¹ Sito amakuku rukayimi ara ameno, bemi asuwurewa avekama neka burano. ² Mana waita mano beni amakukumi rukemi made yunam narantemi bemi intewa, mana waita'mano beni amakuku era'ugananiyi bemi saguana natemi. ³ Iyewafi maside yunam ruge newanono'mi buruka'naniyimi sima savi buyuakano; masidem yunam bune'wananiyim sima savi buyuakewa awogi uagano. Afo mininami Koti emi avigatemi. ⁴ Yigemi naugaga ena yogam waitayu dayime bege enoni yogam waitayui? Beyi dafisim waitamano aguka itavemi rufamemi. itabirantem ewami minimi beni anenemi, Koti bemi ita'akaremi bemi awogu'uakemi. ⁵ Mana waita manomi mana nuram yimi amonami mini kanami mana'a kanayi buyuga. Eno amone inte'imi ena nurami mana'ana buyuga. Afo e'anna mana'mana'wayi beyi erar intika wano. ⁶ Iyewa mana nuram amone inte ugeve, mana nuram bemi amone inte uma Anona wapa demi; Afo iyewafi yunami nemi, bemi Anona'napa yunam natemi, afo bemi Kotim susuve sakemi. Iyewafi bunatemi; bemi yunami aventau'remi Anonmi susuve sakatemi. ⁷ Mana wayi benanao bu fawarugami, yewayege enao wayede esa bu fuginonami. ⁸ Afo seyu yaum manteya wateyami, Jisasi napa wateya, afo seyu fugoteyami, Jisasim napa fugofa. Seyu fugo'teyarafi fawateyami seyu Kotini ninta wafu. ⁹ Ma minuga antagage Jisasi fubemi yewayegem itabugemi, fawayiwa fugayiyi Koti beyao samana bemi. ¹⁰ Afo emi, naugaga eyafa'wami rayimebeve? Afo emi, naugaya eyafa'awami sima savi uagevebe? Masideyu seyu Kotini koka maro itawateya. ¹¹ Kotini yaufimi manisiremi agaka,'' Semi saum dugunami, Anona'manomi manisemi, ''Sepimi maside'yumi. yigoyaum radaremi, yeyi umanti Kotimi sasamiteye.'' ¹² Minugafo, seyu maside'yumi naye anene uwarewa'faunami Kotimi sasa'meteyare. ¹³ Minugafo, enomi bu rayimafa, magemi mani intiri ofa, seyu senuti sifatiwa ami bu uyayike'veyara e'afanaya yemi bu rufameya itama erarogo. ¹⁴ Semi amonagei atega intinti Anona Jisasi'pim makei mana anene'manomi seti kumi'i maregemi busiratemi. Afo mana anene'manomi benanao fairi ugemi, mana waita manomi anene fairi'uganami amonatemi beni amonaka anami faritemi. ¹⁵ Afo yunapikemi eyafa awa ara marage sapa burano, afo yigemi eno ayir anta buvemi yigepimi. Enomi yunapikemi sima savi buyuakano Jisasi beka ku pukemifo. ¹⁶ Minugami anene yigemi amonami abogu uganai, e'ana enomi savi ugau busino. ¹⁷ Afo naugene Kotini magumi yunanapa nonaye, beni awogu antanapa yira faru mara awuawa amomi beni aiyo agapim bemi. ¹⁸ Item waita manowa Kraisini yoganti mini ayipake yoganti maranami bemi Kotimi ayinami madem waita anasi mana yiragagi uagateye. ¹⁹ Minuganami, seyu'yami yira farumi mare'beyami enomi awogu uyigafanami yuruma erar inayo. ²⁰ A'aobe sene Kotini yoganti manta anam bu kaogo yunam naranta'fikemi. Made anenemi seseugemi ategauga, minimi savi antami yunam nano nafike enomi yanduakano. ²¹ Mini awogu ana'mino forafi, Waini wafi, ena yunam nanonami ena afa'awa kumipim yemi yam buruyi'kanonami. ²² Mini ama kukum makami, yigenapa Koti napa awanapimi watemi. Iyewafi ben ara'ano bemi ko wame'wanami mini waita'manomi amoyitemi. ²³ Yige watayui kar intinti makayi yegemi naye yunami nagami ai kokai itaga, nayeyara yigemi yima'kukunapa bu'nami. Afo naye anene yige uwarami mini yigenti yimakuku'kai kumi ugami.