¹ Na taim i kamap bilong ol Filistia i kam bung na redi long pait wantaim ol Israel. Akis i tokim Davit olsem, Yu mas save yu wantaim ol man bilong yu.Bai i go wantaim mi long grup, ² Davit i tokim Akis olsem, Olsem na yu bai save wanem ol wokman bilong yu inap mekim. Akis i tokim Davit ken, Olsem na bai mi mekim yu kamap wasman bilong mi long olgeta dei. ³ Nau Samuel i dai na olgeta Israel i krai long em na planim em long Ramah, long biktaun bilong em yet na tu long dispela graun, ol i bin rausim Sol long ol man husait i bin toktok wantaim ol dai man na ol tewel . ⁴ Orait na ol Filistia i bungim ol yet na i kam bung long Sunem na Sol i bungim olgeta Israel wantiam na ol i bung long Gilboa. ⁵ Taim Sol i lukim ol paitman bilong Filistia em i pret nogut tru na lewa bilong em tu i guria nogut tru. ⁶ Sol i beten i go long God Yawe bilong em i ken helpim em,tasol God Yawe i no helpim em,long driman o long wanpela man o long ol profet. ⁷ Orait na Sol i tokim ol wokboi bilong em,Yupela go painim wanpela meri i save toktok wantaim ol dai man, na bai mi ken i go long em na kisim sampela tingting long em. Ol wokman bilong em i tokim em,Lukim, i gat wanpela meri i save stap long Endor na em i save toktok wantaim ol dai man. ⁸ Sol i haitim em yet na putim narapela klos bilong em na em i go wantaim tupela man, ol i go long dispela meri long bik nait. Na em i tokim em olsem, "Bikpela bilong mi, mi askim yu wantaim ol tewel, givim mi ol dispela ol dai man husait mi kolim nem bilong ol long en. ⁹ Orait na meri i tokim em olsem, "Lukim, yu save pinis long wanem Sol i bin mekim, em i save rausim ol man i save toktok wantaim ol man i dai pinis long dispela graun.Olsem na bilong wanem yu laik trepim mi, long mekim mi i dai?" ¹⁰ Sol i promis long meri long name bilong God Yawe na em i tok,Taim God Yawe i stap, nogat wanpela hevi em bai kamap long yu taim yu mekim dispela samting. ¹¹ Orait na meri i tok olsem, ''Yu laik bai mi kisim husait i kam long yu?" Sol i bekim na i tok, ''Kisim Samuel i kam long mi." ¹² Taim meri i lukim Samuel, ''Em i krai singuat strong i go long Sol," na em i tok, "bilong wanem yu laik giamanim mi? Em yu Sol." ¹³ King i tokim meri olsem, yu noken pret. Yu lukim wanem? Meri i tokim Sol, "Mi lukim wanpela god i kam autsait long graun." ¹⁴ Na em i tokim meri, Em i luk olsem wanem? Meri i tok, Lapun man i kam antap, em i werim longpela klos. Sol i save olsem em Samuel tasol na em i daunim het na putim pes i go daun long graun na givim ona long em, ¹⁵ Samuel i tokim Sol, Bilong wanem na yu singautim mi na kisim mi i kam antap? Sol i bekim tok, Mi no amamas tru, bilong wanem, ol Filistia i kisim pait i kam long mi na God Yawe i lusim mi na em i no harim prea bilong mi moa, long ol profet na long ol driman. Olsem na mi singautim yu long soim mi wanem samting bai mi mekim. ¹⁶ Samuel i tok, "Wanem moa bai yu tokim mi, taim God Yawe i lusim yu na em i kamap birua bilong yu?" ¹⁷ "God Yawe i bin mekim long yu wanem em i bin tok long mekim. God Yawe i rausim wok bilong kingdom long han bilong yu na i givim i go long wanpela man, em Davit tasol." ¹⁸ Long wanem yu no bihainim singuat bilong God Yawe na i no karim hevi na belhat long ol Amalek, olsem na em i mekim olsem long yu. ¹⁹ God Yawe bai givim Israel long han bilong ol Filistia na tumoro yu na pikinini bilong yu bai i stap wantaim mi. God Yawe bai i givim ol man bilong Israel i go long han bilong ol Filistia. ²⁰ Na Sol i hariap tru pundaun long graun na pret nogut tru long tok bilong Samuel. Em i no bin i gat stronglong wanem em i no kaikai wanpela kaikai long dispela dei na long nait tu. ²¹ Na meri i kam long Sol na lukim olsem em i gat hevi na em i tokim em, ''Lukim, wok meri bilong yu i harim singaut, mi putim laip bilong mi long han bilong mi na harim ol toktok yu i bin tokim mi. ²² Olsem na mi askim yu, harim toktok bilong wok meri bilong yu na larim mi stretim liklik kaikai bilong yu. Kaikai na bai yu kisim strong taim yu wokabaut i go. ²³ Orait Sol i les na i tok, Mi bai i no i nap kaikai, Tasol olgeta wok man bilong em wantaim dispela meri i toktok long em na em i harim tok bilong ol. Olsem na em i kirap long graun na sindaun long bet. ²⁴ Orait meri i gat bikpela sipsip i stap long haus, em i kilim hariap tru. Em i kisim flaua na karamapim na kukim bret i nogat yis na kisim i kam. ²⁵ Meri i kisim i kam long Sol na ol wokman bilong em na ol i kaikai na ol i kirap na lusim dispela ples long nait na i go.