¹ Wanpela de bihain,pikinini man bilong Sol,nem bilong em Jonatan, i tokim yangpela wokman bilong en i save karim ol spia bilong em olsem,Kam na me tupela i go long Filistia long hapsait bilong kem.Tasol em i no bin tok save long papa bilong en. ² Sol i stap yet long bikrot bilong Gibea aninit long wanpela diwai ol i kolim pomegranet, em long hap bilong Migron. I olsem 600 man i stap wantaim em, ³ wantaim Aisa pikinini bilong Aitub em i brata bilong Ikabod em i pikinini bilong Finias, em i pikinini bilong Eli, em i pris bilong God Yawe long Silo, husait i putim wanpela klos bilong pris . Ol manmeri i no bin save olsem Jonatan i go pinis. ⁴ Long sait sait bilong rot we Jonatan i laik i go long kemp bilong ol Filistia, i gat bikpela ston maunten i stap long wanpela sait na narapela long hapsait. Wanpela bilong ol dispela ston maunten ol i kolim Boses na narapela ol i kolim Sene. ⁵ Wanpela ston maunten i sanap long Not bilong Mikmas na arapela i sanap long Saut bilong Geba. ⁶ Jonatan i tokim yangpela boi husait i save karim spia bilong em olsem, Kam na tupela i go long kemp bilong ol dispela lain ,husait ol i no save katim skin bilong kok. God Yawe bai i kisim ples bilong mipela na i wok long wanem, nogat wanpela samting inap pasim em long kisim bek planti o liklik lain manmeri. ⁷ Na wokman bilong em, husait i save karim spia bilong em i bekim tok olsem, Yu ken mekim olgeta samting i stap long bel bilong yu. Go het, lukim, mi stap wantaim yu long bihainim olgeta tok bilong yu. ⁸ Orait Jonatan i tok,'' Bai mitupela i go hapsait long ol dispela man na bai mipela soim mipela yet long ol . ⁹ Sapos ol i tokim mitupela, Yutupela weit long hap bai mipela kam long yutupela,'' orait bai mitupela stap long hia na mitupela i no inap go long ol. ¹⁰ Tasol sapos ol i bekim tok olsem,yutupela i ken kam long mipela, long wanem God Yawe i givim ol pinis long yumi.Dispela bai i olsem gutpela mak long yumi. ¹¹ Olsem na tupela wantaim i soim tupela yet long kemp bilong ol Filistia.Na ol Filistia i tok olsem, Lukim, ol Hibru i kam autsait long ol ples hait bilong ol we ol i hait long en. ¹² Na ol man bilong kemp i singaut na i tokim Jonatan wantaim wokman bilong em olsem, Kam long hia na bai mipela i soim yupela wanpela samting.Na Jonatan i tokim wokman bilong em, Bihainim mi, long wanem God Yawe i givim ol pinis long han bilong ol Israel. ¹³ Na Jonatan i stat long wokabaut i go wantaim wokman bilong em. Jonatan i stat long kilim ol lain Filistia na wokman bilong em tu i kilim sampela. ¹⁴ Dispela em i namba wan pait we Jonatan wantaim wokman bilong em i mekim na tupela i kilim ol Filistia inap olsem 20 man insait long dispela liklik ples. ¹⁵ Olgeta lain i stap insait long kemp na long ples bilong pait i pret na tu ol lain i pait i stap i kisim bikpela pret taim graun i guria. ¹⁶ Na man bilong luk stil, em i lain bilong Sol i stap long Gibia long lain benjamin, i lukim planti bilong ol ami bilong Filistia i ranawe na i go i kam long dispela hap. ¹⁷ Na Sol i tokim ol lain bilong em, Kauntim olgeta man na sekim husait bilong mipela i no i stap nau. Na taim ol i kauntim ol pinis, ol i painim aut olsem, Jonatan wantaim wokman bilong en i no i stap wantaim ol. ¹⁸ Na Sol i tokim Ahisa, Kisim dispela kontrak bokis bilong God i kam, Nau long dispela taim Em i stap wantaim ol Israel. ¹⁹ Taim Sol i toktok wantaim pris yet, nois bilong singaut long kemp bilong ol Filistia i wok long kamap bikpela. Orait Sol i tokim pris olsem, Maski, yu noken pasim mipela. ²⁰ Sol wantaim olgeta lain i stap wantaim em, ol i singaut na i ron i go long pait . Olgeta Filistia i pait namel long ol yet long wanem ol i paul nambaut. ²¹ Nau ol Hibru husait ol i bin i stap bipo wantaim ol Filistia na i go insait long kemp , nau ol i tanim bek na helpim ol Israel husait i bihainim Sol wantaim Jonatan. ²² Taim olgeta lain bilong Israel husait ol i go hait long ol maunten klostu long Ifrem i harim olsem, ol lain Filistia i ranawe, ol i bihainim ol na ronim ol. ²³ Olsem na God Yawe i helpim ol lain Israel long dispela de na pait i go abrusim Bet Aven. ²⁴ Long dispela de yet, ol lain bilong Israel i tingting planti long wanem, Sol i putim wanpela lo olsem, Olgeta man bai i no inap kaikai wanpela samting i go i nap long apinun. Sapos wanpela man i sakim dispela tok, God bai i givim hevi long em long wanem, mi mas bekim rong bilong ol birua bilong mi. ²⁵ Na olgeta manmeri i go insait long bus na i lukim planti hani i stap antap long graun. ²⁶ Taim ol i go insait long bus, ol i lukim ol hani i stap long olgeta hap, tasol ol i no kisim na kaikai long wanem, ol i pret long tok lukaut Sol i givim long ol. ²⁷ Tasol Jonatan i no bin harim dispela tok papa bilong em i givim ol. Olsem na em i apim stik bilong em na i putim i go insait long haus bilong hani na i putim long maus bilong em na ai bilong en i op na em i pilim gutpela tru. ²⁸ Na wanpela bilong ol man i tokim em olsem, Papa bilong yu i bin tok strong olsem, God bai i bagarapim yupela sapos yupela i kaikai long dispela de, maski yupela i hangere na i nogat strong. ²⁹ Na Jonatan i bekim tok bilong em olsem,Papa bilong mi i bin mekim hevi long dispela graun. Lukim,ai bilong mi em i op long wanem,mi kaikai hap bilong ol dispela hani. ³⁰ Wanem samting gutpela bai i kamap long ol man sapos ol i kaikaik nau na taim ol i painim ol birua bilong ol na kilim ol? Bilong wanem, mipela i no bin kilim planti bilong ol Filistia. ³¹ Long dispela de, ol i pait wantaim ol pilistain stat long Mikmas na i go i nap long Aisalon. Ol Israel i hangere nogut tru. ³² Ol i go wantaim hangere na ol i kisim ol sipsip wantaim bulmakau na kilim ol long graun na ol i kaikai wantaim blut. ³³ Na ol i tokim Sol,Lukim, ol manmeri i mekim sin pinis long God Yawe long wanem, ol i kaikai wantaim blut. Na Sol i tokim ol olsem, Yupela i no bihainim pasin bilong bilip tru. Nau pusim dispela bikpela ston i kam long mi. ³⁴ Na Sol i tok, '' Go long ol man meri na tokim ol long bringim ol bulmakau na sipsip i kam kilim long hia na kaikai. Noken mekim sin long God Yawe long kaikai wantaim blut . Olsem na olgeta manmeri i bringim ol bulmakau bilong ol yet i kam long dispela nait na ol i kilim ol . ³⁵ Sol i wokim alta bilong God Yawe, em i nambawan alta bilong God Yawe. ³⁶ Na Sol i tok, Yumi bai go long nait na kilim ol Filistia i go inap long moning na yumi noken larim wanpela bilong ol i stap laip. Na ol i bekim olsem,Yu ken mekim wanem samting i gutpela long yu.Tasol pris i kirap na i tok, Yumi i mas i go long God long hia. ³⁷ Na Sol i askim God, Inap mi bagarapim ol Filistia? Na bai yu givim ol i kam long han bilong ol Israel? Tasol long dispela de, God i no bekim dispela askim bilong em. ³⁸ Na Sol i tokim ol olsem,Yupela olgeta lida bilong ol manmeri, yupela i kam na painim na lukim as bilong sin i kamap olsem wanem long nau. ³⁹ Long wanem, God Yawe i stap na i kisim bek ol Israel, maski em i stap wantaim pikinini bilong mi Jonatan, em bai i dai yet. Tasol i nogat wanpela man namel long ol i bekim tok bilong em. ⁴⁰ Na em i tokim olgeta Israel olsem,Nau yupela i mas sanap wantaim long wanpela sait na pikinini bilong mi Jonatan wantaim mi bai i sanap long arapela sait. Na ol Israel i bekim tok bilong Sol olsem, Yu ken mekim olsem sapos em i gutpela long yu. ⁴¹ Sol i tok,God Yawe bilong ol Israel. Sapos dispela sin i bin kamap long mi o pikinini bilong mi, orait God Yawe bilong Israel yu givim namba wan ston.Tasol Sapos dispela sin ol manmeri bilong Israel i mekim, givim namba tu ston long ol. Orait Jonatan wantaim Sol i kisim planti, tasol olgeta ami ol i nogat asua long dispela. ⁴² Na Sol i tokim em,Skelim planti samting namel long mi wantaim pikinini bilong mi Jonatan. Orait Jonatan i kisim planti samting. ⁴³ Na Sol i tokim Jonatan,Tokim mi wanem samting tru yu bin mekim. Na Jonatan i tokim Sol olsem,Mi bin kaikai liklik hani long dispela stik mi holim, olsem na nau bai mi dai. ⁴⁴ Sol i tok,Jonatan, God bai i mekim olsem long yu na mekim save long mi tu, sapos yu i no dai. ⁴⁵ Na ol manmeri i tokim Sol olsem, Bai Jonatan i dai na husait i bin kisim bek mipela ol Israel na winim bikpela pait? Sapos God i stap, nogat wanpela gras long het bilong em bai i pundaun long graun long wanem, em i bin wok wantaim God nau. Olsem na ol Israel i helpim Jonatan na em i no i dai. ⁴⁶ Na Sol i no moa bagarapim ol Filistia na ol i go bek long ples bilong ol. ⁴⁷ Taim Sol i bosim ol Israel, em i pait wantaim olgeta birua bilong em long olgeta hap.Em i pait wantaim ol Moab na ol Ammon na ol Idom na king bilong Joba na ol Filistia. Na taim em i kam bek, em i save givim bikpela hat wok tru long ol. ⁴⁸ Sol i pait wantaim bikpela strong na em i daunim ol Amalek. Em i kisim bek ol Israel long han bilong ol lain husait i save bagarapim ol. ⁴⁹ Ol lain pikinini bilong Sol em Jonatan, Isvi na Malkisua. Na nem bilong tupela pikinini meri bilong em, Merab em i nambawan pikinini meri na Mikal em i yangpela pikinini meri. ⁵⁰ Nem bilong meri bilong Sol em Ainoam, em i pikinini meri bilong Aimas. Na nem bilong kepten bilong ami bilong en , em Abna pikinini bilong Ner em ankol bilong Sol. ⁵¹ Kis em papa bilong Sol na Ner em i papa bilong Abna husait em i pikinini bilong Abiel. ⁵² Long taim bilong Sol, ol i pait strong tru wantaim ol Filistia. Na taim Sol i lukim wanpela strongpela man o hiro-man,em i save bungim ol wantaim em yet.