¹ Yupela manmeri bilong God Yawe. Noken katim yupela yet o noken katim ol gras long pes bilong yupela long ol daiman. ² Long wanem, yupela em ol lain manmeri God Yawe yet i makim bilong em na yupela kisim ol samting i winim ol arapela manmeri antap long dispela graun. ³ Yupela i noken kaikai ol samting i doti long ai bilong God Yawe. ⁴ Dispela em ol abus yupela i ken kaikai. Ol abus olsem bikpela bulmakau, ol sipsip na meme, ⁵ ol bikpela dia, yangpela dia, gasel, em abus i wankain olsem dia, wel meme, ibeks, em abus i wankain olsem meme, entelop, em abus i wankain olsem dia na ol sipsip bilong maunten. ⁶ Yupela i ken kaikai abus i nogat lek pinga i bruk tupela hap na save daunim kaikai, rausim na bihain kaikai gen. ⁷ Tasol yupela i noken kaikai sampela abus i save daunim kaikai i go long bel na bihain trautim gen na kaikai gen i gat lek pinga i bruk tupela hap na ol kamel, ol rebit na wel abus i gat ol bikpela pinga na save raun antap long ston ples. Ol tu i save daunim kaikai na bihain rausim na kaikai namba tu taim na ol i no gat pinga i bruk tupela hap tasol ol i doti long kaikai. ⁸ Ol pik em i doti long wanem ol i gat lek pinga tasol ol i no save daunim kaikai namba tu taim na noken kaikai mit bilong pik long wanem ol i doti na noken holim skin bilong ol tu. ⁹ Long ol samting bilong wara yupela mas kaikai long wanem ol i gat nil na skel, ¹⁰ tasol wanem samting i no gat nil na grile em yupela i noken kaikai long wanem ol i doti. ¹¹ Olgeta gutpela pisin em yupela i mas kaikai. ¹² Tasol ol pisin olsem tarangau, pisin vulsa na longpela muruk em yupela i noken kaikai, ¹³ na ol retpela na blakpela pisin i bikpela moa long tarangau na ol kainkain pisin. ¹⁴ Yupela i noken kaikai ol kainkain kotkot, ¹⁵ wantaim ol sotpela muruk na ol tarangau bilong nait, ol pisin gal bilong solwara na ol arapela kain tarangau, ¹⁶ ol liklik, bikpela na waitpela pisin bilong nait, ¹⁷ na ol kain blakpela pato, pisin valsa i save kaikai ol dai samting na longpela nek pisin komoren bilong solwara. ¹⁸ Yupela i noken kaikai ol pisin klostu i wankain olsem pato, em pisin stok, pisin heron na pisin hupoi i gat longpela nus i kam daun tru na olgeta kain blak bokis. ¹⁹ Olgeta pisin i gat wing na save raun long bikpela grup em ol i doti, olsem na yupela i noken kaikai. ²⁰ Yupela i ken kaikai olgeta klinpela samting i save flai antap. ²¹ Yupela i noken kaikai ol samting ol yet i dai, tasol yupela i ken givim long ol narapela lain i stap wantaim yupela na ol i ken kaikai o yupela i ken salim long ol narapela lain. Long wanem yupela ol lain manmeri bilong God Yawe, God bilong yupela. Na yupela i noken kukim yangpela meme insait long susu bilong mama bilong en. ²² Yupela mas save long kamap bilong ol pikinini kaikai we i save bruk long graun olgeta yia. Yupela oltaim i mas givim 10-pela hap bilong kaikai bilong yupela long ol gaden bilong yupela long wanwan yia. ²³ Yupela mas kaikai long ples em God Yawe i stap, em long ples em bai makim olsem ples tambu. Ol 10-pela hap bilong kaikai bilong kon, ol nupela wain, wel na namba wan pikinini bilong lain sipsip na abus em yupela i mas lainim long givim long God Yawe em God bilong yupela. ²⁴ Sapos rot em i longpela long yu na yu i no inap karim i go long wanem ples God Yawe, God bilong yu bai makim olsem ples tambu em longwe long yu , orait, taim God Yawe,God bilong yu i blesim yu, ²⁵ yupela bai mekim mani long dispela ofa bilong yupela, pasim gut long han bilong yupela na go long ples em God Yawe, God bilong yu i makim. ²⁶ Long hap bai yupela i yusim mani long wanem samting yupela i laikim, em long baim bulmakau, sipsip wain o strongpela dring o wanem ol narapela samting yupela i laikim tru. Orait bai yupela i kaikai long ples em God i stap long en na yupela wantaim ol lain famili bilong yupela bai i pulap long amamas. ²⁷ Sapos wanpela Livai husait i stap insait long banis bilong yupela, yupela i noken givim baksait long em, long wanem em i nogat wanpela liklik skel o hap bilong em i stap insait long ol samting em i bilong yupela. ²⁸ Long pinis bilong olgeta tripela yia bai yupela i givim 10-hap bilong ol kaikai bilong yupela long wankain taim na bai yupela i putim insait long ol banis bilong yupela, ²⁹ na dispela Livai, husait i no gat graun o hap bilong i stap o samting bilong kisim olsem bilong em yet, wantaim ol lain bilong narapela hap na ol pikinini papa bilong ol i dai na ol meri, man bilong ol i dai husait i stap insait long banis bilong yupela bai i ken kam kaikai wantaim yupela na pilim gut. Yupela i mekim olsem bai God Yawe i blesim olgeta wok bilong yupela na wanem han bilong yupela i mekim.