¹ Sol i gat 30-pela krismas long taim em i kamap king, taim em i stap king bilong ol Israel inap long 40-pela krismas, ² em i makim 3000 man bilong ol lain Israel. Na 2000 man i stap wantaim em long Mikmas na maunten taun bilong Betel, taim 1000 man ol i stap wantaim Jonatan long Gibia long graun bilong ol lain Bensamin. Na ol narapela lain soldiai em i salim ol i go bek long ples, long wanwan haus sel bilong ol. ³ Jonatan i winim ol ami bilong ol lain Pilistia long Keba na ol Pilistia i harim dispela. Olsem na Sol i winim biugel long olgeta hap graun na tok, " Larim ol manmeri bilong lain Hibru i harim." ⁴ Na olgeta manmeri bilong Israel i harim olsem Sol i winim ol lain ami bilong ol Pilistia na tu ol Israel i kamap smel nogut long ol Filistia. Olsem na ol soldia i sapotim Sol na bum wantaim em antap long Gilgal. ⁵ Na ol Pilistia i bum wantaim long pait wantaim ol Israel, wantaim 3000 karis na 6000 man bilong pulim karis na ol lain ami i olsem wesan bilong nambis. Na ol i kam antap na wokim kemp bilong ol long Mikmas, long hap san kamap long Bet Aven. ⁶ Na taim ol man bilong Israel i lukim olsem ol i stap long bikpela hevi, ol manmeri i pret na ol i go hait insait long hul bilong ston, insait long bus, aninit long ol ston, insait long hul wara na aninit long hul insait long graun. ⁷ Na sampela lain Hibru ol i go hapsait long Joden, graun bilong Gat na Kilet. Tasol Sol i stap yet long Gilgal na olgeta manmeri i bihainim em wantaim pret. ⁸ Na em i wait inap 7- pela dei, olsem Samuel i makim. Tasol Samuel i no kam long Gilgal, olsem na ol manmeri i lusim Sol na i go nambaut. ⁹ Sol i tok, " kisim ofa bilong paia i kukim olgeta na ofa bilong bel isi." Orait bihain em i mekim ofa long dispela ofa bilong paia i kukim olgeta. ¹⁰ Taim Sol i mekim ofa pinis long dispela ofa bilong paia i kukim olgeta, Samuel i kam kamap. Na Sol i go bumim em na givim gut dei long em. ¹¹ Na Samuel i tok, " Yu bin mekim wanem?" Na Sol i bekim tok olsem, " Taim mi lukim olsem yu no kam long taim yu makim na ol manmeri i lusim mi na i go nambaut na ol Pilistia i bum long Mikmas ¹² na mi tok, " Nau bai ol Pilistia i kam daun na pait long mipela long Gilgal na mi no askim laik bilong God Yawe. Mi hariapim mi yet long mekim ofa bilong paia i kukim olgeta.'' ¹³ Orait Samuel i tokim Sol olsem, "Yu mekim longlong pasin. Yu no bihainim tok bilong God Yawe bilong yu i bin givim yu. Long wanem, God Yawe inap long mekim yu i kamap king bilong Israel olgeta taim. ¹⁴ Tasol nau wok bilong yu olsem lida bai i no inap go moa. Long wanem yu sakim tok bilong God Yawe na em i makim wanpela man long laik bilong em long kisim ples bilong yu long kamap pikinini bilong king na lukautim ol manmeri bilong em. Long wanem yu no bihainim tok bilong em." ¹⁵ Orait na Samuel i kirap na lusim Gilgal na i go antap long Gibea long graun bilong ol lain Bensamin. Na Sol i kauntim ol man husat istap wantaim em, em 600 man tasol . ¹⁶ Orait ol manmeri i stap wantaim Sol na pikinini man bilong en Jonatan long graun bilong ol lain Bensamin long Geba. Tasol ol Pilistia i wokim kemp bilong ol long Mikmas. ¹⁷ Na ol man i save ran long hos i kam long tripela grup long kemp bilong ol lain Pilistia. Wanpela grup i makim i go olsem long Ofra long graun bilong ol lain Sual. ¹⁸ Na narapela grup i tanim i go long Bet Horon na ol narapela grup i tanim i go olsem long graun mak i lukluk i go olsem long Ples daun bilong Seboim i go long ples nating. ¹⁹ " Yupela bai i no inap painim wanpela man i save kukim ain long olgeta hap bilong Israel Long wanem ol Pilistia i tok, Nogut ol lain Hibru bai mekim ol bainat na spia bilong ol yet." ²⁰ Tasol olgeta ol man bilong ol lain Israel i save go daun long Pilistia na wanwan i sapim ol bainat na ol spia na ol tamiok bilong ol. ²¹ Na ol i save baim 23pela silva mani long sapim na stretim ol poin bilong ol spia, 21 silwa mani long sapim bainat na ol tamiok na stretim na stronim ol stik bilong spia. ²² Olsem na long taim bilong pait ol ami bilong Sol na Jonatan i nogat bainat na spia long han bilong ol. Tasol Sol na pikinini man bilong em Jonatan tupela tasol i gat ol dispela samting. ²³ Na ol lain ami bilong Pilistia i go sanap raunim Mikmas.