¹ Taim yupela i wokabaut i go long pait wantaim ol birua bilong yupela, na lukim ol hos, karis, na ol manmeri planti moa long namba bilong yupela, yupela mas noken pret long ol, long wanem, God Yawe istap wantaim yupela, em tasol husait i bin kisim yupela i kam aut long ples Isip. ² Taim yupela redi long i go pait, pris i mas i kam long ol manmeri na toktok long ol. ³ Em i mas tokim ol olsem, 'Israel, harim, yupela bai go pait wantaim ol birua bilong yupela. Noken larim bel bilong yupela i hevi. Noken pret o guria. Noken pret long ol. ⁴ Long wanem God Yawe, God bilong yupela bai i go wantaim yupela na helpim yupela long pait wantaim ol birua bilong yupela na kisim bek yupela.' ⁵ Ol ofisa i mas toktok long ol manmeri na tok olsem, 'Husait man i bin wokim nupela haus na i no givim go long God? Larim em i go bek long haus bilong em, na em bai no inap i dai insait long pait na narapela man i givim haus i go long God. ⁶ Wankain tasol sapos i gat sampela man husait i bin planim gaden wain na i no amamas long prut bilong en? Larim em i go bek long ples, na em bai i no inap i dai insait long pait na narapela man bai amamas long prut wain bilong em. ⁷ Wanem man ol i makim em long maritim wanpela meri, tasol em i no marit yet? Larim em i go bek long ples, na em bai i no inap i dai insait long pait na narapela man bai maritim meri bilong em.' ⁸ Ol ofisa i mas toktok moa yet long ol manmeri na tokim ol olsem, 'Wanem man husait i stap namel long yumi, bel bilong em i surik na pret tumas? Larim em i go bek long haus bilong em, olsem na bel bilong brata bilong em bai no inap surik na pret olsem em.' ⁹ Taim ol ofisa i toktok pinis long ol manmeri, ol i mas makim ol lida man long lukautim ol. ¹⁰ Taim yupela wokabaut i go antap long pait long wanpela biktaun, mekim ofa bilong bel isi i go long ol dispela lain manmeri. ¹¹ Sapos ol i wanbel na kisim dispela ofa na opim geit long yu, olgeta manmeri husait yupela i painim insait long hap i mas kamap wokboi bilong yupela na mekim wok bilong yupela. ¹² Tasol sapos ol i no mekim ofa bilong wanbel long yupela, tasol ol kamapim pait wantaim yupela, orait yupela i mas sanap strong, ¹³ na taim God Yawe i helpim yupela i winim dispela pait, na putim ol aninit long lukaut bilong yupela, na kilim olgeta man insait long dispela taun. ¹⁴ Tasol ol meri, ol kau na ol liklik pikinini na olgeta samting insait long dispela biktaun na samting i bagarap long en, yupela bai kisim na yusim olsem samting bilong yupela yet. ¹⁵ Yupela i mas soim wankain long olgeta biktaun i stap longwe, ol biktaun i no bilong ol biktaun long ol dispela kauntri. ¹⁶ Long ol biktaun bilong ol dispela manmeri we God Yawe bai givim long yupela, yupela i noken larim wanpela bilong ol samting we i stap laip na pulim win bai i stap laip. ¹⁷ Tasol, yupela i mas bagarapim na pinisim olgeta yet, ol Hit, Amo, Kenan, Peres, Hivi na ol Jebus, olsem God Yawe i tokim yupela long en. ¹⁸ Mekim dispela na bai ol no inap long skulim yupela long ol pasin nogut bilong ol, we ol i bin mekim wantaim ol god giaman bilong ol. Sapos yupela mekim olsem, bai yupela i mekim sin long ai bilong God Yawe, God bilong yupela. ¹⁹ Taim yupela i banisim biktaun longpela taim olsem yupela i karim pait i go long holim pas em, yupela mas noken bagarapim ol diwai bilong en wantaim ol tamiok yupela i holim long han. Long wanem, bai yupela i kaikai long en, olsem na noken katim.Dispela diwai i stap long gaden em man na yu laik katim? ²⁰ Ol dispela diwai we yu save olsem prut bilong ol i no bilong kaikai, yu ken bagarapim na katim, long mekim strongpela banis long stap na pait wantaim biktaun we em i kam long pait wantaim yu, i go inap taim em i pundaun.