¹ E'anaya made inim waita kamani a awakurofa naye yara Koti bena'o kamani yimiduka. Kamani mo bami Kotimi ugaduka. ² Minugami, Iyewafi kamani a radate Kotini age waya nanti ra'dewanami: Iyewafi mini age baya romugate ko ka itavinonam. ³ Nayeyara Kamanimi awogu anta ewanu namugo ivem, savi anta ewam namugomi bem. Yige intami kamanipim banu yani bufegewa? Awogu antagu ure bepikem awogu intiru mara. ⁴ Nayeyara bemi Kotini yogam waita mino yigenti sokeganti . Minugamifo yigemo savi anta uwarate ma'e ategago, nayeyara, asimi fa marem bunovemi, Kotini yogam waita bemi Kotini ara anenemi savi anta ewayuka rate. ⁵ Minugafo yigemi awa awakurogo, a intanona yara Kotini ara anene yakagano.Ugamifo awakuri antami soke aneneve ⁶ Mini antaga Kamani takisi amewa nayeyara, Kamanimi Kotini yogam waita bemi made nura mini anta uwaratem. ⁷ Anene iyeninta wate ameno, iyewa takisimi amewate ameno, iyeninta meyami wate ameno, iye nara fege wate fegano, iyewa amonama intagate mini ba amone intano. ⁸ Enoni anene nari buye enomi ayiaka, iyewafi enomo ayigatem bemi ateka anta awakurem. ⁹ Age baya ma'nisire siga, "monko anta, umor anta, wata ariranta, augana'ira anta nampa nesu antayuba madem enom ayiranta ma'de mini bayafim ba. Eyau aye wani ure enomi ayiye." ¹⁰ Ayir antamano enomi savi buyu akatem, ayirantami age bayamanoni anta awakurevem. ¹¹ Minintika, magemo mana kanami amonano magemi ai itavi kanagai nayeyara senu siviga kana adegagi uga. ¹² Ayufumi binam saganti adeka yitene minugami ayufun antayu abekama nekade saga unam pa'do ono. ¹³ Ateka ayim awakureya okawa waitayi ugaya beya savi nom bunafa savi antayu buyuware enomi namugoyi buyeya sira uma buyeya. ¹⁴ E'ana anona Jisasi rafiyikano yigeyi intin bu awa kurogo.