¹ Nau ol Pilistain i bin holim pas bokis kontrak bilong God na karim em bilong Ebenesa i go long Asdot. ² Ol Pilistain i karim bokis kontrak bilong God na kisim i go insait long haus bilong Dagon na putim long sait bilong em. ³ Long narapela dei long moning tru taim ol lain manmeri bilong Asdod i kirap na lukim olsem Dagon i pundaun na i slip putim pes i go long bokis kontrak bilong God Yawe ol i apim Dagon na putim em gen long ples bilong em. ⁴ Tasol taim narapela dei long moning tru ol i kirap na lukim, Dagon i pundaun na slip putim pes i go long bokis kontrak bilong God Yawe. Het na ol han bilong Dagon i bruk liklik na lus nambaut long dua bilong i go insait. Bikpela hap bodi bilong Dagon i no bin bruk na i stap yet. ⁵ Long dispela as na nau tu ol pris bilong Dagon na ol narapela manmeri husait i laik i go insait long haus bilong Dagon i no save putim lek long dua i go insait long hause bilong Dagon long ples Asdod. ⁶ God i mekim save long ol manmeri bilong Asdod. Em i bagarapim ol Astod na ol lain i stap klostu wantaim ol long pein nogut long bikpela buk. ⁷ Taim ol manmeri bilong Asdod i luksave olsem wanem samting i bin kamap na ol i tok. Bokis kontrak bilong God bilong Israel i noken i stap wantaim yumi, bilong wanem God bilong Israel i bagarapim mipela na Dagon tu, god bilong mipela. ⁸ Olsem na ol i salim toksave long olgeta lida bilong Pilistain i kam bung na i tokim ol olsem, Bai yumi mekim wanem long kontrak bokis bliong God bilong ol Israel? Na ol i bekim na tok, Larim yumi karim bokis kontrak bilong God bilong ol lain Israel na raunim i go olsem long ples Gat. Olsem na ol i karim bokis kontrak bilong God bilong Israel i go. ⁹ Tasol taim ol i karim i go long Gat, God Yawe i bin mekim save long olgeta man long biktaun na paulim tingting biong ol. Em i mekim kamap long olgeta man long taun, tupela liklik na bikpela taun, na long biktaun bikpela pein na ol bikpela buk i bin kamap long skin blong ol. ¹⁰ Olsem na ol i salim bokis kontrak bilong God i go long Ekron. Tasol taim bokis kontrak bilong God i kam insait long Ekron, ol lain manmeri bilong Ekron i singaut na tok, Ol i karim bokis kontrak bilong God bilong ol Israel i kam long kilim yumi na ol manmeri bilong yumi. ¹¹ Olsem na ol i go bungim olgeta lida bilong Filistia na tokim ol olsem, Salim bokis kontrak bilong God bilong ol Israel i go bek long ples bilong em yet na em bai i no kilim ol manmeri bilong yumi. Ol i bin guria na pret nogut tru long olgeta hap long biktaun, long wanem, God i mekim save stret long ol. ¹² Ol lain husait i no dai i kisim bikpela pein long ol bikpela buk na krai bilong ol manmeri long biktaun i go long ol heven.