¹ Samuel i tokim Sol," God Yawe i salim mi long putim oil antap long yu na makim yu long kamap king bilong ol manmeri bilong Israel. Nau putim ia na harim tok bilong God Yawe. ² Dispela em wanem God Yawe i gat olgeta strong i tok," Mi luksave long pasin nogut ol Amalek i bin mekim long ol Israel long taim ol i lusim Isip na wokabaut i kam. ³ Nau go na pait long ol Amalek na bagarapim olgeta samting ol i gat long en. Noken larim ol i stap laip, kilim olgeta man,meri,pikinini,bulmakau,sipsip, kamel na donki." ⁴ Sol i singautim ol man na i kauntim ol long biktaun bilong Telem- 200,000 man bilong wokabaut na 10,000 man bilong Juda. ⁵ Bihain Sol i kam kamap long biktaun bilong Amalek na i weit i stap long ples daun. ⁶ Bihain Sol i tokim ol Kenan,"Go, lusim ,kam autsait long ol Amalek, olsem na mi no inap bagarapim yupela wantaim ol. Long wanem yupela bin soim gutpela pasin long ol man meri bilong Israel taim ol i lusim Isip na kam."Olsem na ol Kenan i go stap longwe long ol Amalek. ⁷ Orait Sol i mekim pait long ol Amalek, stat long Havila i go inap long Sur, em i stap long ples sankamap long Isip. ⁸ Na em i holim pasim Agak king bilong ol Amalek na i no kilim em; em i kilim olgeta manmeri wantaim sap bainat. ⁹ Tasol Sol na ol man bilong em i no kilim Agak, wantaim sipsip, bulmakau, yangpela fatpela bulmakau na yangpela sipsip. Olgeta gutpela samting ol i no bagarapim, tasol ol i bagarapim ol wanem i gat asua long en na olgeta samting we man bai i no laikim. ¹⁰ Orait tok bilong God Yawe i kam long Samuel, na tok. ¹¹ Em i mekim mi i pilim sori olsem mi mekim Sol i kamap king, long wanem em i givim baksait long mi na i no bihainim ol lo bilong mi." Samuel i belhat; em i krai i go long God Yawe long nait i go inap tulait i bruk. ¹² Samuel i kirap long moning taim tru long bungim Sol. Ol i tokim Samuel," Sol i kam long Karmel na i mekim ston piksa bilong em yet, orait em i tanim na i go daun bek long Gilgal. ¹³ Orait Samuel i kam long Sol na Sol i tokim em, " God " God Yawe i blesim yu! Mi bihainim tok bilong God Yawe pinis." ¹⁴ Samuel i tok," I olsem wanem na mi i harim long yau ol sipsip na bulmakau i krai?" ¹⁵ Sol i bekim," Ol i bringim ol i kam long ol Amalek. Ol man i kisim ol dispela gutpela sipsip na bulmakau long mekim ofa long God Yawe God bilong yu. Olgeta mipela i bagarapim. ¹⁶ Orait Samuel i tokim Sol," Weit na bai mi tokim yu wanem samting God Yawe i tokim mi longt nait." Sol i tokim em," Tok! ¹⁷ Samuel i tok,"Yu i bin lukim yu yet liklik na olsem wanem, ol i no mekim yu i kamap het bilong ol lain manmeri bilong Israel? Na God Yawe i mekim yu king bilong ol Israel, ¹⁸ na God Yawe i salim yu long i go na tok," Go na kilim olgeta sin manmeri, ol Amalek na pait wantaim ol inap yu pinisim ol olgeta." ¹⁹ Bilong wanem yu i no harim toktok bilong God Yawe na i kisim olgeta samting na i mekim nogut pasin long ai bilong God Yawe.?" ²⁰ Orait Sol i tokim Samuel," Mi bin bihainim stret tok bilong God Yawe na bihainim dispela rot em i salim mi. Mi holim pasim Agak, king bilong ol Amalek na kilim olgeta Amalek. ²¹ Tasol ol man i kisim sampela abus- sipsip na bulmakau na ol gutpela samting long mekim ofa long God Yawe , God bilong yu long Gilgal." ²² Samuel i bekim," God Yawe i amamas long ol ofa yu kukim olgeta long paia na ol sekrifais o long bihainim tok bilong em? Bihainim tok bilong God Yawe i gutpela moa long ofa na long harim na bihainim i gutpela moa long gris bilong ol sipsip. ²³ Sakim tok em i wankain sin olsem lotuim god giaman na pasin bilong mekim samting long laik bilong yu yet em i pasin nogut na pasin bilong bruk nambaut. Bilong wanem yu bin sakim tok bilong God Yawe olsem na em i rausim yu pinis long stap king." ²⁴ Na Sol i tokim Samuel," Mi sin pinis; bilong wanem mi brukim lo bilong God Yawe na tok bilong yu, bilong wanem mi pret long ol manmeri na i bihainim tok bilong ol. ²⁵ Olsem nau, inap yu lusim sin bilong mi na kam bek wantaim mi na mi ken mekim lotu long God Yawe." ²⁶ Samuel i tokim Sol,"Mi bai i no inap i go bek wantaim yu; bilong wanem yu sakim pinis tok bilong God Yawe na God Yawe i rausim yu pinis long stap king bilong ol Israel." ²⁷ Taim Samuel i tanim long wokabaut i go Sol i holim arere bilong klos bilong em na i bruk. ²⁸ Samuel i tokim em," God Yawe i brukim kingdom bilong Israel long yu na i givim pinis long wanpela wantok bilong yu, wanpela husait i gutpela moa long yu. ²⁹ Olsem na Strong ( God ) bilong Israel bai i no inap giaman na senisim tingting bilong em; olsem em i no man na em bai senisim tingting bilong em." ³⁰ Tasol Sol i tok," Mi mekim sin pinis. Tasol onarim mi nau long ai bilong ol bikpela man bilong ol manmeri bilong mi na long ai bilong Israel. Tanim na bihainim mi olsem na bai mi ken lotuim God Yawe God bilong yu." ³¹ Olsem na Samuel i tanim na i bihainm Sol na Sol i lotuim God Yawe. ³² Na Samuel i tok," Bringim Agak king bilong ol Amalek i kam hia long mi." Agak i kam long em wantaim sen ol i pasim em na tok," Tru tumas pait na pen bilong dai i go pinis." ³³ Samuel i bekim tok," Wankain long bainat bilong yu i mekim ol meri i nogat pikinini, olsem tasol mama bilong yu bai i nogat pikinini namel long ol meri." Orait Samuel i katim Agak i go liklik liklik long ai bilong God Yawe long Gilgal. ³⁴ Samuel i go long Rama na Sol i go antap bek long haus bilong em long Gibea bilong Sol. ³⁵ Samuel i no lukim Sol i go inap long taim em i dai, long wanem em i krai long Sol. God Yawe i sori olsem em i mekim Sol i kamap king bilong ol Israel.