jeriko, biktaun bilong Pam na i go moa long Soa. ⁴ God Yawe i tokim em olsem, "Dispela graun em mi bin tok promis wantaim Abraham, Aisak na long Jekop na i tokim ol, "Mi bai givim ol tumbuna lain bilong yupela. Mi larim yupela long lukim long ai bilong yupela, tasol yu no inap go insait long en." ⁵ Moses wokman bilong God Yawe, em i dai long graun bilong ol Moap, olsem God Yawe i bin tok promis long em. ⁶ God Yawe i bin planim em long stretpela ples daun bilong Moap long baksait bilong Bet Peo, nau long dispela taim tu nogat man i save long matmat bilong em. ⁷ Moses i bin stap 120- yia na em i bin dai, ai bilong em i no bin kamap lapun na olgeta strong bilong em tu i no bin slek. ⁸ Ol manmeri bilong Israel i krai long Moses long graun nating bilong Moap long 30-dei, orait taim bilong sori na wari long Moses i pinis. ⁹ Josua pikinini bilong Nun i pulap wantaim save bilong holi spirit, Moses i bin putim han antap long em. Ol manmeri bilong Israel i bin harim long em wanem God Yawe i tokim Moses long mekim. ¹⁰ Nogat profet i kamap long Israel i wankain olsem Moses, long em tasol God Yawe i soim pes long em. ¹¹ Nogat wanpela profet i olsem em i stap na mekim ol sain na mirakel long salim em i go long mekim long graun bilong ol Isip, Fero na ol wokman bilong em na wantaim olgeta hap graun bilong em. ¹² Nogat wanpela profet i wankain olsem em na Moses i mekim ol bikpela samting na i pret long ol Israel.