¹ Spirit bilong God i kam antap long Asaria, pikinini man bilong Obet. ² Em i go long bungim Asa na tokim em olsem,'' Harim mi, Asa, wantaim olgeta lain Juda na Benjamin, God Yaweh i stap wantaim yupela, taim yupela i stap wantaim em. Sapos yupela painim em, em bai painim yupela, tasol sapos yupela i givim baksait long em, em bai i lusim yupela. ³ Nau long longpela taim, ol Israel i no stap wantaim trupela God, i no stap wantaim wokman bilong God na ol i no bihainim lo. ⁴ Tasol taim ol i stap long hevi, ol i tanim i go long God Yawe, God bilong Israel na painim em, taim em i bin painim ol pinis. ⁵ Long dispela taim i no gat bel isi, long husait man i go longwe hap, wankain long husait i kam, tasol bikpela hevi i stap long olgeta lain i stap long graun. ⁶ Ol i bruk na stap wanwan, kantri i bin pait bilong daunim ol arapela kantri na ol taun i bin pait bilong daunim ol arapela taun, God i putim bikpela hevi namel long ol. ⁷ Tasol yu mas i stap strong na noken larim han bilong yu i nogat strong, wanem wok yu mekim bai gat pe bilong en.'' ⁸ Taim Asap i harim dispela tok profet i kam long God, long Obet profet bilong God, em i kisim strong na rausim ol bagarap samting i stap long graun bilong ol lain Juda na Benjamin na ol kantri em i bin kisim long maunten sait bilong Ifraim na em i mekim gen haus lotu bilong God Yawe i bin i stap long paslain long haus bilong God Yawe. ⁹ Em i bungim ol lain Juda na Benjamin na husait ol i stap wantaim ol- ol manmeri bilong Efraim, Manase na Simion. Ol i kam long Israel long em wantaim bikpela lain namba, taim ol i lukim olsem God Yawe, God bilong em i stap wantaim em. ¹⁰ Olsem na ol i bung wantaim long Jerusalem long tripela mun, long 15 yia taim Asa i bin bosim. ¹¹ Ol i givim ofa i go long God Yaweh, long dispela de long wanem samting ol i kisim wantaim kam, 700 bulmakau na 7 000 sipsip na meme. ¹² Wantaim olgeta bel bilong ol na wantaim olgeta tingting bilong ol, ol i go long God Yawe long mekim tok promise, long wanem God Yawe em i God bilong ol lain tumbuna bilong ol. ¹³ Ol i pasim wanpela tingting olsem husait i les long painim God Yawe, God bilong ol lain Israel, em bai i dai tasol, wanem kain sais bikpela o liklik, wanem man o meri. ¹⁴ Ol i mekim tok promis i go long God Yawe wantaim bikpela nois wantaim singaut long bel bilong ol, wantaim ol biugel na ol hon . ¹⁵ Ol Juda i amamas wantaim gutpela bel na ol i singaut long God wantaim bel amamas na God Yawe i givim ol bel isi long olgeta. ¹⁶ Em i rausim Maka, tumbuna mama bilong em long stap olsem kwin, long wanem em i mekim wanpela piksa bilong god meri Asera. Asa i katim i go daun dispela piksa na tromoi i go daun long graun na kukim long wara Kidron. ¹⁷ Tasol bikpela ples ol i no bin rausim long Israel. Olsem na Asa i givim bel bilong em long God na i bihainim em long olgeta dei. ¹⁸ Em i kisim silva na gol na ol samting bilong God go insait long haus lotu bilong God, em na papa bilong em i givim long dispela wok. ¹⁹ I nogat pait i kamap inap long 35 yia taim Asa i bin bosim.