¹ Orait ol manmeri bilong dispela ples i kisim Jeoas pikinini man bilong Josaia na mekim em i kamap king bilong Jerusalem long kisim ples bilong papa bilong em. ² Jeoas em i winim 23-yia, olgeta taim em i kamap lida na em i bosim Jerusalem inap long tripela mun. ³ King bilong Isip i rausim em long Jerusalem na ol i baim dispela hap graun long 100-kilo silva na 100 kilo gol. ⁴ King bilong Isip i mekim Eliakim brata bilong Jeoas i kamap king bilong Juda na Jerusalem (na senisim nem Eliakim i go long Jeoas). Orait Neko i kisim Jeoas brata bilong Eliakim i go long Isip. ⁵ Jeoiakim i winim 25 yia, taim em i kamap lida na em i bosim Jerusalem inap long 11-pela yia. Em i mekim ol pasin nogut long ai bilong God Yawe long God bilong em. ⁶ Orait Nebukadnesa king bilong Babilon i go pait wantaim em na kalabusim em long ol sen na kisim em i go long Babilon. ⁷ Nebukadnesa i karim sampela ol samting i stap insait long haus bilong God Yawe tu i go long Babilon na putim insait long haus king bilong Babilon. ⁸ Ol arapela pasin Jeoiakim i mekim na ol pasin nogut em i bin mekim ol i raitim i go daun long stori buk bilong ol king bilong Juda na Israel. Orait pikinini bilong em Jeoasin i kisim ples bilong em. ⁹ Jeoasin i winim 8-pela yia taim em i kamap king bilong Jerusalem na em i bosim ol inap long tripela mun na 10-pela dei. Em i mekim ol pasin i no stret long ai bilong God Yawe. ¹⁰ Long taim niupela kaikai i laik kamap, Nebukadnesa i salim ol man i go kisim em i kam long Babilon wantaim ol gutpela samting long haus bilong God Yawe na mekim Sedekaia brata bilong em i kamap king bilong Juda na Jerusalem. ¹¹ Sedekaia em i winim 21 yia taim em i kamap king na em i bosim Jerusalem inap long 11-pela yia. ¹² Em i mekim ol pasin nogut long ai bilong God Yawe. God bilong em na em i no daunim em yet long harim tok bilong God i kam long maus bilong profet Jeremaia. ¹³ Sedekaia i kirap na pait wantaim Nebukadnesa, husait i bin mekim em long tok promis long God olsem em bai i harim tok bilong em. Tasol Sedekaia i no laik tru long tanim nek na givim bel bilong em long God Yawe, God bilong Israel. ¹⁴ Wantaim olgeta hetman bilong pris na ol manmeri i no mekim stretpela pasin, ol i bihainim ol pasin nogut bilong graun. Ol i bagarapim haus bilong God Yawe long Jerusalem wantaim ol ofa em i bikpela tumas. ¹⁵ God Yawe, God bilong ol lain tumbuna bilong ol i salim tok long wokman bilong em i go, long wanem em i gat sori long ol manmeri bilong em na dispela ples em i stap long en. ¹⁶ Tasol ol i tok pilai long wokman bilong God na ol i no harim tok bilong ol profet bilong em. Orait belhat bilong God Yawe i kamap long ol manmeri bilong em na i nogat wanpela samting inap long pasim belhat bilong God. ¹⁷ Olsem na God i larim king bilong Kaldien i kilim ol yangpela man wantaim bainat insait long haus bilong God. Em i no marimari long ol yangpela man na yangpela meri wantaim ol wait-gras man, God i larim em i bagarapim ol. ¹⁸ Taim olgeta hap wok long haus bilong God Yawe i pinis, orait ol bikpela na liklik wantaim ol gutpela samting insait long haus bilong God Yawe. Ol i kisim ol gutpela samting long haus bilong king na ol ofisa bilong em na karim i go long Babilon. ¹⁹ Ol i kukim haus bilong God na brukim banis bilong Jerusalem na ol i kukim olgeta haus bilong ol king na ol i bagarapim ol naispela ol samting i stap insait lo en. ²⁰ King i kisim ol i go long Babilon husait ol i bin ranawe long pait. Ol i kam kamap olsem wokboi bilong em wantaim ol pikinini man bilong em inap long taim kingdom bilong Pesia i bosim ples. ²¹ Dispela i kamap long inapim tok bilong God Yawe i kamap long maus bilong profet Jeremaia long graun bai i amamas na malolo long dei Sabat. Em i lotu long dei bilong God inap long em abrusim 7 yia. ²² Long namba wan yia bilong Sairus king bilong Pesia orait tok bilong God Yawe bai kam aut long maus bilong profet Jeremaia. God Yawe i kirapim spirit bilong Sairus, king bilong Pesia i rait na tokaut long olgeta hap bilong kingdom bilong em. Na i tok, ²³ Sairus king bilong Pesia i tok, God Yawe. God bilong heven i givim mi olgeta kingdom bilong graun. Em i tok strong long mi long mekim haus bilong em long Jerusalem long ples Juda. Husait i stap namel long yu wantaim olgeta lain manmeri bilong em na larim God Yawe i ken i stap wantaim yupela long dispela graun.