¹ Dispela ol samting i bin kamap long Israel, olsem Amos wanpela wasman bilong sipsip long Tekoa i kisim tokhaitlong God Yawe. Em i kisim ol dispela tokhait taim Usia i stap king bilong Juda na long taim Jeroboa pikinin man bilong Joas i stap king bilong Israel, bihain long tupela yia, graun i guria. ² Em i tok, "God Yawe bai singaut long Sion na em bai apim nek bilong em i go long Jerusalem. Ol gutpela gras ol wasman i save kisim sipsip i go long kaikai bai i drai na antap long Karmel bai i nogat gutpela kala." ³ Dispela em i wanem God Yawe i tok, "Long tripela ol sin bilong Damaskas na tu long forpela, mi no inap rausim pen nogut bilong ol, bilong wanem ol i rausim Gilat wantaim ain samting. ⁴ Mi bai salim paia i go long femili bilong Hasel na paia bai bagarapim ol strongpela kemp bilong king Ben Hadad, pikinini man bilong king Hasel. ⁵ Mi bai bagarapim bikpela ain dua bilong Damakus na bagarpim man husat i bosim ples daun bilong Aven na lukautim dispela ples Bet Eden. Ol manmeri bilong Aram bai stap kalabus long Kir."God Yawe i tok. ⁶ Dispela em i wanem God Yawe i tok, "Long tripela sin bilong ol Gasa, mi no inap rausim pen nogut long ol, long wanem ol i karim olgeta kalabus manmeri long givim i go long ol Edom. ⁷ Mi bai salim paia long banis bilong ol lain Gasa na mi bai bagarapim olgeta strongpela hap bilong pait. ⁸ Mi bai bagarapim king bilong biktaun Asdod na bosim dispela biktaun Askelon. Mi bai bagarapim biktaun Ekron na olgeta lain Filistia mi bai kilim ol i dai. "God Yawe i tok. ⁹ Dispela em wamen God Yawe i tok, "Long tripela na tu 4-pela sin bilong ol Taia, mi no inap rausim pen nogut long ol, long wanem ol i kisim olgeta manmeri i go long Edom na ol i brukim ol kontrak bilong mekim gut long ol lain brata. ¹⁰ Mi bai salim paia i kam long banis bilong biktaun Taia na bagarapim ol strongpela banis bilong ol." ¹¹ Dispela em wanem God Yawe i tok, "Long 3-pela sin bilong ol Edom, na tu long 4 -pela , mi i no inap rausim pen nogut bilong ol, long wanem ol i ranim ol brata bilong ol wantaim bainat na nogat bel sori bilong ol. Em i belhat long ol na belhat bilong em bai stap oltaim. ¹² Mi bai salim paia i kam long biktaun Teman na em bai bagarapim bikpela ples long biktaun Bosra." ¹³ Dispela em wanem God Yawe i tok, "Long 3-pela sin bilong ol lain Amon na tu long 4-pela. Mi bai i no inap rausim pen nogut long ol. Long wanem ol i kilim ol meri i gat bel na katim bel bilong ol long Gilat na surukim boda i go bikpela. ¹⁴ Mi bai putim paia long banis bilong biktaun Rabba na ol birua bilong ol bai bagarapim bikpela taun bilong ol, wantaim bikpela singaut long taim bilong pait. Dispela pait bai kam olsem strongpela win na bikpela ren i pundaun. ¹⁵ King wantaim ol lidas bilong em, ol bai i go stap kalabus."God Yawe i tok.