¹ Afa'awao setirapike aiyi anene mi Kotipa suga mukona yivi ganoyare. ² Nayeyara yenti anta sima faware wau, minugamise Kotimi ake ure ayi'ake wau. ³ Nayeyare Kotini ateka anta buamo naga, afo yeyi soke anta manta fawaruga. Kotini soke antafim yemi buamemo. ⁴ Nayeyara Jisasi masidem age waya nampa yimakuku ewa yu ya sima amauga. ⁵ Mosesi agantem, sima ama'uga, wata mano ateka age waya awakuritemi, wanti bemi maratemi. ⁶ Ugamifo ateka antami yimakukum ewam waitafim fawarem, "Iye Inarufa uritenafio sire buyintago mini Jisasi avige kumewa. Inarufake. ⁷ Iye fugi waita magufa bitene? Mini sewana Jisasi avige masipike urewa. ⁸ Afo nayeve sigene? " Bayami enampa bane, mini bayami enabuntim bami enarapim bane. ⁹ Nayeyara, awaukake Jisasi nanti anonave semo amakuku emo, Kotimi Jisasimi fugintike manta itarukane sitemi, Kotimi avigatene. ¹⁰ Ateka ara nampa amakuku eve, ateka anta nampa awauntike sima fa'ware Koti avigatene. ¹¹ Koti amano mani semi, "Wata mano amakuku itemi Koti augaka agaye bumaranani." ¹² Judayu nampa Grikiyu mana'uga. Afo Koti beya'o masideyu yi ano'na, masideyu soke uyikadem yarewa. ¹³ Mi'nugami, masidem waita Ano'na mano avi'ka yararem yiviruka. ¹⁴ Bepimo yima kukum buyemo temi, nayevega siteye? Buintatemi, iteni ureya yimakuku iteye? Mono bayamo busamina iteni ureya intateye? ¹⁵ Iteni ureya mono baya siteye yogam baitamo bubinami? Yaufimo agataka, "Yogam baita mono baya maremo yewami amoyono eni sokege. ¹⁶ Minugamifo mono baya buyintewa. Aisayamo sigani ure, "Anonao, iyewa senu saga'i amakuku itene ?" ¹⁷ Afo wata mano intermi imi amakukum fa'warewa. ¹⁸ Afo semi ma'ni sewauno, "Yemi buyintagane?" Eyo, fugave, "Yenyime ragom mano sapa napa ewam yen yamano sapa napa ewam." ¹⁹ Enawa masire sewau, "Israeli yu bu intage yafo?" Anantai Mosesimi mani siruka, "Enara manta saviurana sitoa yivi burukayi nampa intim burukayi arakayi kano. ²⁰ Aisaiami eram bayafike siga. Semo busifakewayi simona'i yemi soke uyikanuno mani siruka, semo bu sifakewayi yesifa kewa semo bu sinta ugayiga semi ye fawarege. ²¹ "Israeli yu masidem nuramo buyintewayu ake uyikewau."