¹ Semi Jisasin avipim fuga se. Semi muna buse'e seti intiru seti antaga sitem aiyo agapim. ² Minugai sefo seti ano'na sigun anene nampa su'sivisi dukauna bu kipatem. ³ Nayeyare , semi ayewaunami sesifa tiwayi awoguganti mini umanti mante Jisasipikem mapa wanu. Iyewafi seti mana akum. ⁴ Yemi Israili akumono. Afo Koti yenanti semi setigaguge, yemi Kotini eran nampa saganti amonaruka. Koti yenampa Kontraki uwantem mono baya sir awuawa yigatiruka, afo yenampa kaga waya anta uruka. ⁵ Yen akupike Jisasi ye fa'wa ruvem watayi uga, masidem anenefim Koti beya'o Ano'na bami ben avi'i masiden nuram yani ogo. Fugave. ⁶ Afo, Kotini waya mare fakagi buyuga nauganafi, Israeli wata anasi mana'a Israel fuga wam mana'a enafake nayuo. ⁷ Afo minugami, muyuga Abrahami anawasina naye yemi fuga ben agafanta mano, afo bemi "Bemi Aisaki samana anawasinam mini arawokam marate payamono. ⁸ Mana minugemino, yemi ameka bunamano akake, yemi Koti aka buwane. Afo, yemi kaka waya mano akafanta mono, afo mini wa'i masidena Abrahami anawasim beyaune. ⁹ Naugane, bemi mani sirem kaka waya siyime: "Afo miniyo kana, semi mana ainaka seva emi ameteuno." ¹⁰ Mini samana waye, bumino, naem Rebeka mana waita gake amu wagi'em mifo mini waita senu yifoe, Aisaki mino. ¹¹ Nayeyare, iyaoru bu fawaruge saviwa awogu anta buyurukami, afo Koti beyi ayika yemi ugaduka,yemi awogu anta uranaye.Afo mini waitamo yararukem yemi. ¹² Naugana, Rebekami ami ma'ni sire sasamemo, "awa'e mano afa'anoni yoganti maratem." ¹³ Mini mi a'i wafa afunti agantuka,"Jekopimi semi ayevu, afo Iso mi sivesara evu. ¹⁴ Minu gamifo seyu nayeve seteyare? Kotimi buatekam anta uwarene seteyare? Buve. ¹⁵ Nayeyara, bemi mosesim sasamem, "Semi iyenafi awawa uakarate'i, awawa uwakate, afo iyenafi sigunanti uwakarante'i siguna ote. ¹⁶ Minugami iyewafi bua ye wananafi, o iyewafi iyairantmi afo Koti beyi ayika awawa yikatemino. ¹⁷ Nayeyare, waya mano ama emi Feromi sasamem, "Minugai intika semi ami sasameu, afo semi sesi eranti emi agatirare. Minonami masidem magafa setivi sima fawaritemo. ¹⁸ Minugami Koti wata awawa irantemi beyi ayika ana awawa itemi, afo iyenafi ara umam doakara temi beyi ayika minitem. ¹⁹ Yigemi fa senanti mini sina gomino, "Naugana senuti umanti afakeve nafi?" Afo iye ugana beni ayinti awkuritenafi? ²⁰ Yigemi ena awafa watayu iye'bega yigemi Koti ameme evege?' ²¹ Maga kura uwarewam waita mano, bemi eranti mini kuraga burukena anene beyi ayika bu uwarate nafi? Afo beni eranti burukem mini maga kura mantem anon duwantufim nampa masidem nura kena kura bu uwara tenafi? ²² Afo Kotimi beyi eranti manta fawarurem beyi aran anene yigatirantem, sadagem wa ameurem aran anene bu yigatitem, beyi anona aran anene fami duwantu umaka. ²³ Afo bemi beyi avogu yigatima faka demi aregem anona eranako manta beyi awawa kurafim magem, wafa be uwantem beyi eraka makane. ²⁴ . Senuyami wafa sarayimi iteniga itenafi bemo senu mini usikanam, seyu Juda wafuna akum mana waye.buwe. ena waita yu wagafi. ²⁵ Afo Hoseani yaufi waya simakane, "Semi seti wata anasi ai yaranu, wafa seti akupim bu wage'emo,seti watanasi feyapa yemba bu ayiruka, semi yemi ayigara ote. ²⁶ Afo bemi yiyimi dukam maguga yerawom mani sire yiyimemi, ' yigemi seti watanasi buwane, 'me'e miniga yigenanti semi, Yigemi aum rukam Koti agafantave sitemo. ²⁷ Aisaiya mi Israili yu yararem mani siruka, Israil iya'oru i bunopake efayu amagi itemo,yen yiwa napake Koti sito'a mana owayegem yibigatem. ²⁸ " nayeyare Anona mana maga anakama kipatem,'' iyaka bu rafisitem. buve.'' ²⁹ Wafa ai Aisaia sirukane, "Afo anona yanafa urewu kayimo senu sinau sikao ifadu kage enitina, seyu Sodomi wa Komora amakaki irarofu namino." ³⁰ Seyuya nayeve seteyare? Mana'a mano atekam anta bu wakuremi mi magemi yemi atekam anta maremo mini yimakuku pim. ³¹ Ugamifo Israiliyu yemi kaga waya awakuntem ateka anta mara rantem omifo, mini makiga bu yiga. ³² . Naye anta yarafi ? mini antaga ,yemi yimakuku manoni abuava bu awakure mofo ,yemi dufa minanim om amuga dufabumga. ³³ . Wafa waya wage'emi, amonago, mente Saioni mana dufa minanim om amuga dukau omano dufam yikanaim. Iyewafi bepim amakuku inaiyi ,bemi agaye bu maratem.