¹ King Belsasa i mekim bikpela kaikai bilong ol 1000 hetman na ol i kaikai na dring wain long pes bilong olgeta dispela tausen man. ² Taim Belsasa i dring liklik wain na em i givim wok long ol i mas kisim ol kontena ol i mekim long gol na silva olsem we Nebukatnesa papa bilong em i bin kisim long haus lotu long Jerusalem, we em yet na ol hetman na ol meri bilong em wantaim ol namba tu meri bilong em ol i ken dring long dispela kontena. ³ Ol wokman i kisim gol kontena ol i bin rausim long haus lotu, haus bilong God Yawe long Jerusalem. King na ol hetman bilong em na ol meri bilong em wantaim ol namba tu meri i dring long ol dispela kap. ⁴ Ol i dring wain na litimapim nem bilong god giaman bilong ol, we ol i mekim long gol, silva, bronse, ain diwai na ston. ⁵ Long dispela taim stret pinga bilong man i kamap long stik lam na i raitim long siment wol long haus bilong king na em i lukim hap han bilong dispela man taim em i rait. ⁶ Orait na pes bilong king i senis na tingting bilong em i pretim na lek bilong em i no inap long helpim em, tupela ni bilong em i guria. ⁷ King i singaut na tokim ol long kisim ol lain husait i save toktok wantaim ol dai man, man i gat gutpela tingting na glas man. King i toktok long husait man i gat gutpela tingting insait long Babilon, "Husait ol manmeri i tokaut long dispela raiting long mi, bai mi karamapim ol wantaim pepolpela klos na bai ol i gat gol sain raunim nek bilong ol. Em bai i gat strong long kamap namba tri bosman bilong lukautim kingdom." ⁸ Na olgeta glas man bilong king i gat gutpela tingting i kam, tasol ol i no inap ritim na tokaut long as bilong dispela tok long king. ⁹ Orait na king Belsasa i pret nogut tru na pes bilong em i senis. Ol hetman bilong kingi tingting planti long dispela raiting. ¹⁰ Nau kwin i kam insait long haus kaikai long wanem king na ol hetman i tok. Na kwin i tok, " King yu stap oltaim oltaim, Yu no ken larim tingting bilong yu i givim hevi long yu. Yu no ken larim pes bilong yu i senis. ¹¹ I gat wanpela man i save stap long kingdom bilong yu, husait i gat spirit bilong holi god. Long ol dei bilong papa bilong yu, lait na save, gutpela tingting i olsem gutpela tingting bilong god ol i painim long em. King Nebukatnesa, papa bilong yu i mekim em i kamap bosman bilong mekim mejik, wankain olsem bikman bilong ol husait i save toktok long ol dai man na ol man i gat gutpela tingting na ol klasman i save tok long samting bai kamap bihain.. ¹² Ol gutpela spirit, save na gutpela tingting long tokaut long driman bilong yu, tokaut long ol tok bokis bilong yu na stretim ol hevi, dispela ol gutpela pasin ol i painim long dispela man Daniel na king i kolim nem bilong em Belsasa. Nau singautim Daneil i kam na em bai tokim yu as bilong wanem tok han i raitim ." ¹³ Orait ol i kisim Daniel i go long king. Na king i tokim em, "Yu tasol yu Daniel, wanpela bilong ol dispela manmeri ol i kam aut long Juda, papa bilong mi king i kisim yu i kam aut long Juda. ¹⁴ Mi bin harim olsem, spirit bilong god i stap insait long yu na dispela lait na gutpela tingting na gutpela save tru ol i painim long yu. ¹⁵ Nau olgeta man i gat gutpela tingting na ol husait i tok olsem ol i save toktok wantaim dai man ol i bin kisim ol i kam long mi, long ritim dispela tok na mekim mi inap save, tasol ol i no inap mekim mi i save. ¹⁶ Mi harim olsem yu ken tokaut long tok hait bilong dispela tok na stretim hevi. Sapos nau yu ken ritim wanem ol i raitim na tokim mi as bilong dispela raiting, bai yu werim pepol klos na i gat gol sain ol bai putim long nek bilong yu na bai yu i gat pawa long kamap namba tri bikman long lukautim dispela kingdom." ¹⁷ Orait Daniel i bekim tok bilong king, "Larim dispela presen i stap long yu yet na givim ol dispela presen bilong yu i go long narapela man. Tasol mi bai ritim dispela tok long yu na bai mi tokim yu as bilong em. ¹⁸ Olsem na long yu king, Bikpela God antap tru i givim Nebukatnesa, papa bilong yu dispela kingdom, gutpela, biknem na bikpela man. ¹⁹ Long wanem bikpela save God i givim em, olgeta manmeri,kantri na tokples i save guria na pretim em. Em i kilim husait em i laikim long dai na em i lukautim ol lain husait em laikim long istap laip. Em i kirapim husait em i laikim na em i daunim husait em i tingim. ²⁰ Tasol bel bilong em i no pilim amamas na tingting bilong em i strong na em i mekim kainkain samting nogut i no stret, ol i kisim em i go daun long sia king bilong em na em i rausim biknem bilong em. ²¹ Gutpela tingting bilong man i ranawe long em na em i gat tingting bilong ol animol na em i stap wantaim ol wel donki. Em i kaikai gras olsem bulmakau. Bodi bilong em i wet long liklik rain i kamdaun long heven inap em i lainim olsem Bikpela God antap tru i lukautim olgeta kingdom bilong olgeta manmeri na em i stap antap long olgeta lain em i tingting long en. ²² Yu pikinini man bilong em, Belsasar, yu save long ol dispela samting tasol yu i no daunim bel bilong yu yet. ²³ Yu bin apim yu yet i go antap na birua long Bikpela long heven. Long haus bilong em ol i kisim kontena i kam long yu na ol hetman wantaim ol meri bilong yu na ol namba tu meri bilong yu i dring wain long ol dispela kontena na litimapim nem bilong ol god giaman ol i wokim long silva, gol, brons, ain, diwai na ston dispela god giaman i no inap lukim, harim na save long olgeta samting. Yu no givim biknem i go long God husait i save holim win bilong yu insait long han bilong em na em i save long olgeta laip bilong yu. ²⁴ Orait na God i salim wanpela han i kam long ai bilong em na i raitim dispela toktok. ²⁵ Dispela em i tok han i raitim, 'Mene, Mene, Tekel na fasin.' ²⁶ As bilong Mene em, ' God i kaunim namba bilong kingdom bilong yu na kisim i kam long arere.' ²⁷ 'Tekel,' ' skel i skelim yu na painim aut olsem yu bai stap sotpela taim.' ²⁸ 'Peres,' ' kingdom bilong yu ol bai brukim na givim long ol Media na Persea.' ²⁹ Orait Belsasa i tokim ol long ol na ol i werim Daniel wantaim pepol klos. Na ol i putim sen gol long nek bilong em na king i tokaut olsem em i gat pawa na em i namba tri bikman bilong dispela kauntri. ³⁰ Long dispela nait Belsasa, king bilong Babilon, ol i kilim em, ³¹ na Darius king bilong Media i kisim dispela kingdom, taim em i stap olsem 62-pela krismas.